بليز مساعده من المعلمات والمبدعات

بالتوفيق أختي...
بالنسبه للهدايا أنا كنت أجيب لها المرحله
يوميا اجيب حلاوه مصاص أو شوكولاته <<< لاتقولين هم مو أطفال
بالعكس يفرحو فيها
أما الهدايا فعندك كثير تقدري تاخذي لهم التحف الصغيره أو دباديب صغيره أو ميداليات ملونه
وتغلفيها بطريقتك يا بتغليف الهدايا والشرايط
أو عندك الاكياس الشيفون الصغيره الملونه حقت الهدايا
أما الوسائل والله بصراحه انا مره أبدعت بالوسائل لأن المدرسه اللي رحت لها كانت المعلمة المشرفه علينا تطالبنا بوسائل جديده ومبتكره ومو مكرره
وكل من شافني بالمدرسه قال إنت معلمة مو رياضيات
ابي اقولك أفكار بعض لوحاتي لتطبيق
بس مااعرف كيف اشرحها
والمعلمه أخذت كل لوحاتي
بقولك طرق سهله وبعدين أقولك على اللوحات اللي سويتها
أول طريقه:
جيبي سلة ورد<<<أي ورد صناعي
وجيبي كوت صغيره من المكتبه وأكتبي فيها الاسئله اللي عندك
واربطي كل كرت بورده في الله عن طريق الشرائط الورقيه
والبنت تسحب الكرت من السله ومعاه الورده وتقرأ السؤال وتجاوب
وفي طريقه ثانيه مره سهله
أكتبي الاسئله بكروت ولصقيها تحت طاولات الطالبات<<< هذا إذا كانت حصتك الاولى أو اللي بعد الفسحه أدخلي الفصل وهم مو موجوداتولصقيها تحت كم طاوله على عدد الاسئله حقتك
ولمن تجين للتطبيق قولي كل وحده تناظر تحت طاولتها واللي تلقى كرت تسأل وتجاوب
<<< قصدي بتحت الطاوله يعني تحت الدرج اللي بالطاوله
<<< اتمنى همتي قصدي
أما الوسائل
جيبي فلين وأرسمي فيه متاههه وفي كل منعطف باللوحه حطي سؤال( السؤال أكتبيه بكرت صغير أو ورق مقوى ولصقيه عالفلين بعود صغير من اعواد الاسنان
<<<ههه اتمنى فهمتي شرحي
والله سويت اختراعات كثيره
بس مو عارفه شلون اشرحها لك
إذا تبين أي شئ راسليني عالخاص واحاول اشرحلك طرق بعض الوسائل
لأني مشغوله وماادخل هنا كثير
أولمره أدخل هالقسم عشان كنت ابي اشوف موضوع وشفت موضوع بالصدفهوحبيت افيدك
دعواتك... وبالتوفيق إن شاء الله

يعطيك ربي ألف عافية ماقصرتي والله يوفقك وين مارحتي أفكار روعه انشالله بحاول انفذها
شاكره لك مرورك وإعطائي من وقتك ..

افكارك جنان
بنات ابي وحده تسوي لي تزين معمل الحاسب وبسعر غير مبالغ وافكاره حلوه وجذابة
الطلب غريب بس والله محتاجة فزعتكم

م روحي لاك
جزآك الله خير ....
و الله أفكآر روعة و حلوه خصوصآ إني حتى أنآ إن شآء الله بأنزل تطبيق في 22 \4 و أنآ ريآضيآت كمآن ....
بليز يآ بنات حتى أنآ أبغى أي شي تعرفونه عن التطبيق وسائل تحاضير .. أي شي من خبرتكم أفيدونا جزآكم الله خير
بإنتظآركم

ذكرتيني بايام التطبيق احلى ايام استغلي كل لحضه قيها
اهم شي الثقة في النفس
ماخطر على بالي شي يس اذكر فكرة المضله بنزلين منها خيوط ونهاية الخيط اسئله ممكن للتطبيق وممكن تجيبي سلة وتحطي فيها اوراق كل ورقه فيها اسم بنت من اسماء الفصل وتطلعين مثلا اربعة كل وحده يطلع اسمها تحل التمرين وتاخذ هديه

ياحبيلكم
مره افكاركم حلوه
وانا بعد بطبق هالترم فنية
وش رايكم ابي افكار

يالبيه مشكورين يعطيكم ربي الف عافيه وربي مافيه احلى منكم...
اجتمعنا هنا عدة تخصصات رياضيات وفنية وانا تخصصي كيمياء بس هالسنة عشان بطبق عند متوسط فبدرسهم علوم الله يعيني ...........
ويعينكم اخواتي حبيباتي
لمو الأمورة يسلمك ربي ماقصرتي وانشالله يجي اليوم اللي اتذكر فيه هالأيام وتكون حلوه مو تكون تفشل ههه

يالله وينكم تكفون خلاص ببدا التطبيق
ابي ردودكم يعني 99 دخلوا وشافوا الموضوع ولافيه احد بيرد

والله أنا مثلك بأطبق الترم هذا عند المتوسط
وكمان أبغى أفكار للوحات التطبيق
أتمنى تساعدونا يالمبدعات