برياني على الطريقه الهنديه100 مميز

1. 2-3 م.ك سمن فارم

طبق برياني مميز بالطريقه الهنديه 100%
بس بدون فلفل اذا حبيتي تضيفين فلفل من 4الى 6 حبات مقطعه انصاف في المرحله رقم 3 يعني ما يتسبك على اخر شي قبل تطفي النار بشوي وعلى نار هادية
الطريقه وبالتفصيل:-
تتبلين الدجاجة المقطعة الى 8 بالخليط التالي:
علبة زبادي صغيرة لكل دجاجة+بصل وثوم وزنجبيل مطحون ناعم جدا+بودرة من (قرفة –قرنفل – ورق غار – هيل –كمون – كزبرة حب – فلفل اسود) وملح

2-3 م.ك سمن فارم

1**يحمس معها بهارات حب ( قرفة –قرنفل – ورق غار – هيل –كمون – كزبرة حب – حبة مستكة اصلي – بهار حلو) كلهم شوي من كل حاجة . وبعدين تصفين الزيت من الحوايج هذي
2**تحمسين البصل حتى يتغير لونه للذهبي ثم تكونين فارمة بفرامة البصل ثوم وزنجبيل وتضيفينه للبصل بس هاه استمري بالتحريك عشان ما يلصق بقاع القدر وانا اضيف بشر ليمون في هذة المرحلة>> الحين راح تلقين زوجك زي الثالول واقف لك يبي ياكل!!
3**اطحني بفرامة البصل بدون ماء الطماطم واضيفيه ثم حركية اضيفي ورق نعناع كامل قبضة يد وضعي الماجي والبهارات المطحونة (قرفة –قرنفل – ورق غار – هيل –كمون – كزبرة حب)+ بهارات الكاري واذا حابة شوي ملح....اتركيه على نار هادية لين يتسبك
اضيفي الان قطع الدجاج وحركيه ثم احكمي اغلاق القدر ويفضل بعد بالقصدير ثم الغطاء وتحركة بين فترة واخرى حتى ينضج
تسلقين الارز بسمنه نفس الخطوة1**
يحمس ايضا الارز قبل وضع الماء بالسمنه بس شوي ثم يضاف الماء المغلي والملح والفلفل الابيض ويترك حتى ينضج
بعد النضج يوضع الارز فوق الدجاج يعمل فتحات بالعرض ويصب بها التالي :
1 م. ص حليب + صبغة طعام احمر= هذا لوحده
1 م. ص حليب + صبغة طعام اصفر= هذا لوحده
ثم ينثر على الوجه زعفران شعيرات وتكتمينه بالقصدير وعالفرن على طول اتركيه على نار هادئة 10-15 دقيقة
بس الفرن لازم يكون بالبداية ساخن قبل وضع القدر.
وعند الغرف اقلبيه راح تلقين الالوان (ابيض – احمر –اصفر – بني ) ولاننسى الاخضر للي يحطونه والله روعة
للتزين:
بس احمسي الصنوبر واللوز المفلوق لنصفين والبصل المقلي شرائح هلالية
تكفون يا بنات اللي يعجبها البرياني تدعي لي ربي يهون على وأقوم بالسلامه وبس