بلييز الي يبي البشارة

مرحبا ،،
انتبهي اختي هذي السالفة فيها انذارات
واذا وصلت الى 3 اذارات او اكثر يمكن يصير فيها طرد !!!!!!!
المكافأة مو كل شي قدام الانذار ( هم يقطعون المكافاة اذا كان في رسوب بسميستر وبكل المواد اذا ماني غلطانة وهذا الشي يفرق من كلية الطب عن الهندسة عن العلوم الادارية ، واسألي الاداره يفيدونج اكثر ) ،،
وصدقيني خيتو ترى صعبه ترفعين المعدل ،
لان كل سميستر يكون اصعب من اللي قبله والمقررات تكون اكثف ..
يمكن ما افدتك كثير بس والله حبيت اوضح لك سالفة نزول المعدل والانذارات ( الله يبعدك عنه ) ..
واعذريني اذا خرجت عن المطلوب ،،
تحياتي لك .. *^* عذب الجوري *^* .

تسلمين والله عذوبة
لا توبة راح اذاكر لما ارفع المعدل شوية
وهم ماعطوني انذار بس البنات يقولون يقطعون المكافئة بدون مايعطون انذا
وعلى فكرة انا حملت 3 مواد من اصل 6
ومثل ماقلت معدلي 1.56
بليز الي يعرف يرد علي
بسرعة
ومشكورة جوري لانك رديتي علي اول وحدة

معقولة مااحد يعرف
بليز ردو علي لاتطنشوني

لاتزعلين
بسئل خويتي لانها تدرس هناك
بس حسب ماعرف انو لا مايقطعونها

يسلمو جريحة الليل
ويارب يكون اللي قلتي
ومايقطعونها لك البشارة
واللي متاكد يقول

حبيبتي انا سمعت انها يقطعونها اذا كان معدلك اقل من 2
بس ماادري اذا صحيح والا لا

من دون مايعطوني انذار ومن اول سمستر

هلا ومرحبا بسمة ,,
انا سألت بنات معاي بالجامعه وقاولي :
اذا كانت مدة الدراسه 4 سنوات ، فالجامعه تصرف مكتفأة 4 سنوات
ومابعدها من سنه او سنتين مايعطونك مكافأة ..
يعني ..
الجامعه تصرف لك مكافأة لمدة الدراسه الاساسية
واي سميستر زيادة ماتآخذين عليه مكافأة ..
واذا كان في انذارات هذي حالة ثانية ،، مادري فيها شي .
واذا ممكن اعرف انتي اي كلية ،، عشان اعرف مين اسأل لك وافيدك .؟!!
ان شاءالله اكون افتدك ولو بقدر قليل .
تحياتي لك .

هلا وغلا عذوبة تسلمين والله وانا اسفة لو كنت كلفت عليك
ومشكورة كثير انك اهتميني
انا بكلية الزراعة
وتوني مادرست الاسمستر واحد بس المشكلة ان معدلي نازل
ومثل ماقالت الصغيرونة البنات خوفوني يقولون اللي معدلة اقل من 2 يقطعون المكافئة الى ان ارفع المعدل
ومشكور اللي دخلو وحاولو يساعدوني
وربي بجد ودي اعرف جواب اكيد