ببدا برجيم دشتي بس اسبوع تشتركين معاي

طبعا زي ما انتو عارفين ان هذا النوع من الرجيم يعتمد على البروتين فقط
ومسموح لنا الدجاج واللحم والتونه الاسماك باواعها والربيان والزيوت بانواعها زي مثلا لو اكلتي دجاج مقلي او شريحة همبرجر مقليه او نقانق
ومسموح ايضا المرتديلا وانواع محدده من الخضار مثل الجرجير سبانخ الخس الفطر حبة طماطم وحبة خيار البيض والاجبان كامل الدسم ,,
ويمنع منع بات الخبز والرز المكرونه السكر الفواكه والعصائر و البطاطس واللبن والحليب والزبادي ,,,
هذي الرحله الاولى بالاسبوع تخسرين من 2الى 6 كيلوو حسب طبيعة الجسم
اتوقع ان هذا الرجيم اسهل من غيره ومنوع
...
وعلى هذا كان الفطور اليوم ::
بيض مسلوق
نصف طماطم
وشوية جرجير كلهم مع زيت زيتون ,,
اي استفسار انا حاضره بس ابغى مشاركه يا بنات خلونا نحمس بعض ..

طيب سمعتى عن رجيم النقاط اتوقع انه افود واريح

قريت عنه بس ما جربته الحقيقه ,,
حابه اجرب نظام البروتين كثير يمدحوونه وان شاءالله يكون فعلا فعال خلال اسبوع

احب اعطيك خبرتي برجيم دشتي
غلاتي انا جربته قبل تقريبا ثلاثه سنين
بصراحه افضل رجيمه عملته بحياتي
مره حلو ويعتبر سهل لانك ماتعتمدين على كميات محدده بل يعتمد على انواع معينه
نزلت تقريبا 10 كيلو بشهر طبعا مع رياضه والتزام تام
لكن بالشكل كأني نزلت اكثر من 10كيلو
لكن مشكلتي بعد ماخلصت الرجيم صرت اكره اللحم واكله بالغصب
كرهته عشان كذا موقادره اكرره
بس اشجعك واقولك واصلي والله معاكي
لان نتايجه رائعه جدا جدا جدا

السلام عليكم
انا لي كم يوم ماشيه فيه
والله يسهل علينا جميعا
وماأدري عن نفسي لأن من طبعي الملل بسرعه
لكن أبشارك معاكي
وإنشاءالله نشجع بعض وتستفيد من خبرة بعض
وحتى لو ماكملت بالرجيم البروتيني ....راح أكون معاكم ,,,
إذا مافيه مانع!!!!

مرحبا أخت لين
بصراحه توني انتبه لتاريخ الموضوع
الموضوع له تقريبا شهر ونص ماانفتح
على العموم...بالتوفيق للجميع

سمو الاميره s
ماشاءالله تبارك الله 10 كيلو مو شويه مرره حلو نفسي انزل 10 كيلوو بس شهر كثير !!
صحيح الواحد يمل من الروتين
طيب ياليت تقولين لي كيف كان نظامك بالنسبه للفطور والغدا والعشاء

شذى الفراشات
اهلا وسهلا فيك اختي
صحيح انا كاتبه الموضوع من فتره بس محد شجعني
يس كلام الاخت سمو الاميره يشجع
اذا عندك استعداد تعالي نبدا انا وانتي يوم السبت بالنظام ايش رايك ؟؟