بدك تصيري حلوة في عيون الناس و يكترو خطابك تعالي هون

1. اول شي القاعدة الاساسية انه كل البنات حلوين


2. و طبعا رح تقولولي كيف؟؟؟؟


3. يا ستي الموضوع جدا بسيط ,,,,,


4. يعني ما في داعي اشرح اكتر من هيك,,,


5. و نيجي للموضوع التاني يا بنات ,,, و هو الزواج

السلام عليكم و رحمة الله و بركاته
كيفكم صبايا ,,, اتمنى تكونو تمام
تعالو اقلكم على سر
و هاد السر ما قلته لحده و لا رح اقول الا الكم و بس لانكم غاليين على قلبي
و حابة تستفيدو و تتفاءلو بالحياة لانها حلوة
و لانه ربنا كريم
اتمنى تسمعوني تمام و تركزو في اللي عم بحكيه لانه عن تجربة شخصية ,,, ايوة عن تجربة شخصية مو كلام و بس

اول شي القاعدة الاساسية انه كل البنات حلوين

بس اوقات احنا ما بنشوف الجمال فينا و بنتطلع على الشي اللي ما بنحبه و بالتالي هالشي بينعكس علينا من برة و على الناس اللي بيشوفونا و بيصيرو همه كمان يركزو على الشي اللي ما بنحبه و طبعا احنا السبب لانه احنا اللي لفتنا انتباههم لاله,,,, و بالتالي يا بنات الجمال بينعكس من جوة لبرة يعني انتي اللي بتحددي كيف الناس بتشوفك ,,,,
قد ما كنتي شايفة حالك حلوة الناس رح تشوفك هيك
صدقيني و بدون مبالغة

و طبعا رح تقولولي كيف؟؟؟؟

يا ستي الموضوع جدا بسيط ,,,,,

كل يوم قبل ما تنامي ,,,, وقفي قدام المراية ,,,, و اتطلعي بعيونك و قولي " انا جميلة جدا انا جذابة جدا" و كرريها 21 مرة ,,,, يوميا بدون توقف ,,, طبعا اول شي يمكن ما تكوني مقتنعة او في جواكي شوية ممانعة ,,,, بس مع الوقت رح تصدقي هالشي و حتتصرفي على اساسه,,, لانه عقلك الباطن رح ياخد هالجملة على انها حقيقة,,, و رح يتطور هالشي ليوصل لعقلك الواعي ,,, و بالتالي رح ينعكس على سلوكك و ثقتك بنفسك ,,, و هالشي رح يوصل للناس
و مرة تانيه بقلكم انه هالشي عن تجربة شخصية ,,,و هالشي انا بطبقه من حوالي 5 سنين ازا مو اكتر ,,, و حتى لو نسيت و دخلت الفراش برجع بقوم لحتى اعمل هالشي يعني بالمختصر صار عندي عادة ما بستغني عنها,,,,
و و الله العظيم يا بنات من لما عملت هالشي نفسيتي تغيرت ,,,, و صرت احب حالي كتير ,,, وواثقة من نفسي جدا,,,,
و حتى البنات صارو يمدحو جمالي ,,, و اللي تقلي ما ازكاكي و نيالك و شو عاملة بحالك ,,,, و من هالحكي
و صارو معجبيني كتار و وين ما رحت بلفت نظر الحمدلله هاد من فضل ربنا <<< اكيد مو هاد هدفي يا بنات ,,, انا الحمدلله ملتزمة
و طبعا كلنا سمعنا عن قانون الجذب و قوة العقل الباطن ,,,

يعني ما في داعي اشرح اكتر من هيك,,,

و نيجي للموضوع التاني يا بنات ,,, و هو الزواج

بنات انا صار عمري 24 و ما تقدملي حده ,,, رغم اني و الحمدلله جميلة و محترمة و بنت عيلة يعني مال و جمال و حسب و نسب من فضل ربنا طبعا ,,,, و وين ما رحت كانت الناس تناظرني و يسألوني ليه لسه ما انخطبتي ,,, الله يهديكي اكيد شروطك كتيرة و مو عاجبك حده ,,, و يعطوني درس في التواضع و انه المهم الاخلاق و لازم ارضى باللي يجوني حتى ما تروح علي و من هالحكي <<< ما يدرون انه ما حده طق باب بيتنا
و صاحباتي تزوجو رغم انهم دايما كانو يقولو اني رح اتزوج اول وحده ,,, اه و الله يا بنات,,,
و انا بقلبي حسرة ما بعرف ليه ما اجاني حده ,,, ما بعرف شو ناقصني عن البنات ,,, و رغم اني طول عمري حافظة نفسي من الغلط رغم كل الفتن اللي حواليي,,, بس الحمدلله خوفي من ربنا كان يمنعني عن شغلات كتير
المهم يا بنات قرأت في مرة عن سورة البقرة و فضل قراءتها في احدى المنتديات ,,,
و قررت اني اداوم عليها >>> قبل لا يفوت الفوت و لا ينفع الصوت
و فعلا يا بنات قرأتها لاكثر من شهرين و السكينة اللي شفتها ما شفتها قبل هيك بحياتي
صرت مرتاحة نفسيا لابعد درجة
و رميت كل شي ورا ضهري
و يقيني بالله صار كبير
و رايقة
و احب الحياة و الناس
و اهم شي متفاءلة
و غير هاد كله السنة اللي مرت اجاني 5 عرسان ,,, ايوة يا بنات فرجت و الحمدلله .>> فتحت الحنفية
بس ما صار نصيب لاسباب كثيرة ,,, بس المهم في الموضوع انه الرفض كان من ناحيتي
يعني الحين صرت انا اتدلل
الحمدلله طبعا ,,, بس اسباب الرفض كانت منطقية ,,,, مو لاي شي
المهم انه الباب اندق يا بنات ,,, و الله على ما اقول شهيد
طبعا انا وقفت قراءة لاني انشغلت فترة بالدوام و الشغل و نسيت الموضوع فترة للاسف
لكن هلأ انا قررت ارجع من تاني و ان شاء الله ما رح اوقف قراءتها ابدا ,,, ادعولي الله يعطيني القوة
و ياما قرأت عن بنات تأخرو في الزواج و بعدين ربنا فتحها عليهم بمداومتهم على قراءة سورة البقرة باستمرار حتى فترة الدورة و لمدة ست اشهر ,,, و الله كريم يا بنات و لا تنسو انه هاد قرأن,,,
و ابحثوا عن فضل سورة البقرة و رح تلاقو ادلة كثيرة,,,,,
شو رأيكم بنات نتفق نقراها كل يوم و ندعي لبعض ,,,, و اللي يصير معاها شي تيجي تخبرنا ؟؟؟؟؟
يالله بنات و نشجع بعض على الطاعة و اهم شي الدعاء بعدها و طبعا التزام الطاعات والبعد عن المعاصي
و اليقين بالله يا بنات اهم شي اليقين و انه ربنا كريم و قادر ,,, و لا تنسو " انا عند ظن عبدي بي فليظن بي عبدي ما يشاء"
يالله اشوف مين تشاركني و ادعيلها؟؟؟؟