باسبوعين ونص ضعفت 7 كيلوات

om_bader

02-08-2022 - 06:52 am

:fererhagi السلام عليكم
حبيباتي انا صارلي اسبوعين ونص الحين بالظبط وانا ماشيه على طريقه ضعفتني 7 كيلوات وهذي الطريقه قريتها في مجله وطبقتها على نفسي وان شاء الله بستفيد على طول منها والله ماراح تملون لكن جربوها
يابنات المفروض قبل مانسوي ريجيم نعقم وننظف بطنا وجسمنا عشان نضعف بسرعه
ومع هالطريقه راح تضعفون وانا ضامنه لكم
وبعد هالنظام اتبعوا اي شي تبونه
لكن انا استعمل كبسولات الاناناس لون علبتها اصفر وسعرها مايتعدا ال 4 دنانير ونص
المهم نبدأ بالنظام
الفطور:
كوب شاي+3ملاعق مربى+2ملعقة زبده+2 توست اسمر محمص...
او
كوب قهوه محلاة بسكر الفواكه او الكاندريل او اي سكر للريجيم+تفاحتين+بيضتين مسلوقين وتقدرين تسوينهم كسلطه وتضيفين عليهم طماطه +زيت زيتون+فلفل اسود +ملح خفيف...
او
كوب حليب خالي الدسم +حبة بطاطه حلوه مسلوقه+برتقاله او برتقالتين...
او
جبن ابيض خالي الدسم تهرسينه وتضيفين عليه مكعبات طماط ومكعبات خيار وزيت زيتون وملح خفيف وفلفل اسود وتسير مثل سلطه وطعمها لذيذ+كوب شاي+نص خبزه سمره...
او
لبنه بالزعتر وزيت الزيتون+2 قطعة توست+كوب عصير برتقال او عصير اناناس+تفاحه+سلطه...
بعد الفطور بساعتين:
قطعتين بسكوت مع كوب شاي
او
روب
او
حبة فاكهه مع قهوه
الغداء:
قطعه ستيك مشويه مع صلصة الطماط او صلصة المشروم+سلطه+ شوربة خضار+حبة فاكهة...
او
صحن كبير سوتيه خضار مسلوق+قطع لحم مع الصلصه+5ملاعق رز+حبة فاكهه...
او
معكرونه مسلوقه باللبن والخيار بدون زيت+شوربه+سلطة+حبة فاكهه...
او
تشريب مرق دجاج مع خبز رقاق اسمر بكمية طاسه+سلطه+حبة فاكهه...
او
قطعتين همبورجر بالجبن الخالي الدسم مع 2 قطعة توست+سلطه+حبة فاكهه...
او
قطع لحم مع قرنبيط وبروكلي وطماط وجزر+شوربه+روب+حبة فاكهه...
او
نقانق مع الخضار والقرنبيط+روب+سلطه+حبة فاكهه...
او
قطع دجاج مع الخضار المسلوقه او بالفرن+سلطه+روب+حبة فاكهه...
بعد الغداء بساعتين :
حبة فاكهه
او
كوب عصير برتقال
او
كوب من اي نوع من انواع العصير ويفضل الجزر او الكيوي او الاناناس
العشاء:
صحن كبير من سلطه الفواكه: تفاحه وبرتقاله وكيوي واناناس وعنب وخوخ ومشمش بدون عصير
او
صحن كبير من السلطه+روب+حبة فاكهه
او
صحن كبير سوتيه خضار+حبتين نقانق مشويه+حبة فاكهه
قبل النوم:
كوب عصير برتقال كبير
او
كوب عصير اناناس كبير
او
كوب عصير جزر كبير
او
حبة فاكهه ويفضل اناناس او عنب او كيوي او برتقال او افندي
او
كوب حليب خالي الدسم دافيء
او
كوب بابونج محلا بسكر الريجيم
او
كوب اعشاب محلا بسكر الريجيم
ملاحظات حول الريجيم:
1- شرب من لتر ونص الى لترين ماء...
2- اي نوع من الرياضه مدة نص ساعه في اليوم ويفضل الرقص او المشي السريع...
واتمنى لي ولكم قوام رشيق
واي سؤال انا موجوده...

التعليقات (8)

أم وسن**

02-08-2022 - 10:10 am

يعطيك ألف عافية

om_bader

02-08-2022 - 11:11 am

الله يعافيج ام وسن
ومشكوره عالمرور

الفراشة فرفشة

02-08-2022 - 01:13 pm

اش لون نعقم و نظف جسمنا

منى ام جود

02-08-2022 - 02:14 pm

طيب اختي علي النظام هذ نحفتي ومشكوره

فرٍرٍاوٍلة معسبة

02-08-2022 - 03:15 pm

مبرٍوٍك على النتيجة . وٍأنشاء الله توسلين للوٍزن الي تبينة .؟
بس أختى حبوٍب الاناناس عبارٍرٍة عن شنوٍ.؟
فرٍرٍاوٍلة معسبة ... ...

فرٍرٍاوٍلة معسبة

02-08-2022 - 04:16 pm

أختى أم بدرٍ. أذا ما عليج أمرٍ يا عمرٍي .
ممكن تقوٍ لين شنوٍ فايدتة حبوٍب الاناناس , وٍ تنصحيني فيهم. وٍ متوٍفرٍة بكل صيدليات الكوٍيت .
فرٍاوٍلة معسبة ... ...

nice butterfly

02-08-2022 - 05:17 pm

مشاءلله حلوو الطريقه
مافيها حرمان وقت طويل
تسلمين

عذبني موتك

02-08-2022 - 06:18 pm

مشكورة اختي ع الريجيم ..
بس الله يخليك لي طلب .. قولي تم .. ههه
شوفي انتي لقيتي هالريجيم صح ؟
بس ما مشيتي عليه كله ..؟ اخترتي لك وجبات منه ..
لو ما عليك امر والله يخليك لعين ترجيك .. انا ابي ريجيمك انتي .. يعني الاكل اللي اكلتيه بالضبط كله ..
ولو اعطيك رقم جوالي ترسلينه لي وسائط يكون افضل .. ههه امزح ترى ..
بس ابي طريقتك بالضبط .. بالضبط .. والله يخليك يارب ..
.

التغلب على الجوع بشرب الماء غير مجدي←
ممكن مساعدة→