بس للحلوة اللي تبي تصير أحلى

1. - النعومه واللمعان .


2. (3 ) - ( خلطة الصبار ):

- النعومه واللمعان .

• وقف التساقط ( باذن الله ).
• تكثيف الشعر ( باذن الله ).
• طريقه عمليه جدا بدال ماتسوين كل يوم خلطه وتتكيسلين كل مرة اجمعي الفوايد كلها بخلطه واحده .
• المقادير :

(1) - ( خلطة السدر ):
1 ملعقة طعام سدر + نصف كوب ماي دافي اخلطيه كويس لحد مايرغي وخليهم على جنب .
(2) - ( خلطة ذيل الحصان ):
1 ملعقه طعام كريم ذيل الحصان + 1 ملعقه طعام جوز الهند الجامد الاصلي حطيهم على النار لحد مايسيحوا ويصيروا دافين فقط بدون غليان ( الفكرة انه نذوبهم ليسهل دهن الشعر وتمتصه الفروة احسن ).

(3 ) - ( خلطة الصبار ):

ورقه نبات الصبار تفتحينها وتاخذين العصارة الصمغ الجلي اللي هو حسب تسميتكم + شوي زيت زيتون + شوي زيت دابر املا + شوي زيت لوز .. واضربيهم بالخلاط لحد مايصير لونهم كريمي او يختلطوا كويس وتنعم عصارة الصبار . ( انا زادت عندي خلطة الصبار حفظتها بالثلاجة )

• الطريقه :
• ناخذ الخلطه رقم ( 1 ) اللي هي السدر وندلك فروة الراس والاطراف كويس نخليه ترغي بالشعر .
• ناخذ الخلطه رقم ( 2 ) اللي هي كريم ذيل الحصان وندلك الفروة والاطراف وركزوا على الفروة ومساج خفيف باطراف الاصابع او راحه اليد ( المساج ضروري جدا للفروة والاطراف ).
• ناخذ الخلطه رقم ( 3 ) اللي هي الصبار وندلك الفروة والاطراف ومساج خفيف .
• يعني الخلطات ورا بعض مع بعض مش كل وحدة لحالها بالتسلسل حطي السدر وفوقه الكريم وفوقه الصبار .. مش كثير لانها سوائل وبيمتصها الشعر .
• نلف الشعر بكاب او نايلون وفوقه فوطه .. ونتركه من 2-3 ساعات .. وتغسلينه بشامبو بانتين اذا مايناسبك ممكن نوع ثاني ( انا انصح فيه لانه رجع شعري المحترق وخاصة الاصلي وحق الصناعه السعوديه كويس بعد )
• وبعدين الخطوة المهم نحط بلسم بانتين ( بلسم بانتين ممتاز للشعر المحترق والمسحوب لونه والمصبوغ ) وتحطينه كنك تفركينه على الشعر براحه يدك كنه مساج ( يعني شفتي لما تغسلين يدك بالصابون او تغسلين ثيابك افركي شعرك بالبلسم كذا ) وركزي على الاطراف .. واغسليه .
• لفي شعرك بفوطه عشان ينشف براحته .. وتفاجئ مثلي بالنعومة واللمعان ..انا احط علية كريم خفيف وممكن تسشورينه بس نتيجته حلوة والله بتفرحون من نعومته وملمسه ولمعانه .
• ملاحظة :
• انا لاحظت يوم استخدمت الصبار ان شعري كان يتساأأأاقط وسمعت انه يكون في البداية بس واتذكر وحده من الاخوات قالت نفس المعلومه .. والحين الحمدالله وقف التساقط .
• اتمنى منكم دعوة يرجع شعري وشعركم احسن من اول .. والستر لي ولجميع المسلمات ..

ملطوش
ومنقول
أبي أكسب دعوة حلوة لي ولها....
ماأستخدمته للأمانه لأن شعري عاجبني بس راح أستخدمها ...
لاتنسون تدعولي
REEMAS***