بنات ابي خلطات الحنة للشعر ابي لون عنابي جذاب تكفون ردو

بنات معقولة ماعندكم خلطات للحنا غريبة ولارد أزعلتوني منكم

وينكم يابنات السعودية معقولة تنشدكم خويتكم وتردوها

ياليت اقدر افيدك بس والله مااعرف ان شاء الله الفراشات يفيدوكي

اختى انا كنت من زمان احط على شعري حنا وكان لون شعري احمر بس ناسيه هل هو على عنابي او لا المهم الى كنت احطه افوح شاهي مع غجرات الى هي كركديه مع ليمون اسود مدقوق وخليها عالنار ربع ساعه ثم اخليها لين تبرد وكنت احط شويه ملح عشان القشره المهم بعد ما تبرد اعجن الحنا بهالخلطه واحطها على شعري كم ساعه ويطلع لون احمر رهيب حتى كان اكثر البنات ما يصدقون ان هاللون من الحنا ويقولن عطينا اسم الصبغه ونا كنت وقتها ما استخدم صبغات ابد الله يخلف على شعري الحين لعبت فيه بالصبغات بس برجع اسوي هالطريقه لاني افتقد هاللون الحلو اتمنى اكون افدتك _دعواتك يا قمر

والله ياعسل انا من سنه كنت احط حنا في شعري بس بطلت قلت ابغى اسوي نيو لوك<<<ولاعارفه ايش ابغى
المهم كان لون شعري عنابي وفيه لمعه روعه كنت اغلى مويه مع شاهي وملعقه صغيره نسكافيه وشوية كركديه وكمان شوية قشر بصل احمر وشويه بس قرنفل مطحون_ماتكثري لانو ينشف الشعر_ اخليه ع نار هاديه لحد مايغلي وبعدين اصفي المويه واعجن بيها الحنه واحطها ف شعري 4 ساعات بس
الله يفيدك بيها

أختي الغالية مره شفت وحده ماشاء الله شعرها شكله صحي ولونه عنابي جذاب قلت لها لون صبغتك حلو قالت انا ماأصبغ شعري هذا حناء مع فوه الفوه تشترينها من العطار أنا اشتريتها من بيت الاعشاب بالقرب من اسواق الشمال بالرياض وشكلها مثل أغصان الشجر الجافة خذي منها قدر قبضة يدك واغسليها ثم اغليها بالماء لمدة 5 دقائق
وصفيها واعجني بمائها الحناء ممكن اضافة قليل من عصير الليمون والزبادي لتثبيت اللون واتركيها ساعة لتخمر الحناء ثم ضعيها على شعرك واتركيها 3 ساعات اواكثر على راحتك ثم اغسلي شعرك بالماء واي كونديشنر وضعي زيت على شعرك المدة التي تريدين واغسليه عادي
اكثر صديقاتي جربوا الوصفة وعجبهم اللون
مع تحياتي

أنا مجنونة بالحنة
وأحبها
بس خليك حذرة
في حنة مخلوطة ومغشوشة
حاولي تجيبين الحنة الأصلية
وأنا بعلمك طريقة اختبارها
إذا عجنتيها بتكون زي ماء البامية يعني لزجة
أما غير ذلك فهي مخلوطة
عن نفسي
شعري صحيح خفيف بس والله لونه عجيب والكل يسألني شو الصبغة ؟
أولا
اعجني الحنة بماء مغلي مع ملعقة كبيرة قرمز ويباع عند العطار
وضعيها بعد ما تبرد شوي على شعرك
لكي تكسبي الفائدة من الحنة اتركيها على الشعر 3 ساعات
ولكي تكسبي اللون العنابي الرهيب ضعيها من 5 غلى 6 ساعات
وادعيلي

الي حابة لون الحنا يطلع عنابي ماعليها الا تغلي قشور البادنجان بالمي وتخلط الحنا بهذا الماء وجربوها وادعولي

اللة يوفقكم وينولكم ألي في بالكم ياحبايبي