بنآآت الي مرو بتجربت التطبيق ياليت تساعدوني

الله يوفقك اختي
ولا تخافين ترى المسأله سهله ما تحتاج كل الخوف هذا
للأسف انا مو انجليزي عشان افيدك بالوسائل
لكن لا تخافين ترى البنات ما يفهمون للإنجليزي
و موفقفه يا رب

الله يساعدنا ويسهل عليناانا بعربي

الفرس 11 مشكوره اختي على مرورك .. وصدقتي ازين مافيهم مايفهمون الانجليزي
توتي الصغيره تسلمين على مرورك ودعواتك..
ياليت اذا فيه بنات من قسم انجليزي يردون علي..

أولا عزيزتي الله يوفقك ويتمملك على خير
أول خطوة تسويها انك تختاري مدرسة مديرتها شديدة
وثاني شي تعاملي مع الطالبات عادي يعني ادخلي وخليكي حازمة وأعطيهم الدرس واخرجي لا تدخلي بأحاديث جانبية لانهم يعتبروه الضوء الأخضر
وبالنسبة للمتوسط مهما كانوا لسه صغار وأغلبهم فيهم برائة
الخوف أكيد موجود بأول وثاني حصة بس لكن بعدين بتلاقي الموضوع عادي
الوسائل التعليمية رغم اني ماني انجليزي لكن خليها تربية فنية هذه هي اللي بترفع معدلك يعني حاولي تصنعي وسائل فيها أفكار غريبة
والله يوفقك
لا تخافي واتوكلي على الله

الحقيقه أنا طبقت عليهم أول مره الله لايوريك شكلي براطمي (شفايفي)كانت تنتفض وحالتي حاله لكن بعد كذا
تتعودين وأنا أخالف الأخت مرسام والله ماشافو البرائه المتوسط لكن الثانوي أفضل بكثير الله يوفقك ويعديها على خير
لكن غلطتي إني ماأكتب الموضوع أنتبهي....................

الله يوفقك
ويسهل عليك...

مرسام المجتمع..مشكوره ياعسل على النصايح الله يوفقك ويخليك يارب..
ليالي الرياض مشكور اختي اما على البراطم ربك يعين وحده من البنات تقولي تجيك نفضه كان ماسكك كهرب ههه
فديت السعوديه..مشكور على الدعوه..والله يشفي امك واخوك ويخليهم لك ويطول باعمارهم يارب وتشوفين فيهم مايسر قلبك..

هلا اختي انا مثلك انجليزي والاسبوع الجاي بطلع تطبيق بس والله اني مو خايفه كثير بس اللي خايفه منه ان البنات مايشاركون معاي والاستاذه تقول ان لازم تعملين activeبالحصه وشايله هم لان البنات ماراح يهتمون بالمشاركه معي لان مابيدي شي لادرجات ولا شي عالعموم انا طلعلي ثالث متوسط وانتي ايش طلعلك؟؟؟؟

اختي الغاليه انا الان معلمه لكن سبق وان مريت بهذه التجربه وبقولك معلومه مهمه التعامل مع المتوسط يختلف عن التعامل مع الثانوي
اولا اتمنى ان الفصل اللي بتعطين فيه الدرس تدخلين عليهم احتياط قبل الدرس باي طريقه حاولي
ثانيا حاولي كسب الطالبات لكن بدون ان تفقدي هيبتك فمثلا اذا دخلتي عليهم حاولي قدر الامكان جذبهم قوليلهم بنات ممكن تسكتون ودي اسولف معاكم وقبل لا تبدين امتدحيهم بقوه وقولي من هياتكم ارتحت لكم واحس انكم طالبات قمم وان كل وحده فيكم اروع من الثانيه حتى وان كان مافي كلامك شي من الصحه وقوليلهم هذا تصوري عنكم وانا متاكده ان حدسي فيكم صادق ترا البنات وخصوصا في هذه المرحله يحبون الثناء بعدين احكي لهم قصه من خلالها توجهينهم لنصيحه او اساليهم وقولي لهم طلعو اوراق وبطرح عليكم سوال وافضل اجابه لها مني جائزه واساليهم مثلا عن مانيهم او بعد ان تحكي لهم القصه اطلبي تعليقهم على ورقه واعطي افضل تعليق جائزه وكوني صادقه معهم لان البنات بيحقدون عليك لو وعدتيهم بجائزه وما جبتي
شي ثاني اطلبي من الاداره قائمه باسماء الطالبات واضهري لهم انك قاعده تدونين درجاتهم وان معلمتهم طلبت منك كذا
لوضحكت وحده اثناء الشرح خليك حازمه ووقفيها واساليها عن سبب الضحك طبعا مارايحه تجاوب بس ناضريها بعين قويه ترا البنات يخافون من النضره الصامته وان تكرر منها الضحك غير مكانها ولو رفضت لا تعاندين لان هذا يسقط هيبتك خليك هادئه وقولي لها نتيجة خطائك ماراح تمر بسهوله وبتشوفين البنت بتقعد تفكر وش رايحه تسوين وبتخاف وممكن انها تستجيب اذا استجابت خلاص خليها يعني انسي الموضوع اما اذا لم تستجب فخذي اسمها وبلغي ادارة المدرسه ولاتسامحينها ابدا ان جتك بعد الحصه وتاسفت وهي ماسوت اللي طلبتيه منها لانهم بيقولون مخفه وينضحك عليها بكلمتين اسال الله لك التوفيق واي سؤال انا حاضره