بنات الكلية 00 جبت لكم اشياء حلوة خلاصة ثلاث سنين

مراحب يا بنوتات
انا ابغى انقل لكم بعض الافكار اللي انا اعملها بالكلية
انا رابع كلية آخر سنة ... ما تتخيلون كيف انا احسدكم يالمستجدات
الكلية بالحيل حلوة بس عيشيها صح >>> هذي نصيحة صغير من مجرد صديقة مو بصدد الحديث عنها الحين
الشعر
بالنسبة للمستجدات الحين الكثير يفكرن يقصون شعرهم ويصبغون أنا من وجهة نظري لا ليش؟
لأنك انسانة جديدة على مجتمع الكلية يعني راح تكوني غريبة ادخلي بنفس ستايلك الحالي
عشان بعدين بتحتاجي تغيرين وما راح تلقي شي تغيرية
بجد لما تحبي تغيري من شكلك أكثر شي ممكن يغيرك القص والصبغ
يعني الحين ادخلي كذا بعد سنة قصي شعرك
بعد سنة اصبغي
يتغير شكلك كثير مع الحرص بين فترة وفترة تجددي شوي بقصة شعرك
اتمنى وصلت فكرتيبالنسبة للملابس
نصيحة نصيحة أكررها مليون مرة >>>> لا تكثري بالملابس لأنك والله بتندمي ممكن نص الترم تشوفي
شي جديد تتمني تشتريه وما تقدري من كثر بلايزك
عسان كذا اشتري لك كم بلوزة كل ترم بس شي ذوق بكل اكسسواراتها
لأن اللي نكثر عموما بالملابس ما تحرص على الاناقة تجلس تشتري ولما ترجع البيت تحس بلايزها
عادية ممكن أي بنت بالكلية تلبسها
كوني هادية بالسوق وخلي بلايزك نقوه لا تشري البلوزة وتلبسيها مثل ما هي حاولي تضفي لمستك
الخاصة أما تركبي للبلوزة توب مميز أو تغيري الكمر أو أو .....
لأنك لو خذيتي البلوزة زي ماهي بالعرض راح تلاقي كثير لابسات زيك وتحسي انك ما سويتي شي
جديد
التنانير
يكون معك وحدة ماشية على الجسم خالية من الموديلات لأنها تناسب كل موديلات البلايز سواء طويلة
أو قصيرة على الكعب
معها وحدة ثانية أما جنز
أو لو ويست > خصر نازل عشان البلايز من تحت
ممكن تنورة مفتوحة من ورى للركبة وتلبسي من تحتها كيلونات لنص الساق وتلبسي معاها شبشب
حلو أو خلخال هذي الفكرة مرة خرافة
أو بدل التنورة الفتحة ممكن لف وبنفس الطريقة
الجزم والشنط
لاتكثري لأنك كل ترم راح تشري
مهم يكون عندك اللون الاسود - ابيض - بيج أو ذهبي لأنها تناسب كل الالوان
وكل ترم اضافة لون مميز أو اثنين مرة ازرق -احمر - اصفر ......
يكون عندك الشباشب أو الواطي والأبوات تناسب اللبس الهادي والسبورت
اما الجزم العاليو بالذات تناسب اللبس الرسمي
الاكسسوارات
لا تشريها على عماها
أول حددي الانواع اللي تحبي
مثلاً انا احب العقود سواء طويلة أو قصيرة والاساور العريضة والدبل
بعدين اشري طقم كامل من الانواع مهم الاسود الذهبيات والفضيات
هذي اساس وجيبي كم لون معاهم
لاتنسي الإشاربات و البروشات خذي كم واحد سواء للبلايز أو للشنط
المكياج
أول العناية بالبشرة مهمة عشان تكوني مشرقة ويكون المكياج حلو
للي تعاني من الحبوب والبثور ممكن تستعملي أغادير كريم مغربي علبتة قزاز ولون الغطى
أحمر مو عنابي والله حلو انا بالنسبة لي جربتة
زيت اللوز المر + جلسرين سائل = كميات متساوية
أي خلطات ثقيله ما تنحط بالليل تنحط بعد الفجر عشان البشرة تتنفس
مرطب خفيف ينحط عند النوم
منظف البشرة ومقشر يومي من كلين آند كلير مثلاً
أهتمي ببشرتك لا مكياج بدون عناية والله لو من ارقى الماركات راح يصير منظر
انا راح أقولكم عن ادواتي
واقي الشمس اللي يناسبك ويكون مائي
انا كريم الاساس والبودرة من ماك
لأنها المارك الوحيدة اللي اثبتت جدارتها معي
احمر خدود (بلاش) كم لون وردي فاتح - خوخي - احمر خفيف
الظل علبة وحدة اللي يناسبك طيني - عادي - كريمي
الارواج البيج - الوردي مهم وخذي انتي الالوان الباقي حسب استخدامك
اللاينارات هذي احس مهمة مرة خذي كذا لون لأن مو كل شوي راح تحطي ظل
خذي اسود - رمادي - اخضر - ازرق - أبيض >>> أحرصي تكون ترسم جوا وبرا
ماركة جاسيكا رائعة >>>> ما تلاقيها في الاماكن الراقية تلاقيها بالمحلات العادية
مثل الكورنيش والشاطئ
الإضاءه مهمة بالذات اللؤلؤي
الكحل السائل حلو من لانكوم ريشة متحركة - من ذا بودي شوب ريشة ثابته
الماسكرا >>> بدون منافس لانكوم
العدسات يكون معك الألوان اللي تحبي بس حطي اساس ناعم يجانس وجهك
وحطي لونك المفضل مع قلوس تطلعي ناعم مرة
المناكير لا تنسيها تعطيك منظر حيل حلو
حلوة ورخيصة من بور مواه بدرعة ب 15 ريال ألوان سحر صراحة
ولاتنسي المناكير الفرنسية العطور
خليك حذرة في اختيارة بحيث يكون ثابت مو شوي ويروح
بعطيك بعض الامثلة البسيطة ( انسولانس - يوفوريا - تشامبين - ايلي من اف سان لوران )
عطر زيتي للشعر حلوة من نكتار
عطر اليدين ملحقات
كيس العباية
كريم الايدي
معقم الايدي
صابون الايدي
البوك
محفظة الجوال
قلم كشخة

• للي دورتها مو منتظمة جيبي محفظة قماش وحطي بها الفوطة وكلوت الاستخدام الواحد

تلاقيه بالصيدلية >>>> عشان ما تتفشلي
سجادة الجيب
========================================
اتمنى تكوني استفدتو من اللي كتبت
ابتعدو عن المبالغة والاشياء اللامعقولة
البعض يجيب اشياء غريبة عشان يلفت النظر
تقدري تلفتية بالنعومة وهو الشي اللي مو كل بنت تقدر تسوية
سواء من ناحية التصرفات والاسلوب أو الشكل
لاحظو كل شي من وجهة نظري وذوقي
اي وحدة تحتاج شي انا مستعدة
لكم خالص حبي وتتهنو هذا موضوع قديم لي ... ممكن يفيدكم
http://alfrasha.maktoob.com/alfrasha52/thread435809/