بدي افش خلقي

سلام يا صبايا ... عندي مشكلة يمكن تكون بسيطة وعادية بس حابة افش خلقي واحكي
ع الي بقلبي..
انا عمري 22 سنة متزوجة من 7 شهور لسى الله ما كرمني وحملت الوضع المادي لزوجي على اد الحال ، وانا ما بشتغل في البيت (مساعد قاعد)...\
كتير عم بصير مشاكل بيني وبين زوجي هاي طبيعة العلاقة الزوجية خاصة اول
سنة، عيلة زوجي كبيرة كتير عنده 6 اخوان و 3 خوات علاقته باخوانه كتير قوية بس هاي العلاقة
مأثرة ع علاقتي فيه اهم شي عنده همي بعدين انا عشان هيك انا بلشت اكرهم لانه دايما مفضلهم عليي .
بطل عندي ثقة بنفسي وصايرة اكره حالي حاسة بنقص كرهانه كل الناس لانه حاسة ما عندي شي
لا مال لا ولاد لا شغل التهي فيه، كتير بحشر حاله بكل كبيره وصغيره ما بتركلي حرية التصرف ببعض الاشياء ما في مره قولتلوا بدي ازور فلانه الا بعمل قصة وحكاية
مع انه والله ما بطلع كتير ما بروح الا عند اهلي واصلا برجع قبل مايجي بكون البيت مرتب
واكلته جاهزة بس بحب يحبسني لا اروح ولا اجي.
مع اني اخدته عن حب واقتناع بس فعلا زي ما الناس بقولوا الزلمة بالخطبة غير لما يتزوج
بتعرفوا شو مشكلتي؟ مشكلتي اني كتير بعطي كتير بحسسه بحبي واهتمامي وانه هو اهم شي عندي
بس للاسف بحس انه بستغل هاد الشي يعني عارفني اني طيوبة وبس ازعل بكلمة ارضى نفسي اخليه
يحس بقيمتي اكتر ويصير يحسب حساب لزعلي، حابه اغير حياتي اعمل شي جديد اعمل ريفريش
لاني جد مكتئبة وحاسة بفراغ.