بليز ساعدوني احس بيتي بيتخرب بسبب شي تافه

السلام عليكم ورحمة الله بركاته
حبايبي الفراشات انا راح احكي لكم قصتي واتمنى تسعدوني فيها
انا وزوجي من تزوجنا واحنا الحمد لله لا مشاكل ولا اي حاجه
وكنا نحب بعض فوق ما تتصورو وما كان يرفضلي ولا طلب
وكان متفقين انا وياه نخلف بدري وفعلن بعد اسبوعين من زواجنا الا وانا حامل الحمد لله
المهم هوا قدم على وظيفه من قبل الفرح وجات الموافقه بعد الفرح المهم بعد عني خمسه شهور بحكم عملو لكن وقت مايكون عنده اووف يجيني يعني مره كل اسبوع
وكنا متفاهمين على كل حاجه المهم
يوم بين جنس البيبي قالولنا ولد وفرحنا بس كنا نبا بنت لكن لا اعتراض لحم ربنا قالي بيسمي عمر
على اسم ابوه انا وافقت لانو اتفقنا لو بنت انا بسميها لو ولد انا هوا بيسميه
وعشمتو بالاسم وبعد ثلاثه شهور رفضت قلي انت عشمتيني والاسم خلاص ركب فراسي وماحقدر اغيرو ويوم شافني زعلت مره قلي غيريه براحتك بس كان زعلان وانا عشان اول مولود ابا الاسم يكون برضانا
المهم وكان اسم البنت الي انا اخترتو ميان وعجبو وسرت اناديه ابو عموري وهو يناديني ام ميونه
المهم ومحد كان يدري بالاسم الا اختي وماما وهوا وانا وبس قلنا مفاجئه
المهم قبل اولد بيوم جني وقلي وش رايك اسميها اسم امي انا رفضت قلتلو لا ليه انا اتعودت على اسم ميان زي ما انت اتعودة على اسم عمر قلي اعطيكي تعويض المهم ورفض قلتلو مهي مسالت فلوس
هما عندهم اذا الولد سمى اسم امو او ابوه يعطو ام النونو فلوس ودهب
واليوم الي بعده وانا رايحه المستشفى قلي قلتله والله ما ابا ايوه قبلها لما رحنا كشفنا قالولنا بنت
المهم وولدة انا ماما كانت تعبانه مره حتى نزلت لها هنا موضوع بمرضها وماقصرو الاخوات دعولها
المهم قلتلو مو اسمي اسم امي تفرح قلي طيب بس انا ما رضيت لاني مره تعلقت بميان
المهم بعد ما ولدة باسبوع اتناقشنا انا ويا انا ما كنت انانيه حتى ماكنت اقول لناس وش اسمها عشان هوا قلي مايبى الاسم وجبنا اسماء مره كثيره المهم قلي بيسميها حلا قلتلو لا
ما ابا موحلو وطلع من عندي الي هوا اليوم السابع
وكلمتو الضهر قلتلو ما ابا اسم حلا قلي طيب ويوم دبح الدبيحه سماها حلا
وجا قلي انا زعلت وسويت مجنونه مع انو ما يحوج بس لاني انصدمت قام غير الاسم وسماها على اسم امو وجلسنا اسبوعين واحنا ما نتكلم
وهوا كان وربي مايرفضلي طلب ودحبن انا واهلي نقلها ميان وهوا واهلو ينادونها سعاد
انا كل رفضي للسم لانو قديم ومافيه معنى الدلع وربي مو عشان امو وانا فهمتو المهم وصالحونا من بعد مشاكل كبيره
ملها داعي
وانا كل مين يقلي اسم ميان حلو وغريب
وانا وياه الين اليوم في حزازيه بيننا انا سرت اكره امو لانو هيا السبب فدا كلو
وربي مدري وش اسوي
لا تقولولي الموضوع مايسوى تخيلي اول طفل لك وانت منتي مبسوطه فيه
وربي مدري وش اسوي دحين كملنا سنه وثلاثه ايام احس اني في حاجات اتغيرت بيننا
مره كثير بليز ساعدوني احس بيتي بيتخرب بسبب شي تافه