بنات الرياض ماقبلوكم تعالوا هينا ان شاء الله محلوله

1. حبيت اساعدكم باللي اقدر عليه


2. كيف طريقه التسجيل؟؟


3. ملاحظه ::

السلام عليكم ورحمه الله وبركااته
كيفكم بناات ..
ادري النفسياات زفت مع نتايج القبوول وربي مقهوره مثلكم ..
لاني مريت بنفس اللي مريتواا فيه ..

حبيت اساعدكم باللي اقدر عليه

اول شيء بلييز لاتعتمدين على احد ان فلان او فلانه اخذوا ملفي بيسجلوني بيدورون لي واسطه وتجلسين .. انتي روحي واسئلي وشوفي وربي مراح يضيع تعبك
انا كنت مثلكم مرره قطعت نفسي من الصيااح يوم ماانقبلت بس مافاد شيء خالي اخذ ملفي وكثير ناس يفيدوني بالواسطه بس ماش وانا اعتمدت قلت خلاص اكيد بيدخلون وكل يوم اقول بيقولون لي بكره ومشت الايام والناس بدوا بالدراسه وانا بالبيت
قلت خلاص الفصل الثاني باسجل وماتحمست قلت لبنت عمي اذا بدا التسجيل قولي لي لانها كانت بالجامعه
ولا رحت اسئل بنفسي وانتهى التسجيل وهي ماتدري ..
المهم سمعت بكليه خدمه المجتمع ورحت وسألت وعرفت عن تسجيلهم كيف وسجلت الحمد لله
والحين انا خلصت سنتين دراسة ..
عاد حبيت اساعدكم واخبركم عن طريقه التسجيل فيهاا ومتى و,,
اول شيء انها تبع جامعه الملك سعود واسمها كليه الدراسات التطبيقية وخدمه المجتمع..

كيف طريقه التسجيل؟؟

تروحين لهم في مبنى بالناصريه عند مبنى بلدية الشميسي ما اعرف اوصف زين بس راح اعطيكم رابط فيه معلومات وارقام لهم تأخذوهاا وتتصلون وهم يوصفون لكم وين مكانهم بالضبط..
تروحين هناك يعطونك اوراق تكتبين معلوماتك ومعاك شهادتك الاصل ونسخاات منها وبعد دفتر العائله وصوور منه و صوره شخصيه لك او 2 انتي تصورينهم بس هذي بعدين مو على طول علشان يحطونها بملفك في بطاقتك الجامعيه ..
والكليه الدراسه فيها برسوم تدفعينهاا لهم عن طريق البنك وتجيبن الورقه حقت التحويل لحساب الكليه من البنك ..
وطبعا الرسوم تختلف من قسم لقسم على حسب موادك في الفصل..
مثلا 6او 7الالاف وقد تصل إلى 10 الالاف
انا دفعت بالاول 6الالاف لان ساعتي كانت قليله بالترم الاول ..مثلا عندك بالترم 12ساعه
الساعه ب500ريال
يطلع المطلوب منك 6000
وعلى حسب المواد كثرتها وقلتها يزيد المبلغ المطلوب طبعا انتي بتعرفين كم مطلوب منك طوال السنتين فيه برشورات موجوده عندهم توضح لك عدد ساعات كل قسم خلال السنتين وكم يطلبون منك بكل ترم ..

ملاحظه ::

ممكن ماتدفعين لهم الا ترم واحد اذا شديتي حيلك وجبتي معدل 4.5من 5يعني 4ونص من 5 راح تتحولين على طوول للكليه حقت قسمك وتصيرين مو تبع خدمه المجتمع ..ينزل لك مكافئه وماتدفعين فلوس ولا شيء طالبه زي اي طالبه داخله بنسبه عاليه ..
ويكفيك انك داخله القسم اللي تبينه ..
وش الاقسام الموجوده ...؟؟
كثيير اقسام موجوده وكل سنه يضيفون مجموعه طبعا لانه كليه لها دكاتره واستاذات جدد وبكل مره يجددون ..
وهذي صوره لاقسام المتاحه ..
معلومه اضافيه:~
طبعا هالبرنامج يخليك تدرسين 4فصول وانتي تبع الكليه نتهين المواد المقرره عليك بالخطه ويكون معدلك مايقل عن 2من5 واظن شيء سهل جداا
وبامكانك لو جبتي معدل 4,5 يحولونك على طول للكليه الاساسيه تبع الجامعه
مثلا انتي رياض اطفال يحولونك لكليه التربيه اللي قسم رياض الاطفال تبعهاا اساسا
المكافئات ::~
طبعا الكليه مافيها مكافئات شلون يعطونك مكافئات وهم ياخذون منك فلوس
الا اذا جبتي معدل عالي او خلصتي السنتين و تحولتي للكليه التابع لها قسمك تنصرف لك مكافئه وربي يهنيك فيها
طيب متى يبدا التسجيل؟؟؟
التسجيل الله يسلمكم يبدا يوم 24/8 يعني بعد كم يوم اليوم 18
وهذا رابط ادخلي عليه وشوفي اوقات الدوام وارقامهم وكل شيء يفيدك ان شاء الله
http://colleges.ksu.edu.sa/Arabic%20Colleges/AppliedStudies/admission/Admission_dates.htm
وهذا رابط الكليه اذا بتتعرفون اكثر ..
http://colleges.ksu.edu.sa/Arabic%20Colleges/AppliedStudies/default.aspx
وربي يوفقكم ويسهل امركم ويسخر لكم خلقه يارب
و اي استفسار من عيوني اجاوب لكم عليه =)
دعواتكم ربي يسهل امري
موفقيين يارب