بليز ساعدوني

لاياسمع الحياه

03-07-2022 - 09:32 am

السلام عليكم اخواتي الفراشات ابي منكم خدمه اتمنى ماتردوني مالي احد بعد الله غيركم
انازوجي عازم اخويها 3 ايام رمضان عندي بالبيت ابي فزعتكم بتكوين السفره ابي وصفات طبخات وحلى تكفون لاتردوني يالغاليات

التعليقات (8)

روعة الأحساس

03-07-2022 - 12:08 pm

سوي اصابع داؤود باشا .. مره لذيذه
تسلقين الدجاج وتفتتينه وبعدين تحمسينه مع بصل وزيت وتحطين عليه فلفل رومي وشوي ماجي وملح ..
بعدين ..
تجيبين جزر مبشور وكرمب .. وتحمسينها مع ثلث زبده تقريبا وماجي وملح وفلفل اسود .. لين ماتذبل
وتفردينها بصينيه ..
بعدين تجيبين فطاير السمبوسه لوزين وتقسميها بالنص
وتحشيها بالدجاج وتلفينها اصابع وترصينها بصينيه الجزر والكرمب ..
بعدين تخلطين 3 ملاعق مايونيز مع 3 ملاعق جبن سايل وعلبه قشطه .. صبيه ع الوجه بعدين دخليه الفرن من تحت بعدين حمريها وقديمها ..
وإن شاء الله تبيض الوجه

مبدعات دائما

03-07-2022 - 02:10 pm

موفقة يارب اختي

ام احلى غلا

03-07-2022 - 03:11 pm

موفقه يارب انصحك بعالم حواء

لاياسمع الحياه

03-07-2022 - 04:12 pm

اشكركم اخواتي على مروركم وانتي ياروعةالاحساس ان شاء الله بسويها

][^][جوديٍ]^][

03-07-2022 - 05:13 pm

حبيبتي سوي معجنات + السمبوسة +بف باستري احشيها جبنه كيري او جبنه بيضه مع نعنااع+ قطايف برضو من البف باستري احشيها بقشطة
سوي كمان مكرونة بالباشمل + شوربة
كمان ممكن تسوي سلطة مرة لذيذة في صينيه بايركس عباره عن
الطبقه الاولى باذنجان + بطاطس مقلي
الطبقه الثانية صوص عبارة عن طماطم تقطعينها صغير وحطيها على النار وحكي معاها ماجي وكتشب عاد انتي زيدي الكتشب لين تحصلي على الطعم سكري شوي ..
الطبقه الثالثه زباادي + بودرة الثوم او فص ثوم اذا ماعندك
الطبقه الرابعه بقدونس
واخر شي حطي من الخبز المحمص
وبالنسبه للحلى الحين بكت لك طريقه تجنن

][^][جوديٍ]^][

03-07-2022 - 06:14 pm

بالنسبه للحلى عندك كيكة التفاح بالقرفه وهذي طريقتها ونا بكرة ان شاء الله بسويها لزوجي واصحابه بالدوام
المقادير
2 كوب دقيق منخول + 1 ملعقة كبيرة بيكينج بودر + 4 بيضات+ فانيليا + 1/2 كوب زيت+ 1 كوب سكر+1 كوب حليب سائل ( اضفت رشة ملح )
للوجه:
3 تفاحات مقشرة و مبشورة + قرفة ناعمة +حليب محلى مكثف +مربى مشمش
الطريقة:
نخلط البيض و الفانيليا و نخفق حتي يتجانس الخليط
ثم نضيف السكر و نخفق لمدة لاتقل عن 5 دقائق حتي يرتفع الخليط و يصبح هش
بعدها نضيف الزيت والحليب بالتناوب ( انا استخدمت حليب دافئ )
واخيرا نضيف الدقيق حتي يتجانس الخليط ثم نضيف البيكينج بودر.( انا خلط الاثنين ببعض و اضفت لهم الملح )
اضفت الخليط الجاف بالتدريج لاحافظ علي الهواء الموضوع نتيجة خفق البيض و السكر
نصب خليط الكيك بصينية
نرش على الوجه التفاح المبشور ونرش فوق التفاح القرفة بحيث تغطي التفاح
( انا خلطت التفاح المبشور بالقرفة
وندخلها الفرن لمدة 35 أو 40 دقيقة على حرارة 350 درجة.
انا جلست معي اكثر من ساعه بسبب صغر حجم الصنية
واول ما تنضج الكيكة و نتاكد انها استوت و نختبرها
ونطلعها من الفرن ونرش عليها حليب مركز
اتمنى اكون افدتك

مشتاقة لطفلي

03-07-2022 - 07:15 pm

م دوري وصفات بعالم حواء وهنا بالمنتدى
اهم شي
شوربة
سمبوسة
حلا
طبق رئيسي
طبق جانبي
سلطة
عصير

ام وليدويوسف

03-07-2022 - 08:16 pm

هم اربعه مع زوجك
سوي الحلى في كاسات
الطبقه الاولى كيك شوكلاته ساريتا صبي عليه هرشي شوكلاته
واخلطي 6حبات كيري مع نص علبه نستله بخلاط العصير وصبيه على الدريم ويب المخفوق ويكون مره ثقيل
وحركيهم مع بعض واقسمي الخليط قسم حطي عليه نسكافيه والثاني ابيض وممكن تقسمي ثلاث طبقات واحد ابيض وواحد مع نسكافيه وواحد مع ظرف كريم كراميل
وتصبيها على شكل طبقات بين كل طبقه والثانيه بسكوت اوريو مغمس في الحليب
وزينيه باصبع رينجو
او نص فلك
السلطات
ممكن تسوين فتوش
او اي سلطه تعجبك
والشوربه ممكن تسوي شوربه بالدجاج غير شوربه الشوفان لذيذه
وجديده
وهي انك تسلقي نص دجاجه وتقطي الدجاج
وتصفي ثلاث اكواب من المرق
الطريقه
تحمسي البصل في نص اصبع زبده
وتضيفي 3ملاعق طحين معها وتحمسيها ثم تصبي عليها ثلاث امواب مرق دجاج على دفعات كانك بتسوي بشميل
ولا تكثري الملح بالمرق
وممكن مكعب ماجي بثلاث اكواب ماء حار
وتحركيها لين تصير ثقيله
وتضيفي كريمه الخفق مقدار نص كوب مع حبه جبنه كرافت صغيره مبشوره
وتضيفي الدجاج المقطع اللي عندك
وتصبيها وتقدميها
السمبوسه
ممكن تحشيها شاورما اشتري شاورما بالليل وثاني يوم العصر
سخنيها على النار وضيفي لها مخلل ومايونيز
وبقدونس وجزر مبشور
وممكن تحشيها فلافل
وممكن تحشيها نقانق مكشن عليها مع جبن وخس وجزر قليل وفلفل رومي
وممكن تكون النقانق حشوه للسربينغ رول
والمكرونه ممكن طريقه عاديه للمكرونه
اهم شيئ لاتكثري اكل لانهم بوقت الفطور يشبعوون بسرعه
ممكن تسوي حركه بانك تجمدي مويه بالكاسات يكون فيها قطعه ليمون وبعدين تعبي المويه عليها
العصير بعد الفيمتو
ممكن تسوي عصير مانجوا
المانجو المثلج نص كيس مع فنجان ونص سكر مع ليتر او اقل حليب المراعي
مع ملعقه قشطه او غرفه ايس كريم كبيره
وتخلطينه وتصبينه لذيذ هالعصير ثقيل وبارد
وممكن
تصبي السفن اب مع عصير تفاح وتضيفي بالكاسات تفاح مقطع مع كيوي وكرز
وبالعافيه على الجميع
اتمنى اكون قدمت لك فكره تناسبك

طريقة حلوة لرسائل الجوال بالرمضان←
شو رح تطبخي في رمضان→