القرمز

السلام عليكم ورحمه الله
اترددت كثيير في كتاابه هالموضوع لكن لاني احبكم اتشجعت وقررت اكتب الموضوع بالرغم من انه ماراح يعجبك الكثيرات
وانا اولكم اتضاايقت كثير لما عرفت هالمعلومات لكن قلت صحة شعري اهم من كل شي
السالفه انه من فترة كان نفسي اصبغ شعري لون موف وشاء الله وعملت بحث ولقيت مواضيع كثيره تتكلم على القرمز
ومااباالغ جلست تقريبا شهرين افكر استخدمه ولالا
وابحث في الانترنت طول الوقت
لقيت معلومات كثيره خوفتني منه ومع هالشي استخدمته لكن الحمد لله استخدمته مرتين وبس
لما قررت اتركه بصرااحه ضاق صدري
اول شي لانه قبل مااستخدمه جربت الصبغه الموفيه لكن اسبوع واتغير لونها
لما صبغت شعري بالقرمز والله كل من شافني اتهبل على اللون
حتى ام زوجي من بعد ماتركت القرمز كل مره تشوفني تقول لا اللون الموف مره كان روعه ارجعي اصبغيه
وكان اصبغه واللون يجلس في شعري شهرين تقريبا ماينزل
لكن مستحيل ارجع له
اقول لكم وش عرفت عن القرمز
اول شي البنات يقولون انه عشبه وهو في الحقيقه ماهو عشبه هو حشره
وبالاصح دوده تسمى دوده القرمز وهالكلام قريته في مواضيع علميه كثيره لاتوجد عشبه قرمز بل حشره او دوده قرمز حتى الدكتور جابر القحطاني لو بحثتي في الجريده اللي يكتب فيها اتكلم عن دوده القرمز
تنخلط الدوده بعد تجفيفها مع برمنجنات البوتاسيوم
وهالدوده من القشريات الجافه يعني من فصيله البق والخنفساء
شي ثاني انها سامه
ثالث شي من خلال بحثي لقيت تنبيهه من الجمعية السعوديه لطب العيون تنبهه من ضرر استخدام القرمز على العين لانه في قرمز اسود وبعض الناس تستخدمه ككحل
وقرات مره من مصدر موثوق انه القرمز يسبب جفاف فروه الراس
المهم كل هالشي اللي سمعته عنه ماهمني وتوكلت على الله واستخدمه
وترى كل المعلومات اللي قلتها من مصادر موثوقه
ويوم من الايام بتصفح منتدى ودخلت على موضوع عن القرمز لقيت وحده كاتبه انه القرمز يسبب صدفيه في فروه الشعر
لكن مع هالشي ماخليت في بالي لانه مصدر مو موثوق من جهه طبيه اوعلميه
لكن بيني وبينكم كان الخووف في قلبي وكل ماافكر احطه في شعري مااقدر اخاف
الين يوم شفت موضوع للاخت توليب الله يسعدها
كان موضوع عادي عن العناية الشخصية وقالت فيه انه الجفاف يسبب صدفيه
هنا قلبي طاح
قلت القرمز من الحشرات الجافه ويسمونها قشريات او صدفيات
وتسبب جفاف الفروة
والجفاف يسبب صدفيه
المهم جلست افكر افكر بصرااحه حبيت القرمز ولونه
بس
قلت خلاص
وقررت مااستخدمه والحمد لله
الشعر نعمه من الله لازم نصونها
منقول