بنات الشرقية ابي مشورتكم ضروري

فراشة فرفوشه

22-10-2022 - 12:39 am

السلام عليكم ورحمة الله وبركاته ..
ان شاء الله وان الله سهل الامور راح اجي للشرقية بعد الامتحانات ..
فحبيت اصبغ واقص عندكم .. لان شعري طويل ولونه غامق .....
فما أبي اسلم شعري لأي أحد يخربه >> تراني متردده
لان آخر مرة صبغت قبل 8 سنين و الصبغه احرقت شعري و خلته يتكسر لحد ما طاح ..
واخترب شعري .. >> قصة حياتي ..
ومن يومها صرت اكره المشاغل .
ياحبي لكم بنات .. ابغى احلى مشغل يصبغ ويكون عندهم حركات حلوة وقصات حلوة
ابي اغير اللوك زهقت من شكلي 8 سنين وانا بس اقص اطراف ..
الله يوفقكن دلوني يا حبيبات ..
اسمع دايم عن دار نجد .. مين احسن وحده تقص وتصبغ وهل فيه مشاغل احلى منه سواء بالدمام او الخبر ؟؟؟
وان شاء الله ماتردون طلبي .... ولكم من قلبي احلى دعوة بهاليوم الفضيل ..

التعليقات (6)

راعية فزعه

22-10-2022 - 03:35 am

بالقص عندك النافع مره خطير
اذا تبين قص وصبغ مره وحده روحي دار نجد
مع اني صبغت عنده مره مابان ما كاني صابغه اللون خفيف
مايغامرون بالصبغ ابد
عندك كريستال اتوقع القص والصبغ عندهم حلو

موظفه بالجوازات

22-10-2022 - 04:36 am

القص والصبغ
عند مشغل بروفايل عند وحده اسمها شيري
والا بقية العاملات مو شئ
شيري يدها حلوه وصبغتها رهيبه وخصلها دقيقه
والله اني صابغه عندها بلاتيني مع خصل
كلن مستخف عليه
وبروفايل بالخبر
اما لو مدحولك غير هالعاملات ترا خرطي انا مجربتهم
والمشاغل الثانيه مااعرف

فجر الشمري

22-10-2022 - 05:37 am

موفقه بطلبك يالغاليه
وبتنور الشرقيه بوجودك
بخصوص المشاغل ماعندي خلفيه ياقلبي

الجوريه الناعمه

22-10-2022 - 06:38 am

اناانصحك صراحه بالنافع روعه انصحك فيه شغل لايعلى عليه حتى انا عندي قريبات من قطر يجون يصيغون عندها يجن

أم أميروميار

22-10-2022 - 07:39 am

حبيبتي مرحبا بك با الشرقيه
عندك مشغل هيفاء الي با السويكت با الخبر
قصهم خيال وما شاء الله الشعر ينمو بعد القص مايوقف والصبغ كمان

فراشة فرفوشه

22-10-2022 - 08:40 am

ياحبي لكم بردتوا خاطري ..
بالنسبه لمشغل هيفاء قد جربته بس زحمه وعالم .. بس صراحه القصه طلعت شي >> من زمان السالفه هذي ..
و دار نجد اختي صبغت عندهم حليو بس مو خطير مرة ..
الله يجبر خواطركم ويسعدكن يارب ..

تسريحات مناسبة لسن من 14 18 سنه←
سؤال وارجوا الاجابه→