بليز ساعدوني حالتي غريبه

السلام عليكم و رحمه الله و بركاته
بليز من كل وحده تدخل ترد و تساعدني لو بكلمه
لآني وصلت لمرحله كرهت فيها نفسي
قبل شهرين تزوجت و زوجي للحين مايقرب مني ولا يتودد لي ولا يعطيني وجه و كأننا بالبيت اخت و اخوها
مع اني البس له + اتعطر له + اتمكيج له + اخلاقي ولا احلى منها + جسمي و شكلي الكل يحسدني عليهم + اهم شيء اصلي كل صلاه بوقتها و متعلقه بالدين بقوه
لدرجه ان ماجا سواها الا مرتين و آخر مره قبل اسابيع
ليه ؟؟ هل هو مايشتهيني
مع اني يوميا البس ملابس و قمصان مغريه
حتى لو تجيني الدوره اضل البس ملابس من هالنوع بس تناسب للدوره
امس اختي سألتني متى آخر مره سويتوها
ولما جاوبتها حسيت اني كبيت بوجهها مويه باده
وهو لما يجي يقول انه يسويها عشان يجيب عيال بس << من متى الدنيا يسوونها عشان يجيبون عيال بس
بالبدايه لما شوفت حالته كيذا بديت اتقرب له و ارسل له كلام حلو و اشعار عالجوال و اطلب منه بوسات << مع العلم انه ماقد عطاني بوسه من دون مااطلبه الا مره وحده و هو يسويها
و على كثر ماارسل له كلام حلو و اشعار مايرد و جيت مره سألته قولت ليه ماترسل لي ولا ترد علي
قال لي شرد عليه ؟؟
قولت رد بآي كلمه
قال لي لا ترسلين لي
قولت ليه تتضايق اذا رسلت لك ؟
قال آي
ومن بعدها ماصرت ارسل له
حتى مرات اذا جيت اقول له سالفه يسمعني بالبدايه و بعدين ينشغل وواضح عمداً و اسكت و لا اكمل السالفه
ومرا قولت له انا احتاج حنان
قال لي انتي تحبين الرومنسيه و هالحركات
قولت اي بس انت مرا جاف
قال انا كيذا شسوي
قولت له و حاولت فيه يتغير بس مافي فايده
مع اني عمري وهو اكبر مني ب سنين -
مرآآآآآآ جاف معي
و من بدأ رمضان بدأ يداوم و صار لما يرجع للبيت يفطر و بعدها يصلي و بعدها يتابع موسلسل و بعدها يصلي و بعدها يجي يأخذ اللاب ولا يقعد عالآيفون بغورفه النوم و يقول لي بنام <<وهو ماينام الا الساعه كيذا
وانا اقعد طول اليوم لحالي
حتى بالخميس و الجمعه طول اليوم يقعد على اللاب ولا التلفزيون
ولما اقول له ودني بيت اهلي
يقول موش فاضي تعبان بوديك الخميس
تعبت نفسيا و انا قاعده لحالي
وتعبت نفسيا من جفافه
احس اني موش متزوجه
والله اشوف البنات الي توهوم متزوجين و الي صار لهوم سنين متزوجين و اصيح و اقول مشاء الله و الله يصبرني
وفي اشياء كثيره ماقلتها
حتى بشهر العسل بالسفره يأخذ اسره منفصله و لما اقول له ليه يقول عشان ارتاح اذا نمت >> مع انه يدري اني من النوع الي نومهوم هادي ومااتحرك و لا اطلع اصوات
ومرا مالقا بفندق اسره منفصله و خلاني انام عالكنب وهو عالسرير و الكنب كان يذبح
و اسلوبه موش حلو ابدان
يقط الفاظ مالها داعي
وقد تكلمت معه بهالموضوع اكثر من مره ولا في فايده
و يشوفني اكثر من مرا متضايقه و دمعتي بعيني ولا يهتم و كان مافي كائنات حيه حوله
ليه هو كيذآآ ؟؟
بليز ساعدوني تعبت مرا تعبت
كل يوم اصيح
كل يوم ادوخ من التعب التنظيف و الطبخ- بس عشان ارضيه و يتقرب مني