بس للأراملإضآفة موآسآه من مشرفآت القسم

:
:
:
:
لاتقولوون إن ماعندي وفاء لزوجي الله يرحمه لكني ماأدري وش فيني دايم معصبه ومتنرفزه والله ثم والله ساعات أقوول في نفسي ماله داعي هالعصبيه ....
والله ساعات ماأشووف إلا دموعي تنزل وأنا أتذكر إلى راح الله يرحمه ويسكنه فسيح جناته أتذكر ضحكاته ولمساته وحضنه دافي إلى أبيه يرجع لي من جديد ......
أنا مؤمنه عارفه إن إلى صار لي إبتلاء من الله وأنا والله ثم والله صابره وحامده عارفه إن هذا من الله. وماأحد حس إني مفتقده للعاطفه على العكس أضحك وأسولف لكن لما يجي الليل وأشوف وأسمع الضحكات أحس إن قلبي يتقطع من الحزن و الهموم ....(أخوي ساكن معنا في البيت ومايفصل عن غرفتي إلا جدار ) ساعات أحط على أذني السماعات وأسمع لي أي شيء ........
وماأبي لهم إني سمعت شيء أو تضايقت لكني مهما كان من دم ولحم لي مشاعري وأحاسيسي
تصدقوون كنت ماأبكي على أي مسلسل يموت فيه زوجها لكن الحين دموع تنزل وأتذكر مأساتي .....
والحين أمي تصر على إني أحط مكياج وألبس فساتين غير الفساتين السووده لكني خايفه خايفه على مشاعر خالتي إلى هي أم زوجي الله يرحمه خاايفه تقول في نفسها تبي تتزوج مع إني كل ماسألني أحد قلت لو لي نصيب راح أخذه ....
ماأبي أحد يفهمني خطأ ......