بنات اللي تعرف عن اليوكو أو الريلاكس للشعر لاتبخل علي

الرمش الـ ح ـنون

12-02-2022 - 06:46 pm

صباحكم عسل فراشاتي ، ومساكم سكر
حبيت اسألكم قلباتي عن اليوكو ،، والريلاكس للشعر !!!
اللي مجربته او سامعه عنه ياليت تفيدني وحده من البنات تبي تسوي في شعرها ومتردده ودها يكون عندها خلفيه عنهم
واي مشغل افضل في شغله ،، في الشرقيه طبعاً
وقلت فراشاتي ماراح يقصرون معي

التعليقات (9)

الحب أنت

12-02-2022 - 10:06 pm

إن شاء الله البنات يفيدونج ..
السموحه منج ..
..

رفات الأماني

12-02-2022 - 11:07 pm

انا بعد مثلك سمعت عن اليوكو ومترددة اسويه والا لا
وسمعت عن مشغل الفخامة في الدمام انهم يسوونه روعة بس سعره غالي
وعندنا في الاحساء سمعت عن مشغل لوزان انا كلمتها وسألتها
عن سعرة فقالت لي اذا كان شعرك على الكتوف فراح يكون سعره تقريبا الفين ريال
وقالت عندنا بعد التمليس المائي وتقول ان فيه طلب كثير عليه
انا شعري ناعم وخايفه اسويه ويخرب شعري لاني ماادري اذا ينفع للشعر الناعم والا بس الخشن
تكفون افيدونا

شروق الشمس2006

13-02-2022 - 12:08 am

بنات في صالون المسة الاخيرةفي الدمام اذا كان اشعر الى الكتف 4000تخيلو بس فضيع

الرمش الـ ح ـنون

13-02-2022 - 01:09 am

يعطيكم العافيه حبيباتي .. وانتظر آراء البنات الباقيات !!!!

ملامح القمر

13-02-2022 - 02:10 am

للاسف ماعرف عنه شي

الوجد2

13-02-2022 - 03:11 am

أنا شفته مرة بالتلفزيون كانوا يقولون إنه إذا سويتيه ما يحتاج تستشورين شعرك وبصراحة اللي كانوا مطلعينها في البرنامج صار شعرها جنان أملس وحرير . بس بصراحة الأسعار هذي خيالية أحس انه برا أرخص والله أعلم .. وعلى فكرة ترى بعض المشاغل نصابين ، أعرف وحده تشتغل بمشغل قالتلي إن صاحبة المشغل تشتري كريم فرد عادي رخيص وتخلطه مع أشياء ثانية من عندها عشان تتغير ريحته وتسويه لهم بالآلاف على أساس انه فرد من نوع جديد جايبته من برا.

الامل الجديد

13-02-2022 - 04:12 am

السلام عليكم ورحمة الله
كيفكم يا بنات
انا بعد ودي تفدوني بمشغل اكويس لتمليس الشعر في الاحساء ويكون مضمون ومو مهم السعر
لاني كل مره املس شعري ما يطلع بالشكل المطلوب
واعذرني اختي وجدان الشوق لاني ما قدرت افيدك لاني اريد المساعدة ايضا
مع خاص شكري وتقديري

جودى2005

13-02-2022 - 05:13 am

حبيباتي الفراشات بنات الشرقية فية وحدة في فندق الشيراتون في البحرين مرة كويسة هي بحرينية بس مرة يمدحونها في نفس الفندق وفي الرياض فية مشغل أسمة سمر سعودية يقولو شغلها مرة ممتاز وقالتلي اذا تحبين اجيبلك وحدة سويت لها الفرد وتحكمين بنفسك ومشغل ثاني أسمة رتوش لة أكثر من 5 فروع في الرياض يقولو شغلهم في الفرد ماعلية كلام واللة أعلم حبيت أفيدكم من اللي أسمع موفقين بأذن اللة لما يحبة ويرضاة باي ياحبيباتي يافراشات

الرمش الـ ح ـنون

13-02-2022 - 06:14 am

يسعد قلوبكم حبيباتي ويرضى عليكم !!
حرام عليهم وش هالنصب ،،، بصراحه بعد ماسمعت كلامك يالوجد احس شغل المشاغل كله نصب في نصب مايخافون الله !!
الله يوفقك اختي الأمل وإن شاءالله يفيدوونك البنات !!!
تسلمين الجودي على افاداتك ،، بس انا ابي وحده في الشرقيه !!!
سمعت مشغل النافع مره ممتاز ولا ادري هل في احد جربه يفيدني !!!

بنات ابي مساعده الله يخليكم بسرعه←
ساعدوني فراشات اريد شعر املس مستقيم مثل هالصور→