بنات كول

شلة بنات ( عددهم اربع - وعيال عم ) كانوا بنفس العمر ( 18سنه ) وآ خر سنه لهم في المدرسه
مشاغبين وعليهم طلعات مو صاحيه
أ صايل, رأ س الشله وهي اللي تدبر لهم الطلعات والخطط
ريماس,كانت ملقوفه ومثل طبع اصايل
بشاير , جريئه ومزوحيه مره
شجون , هذي غير عن الشله كلها كانت هاديه وخجوله وكانت ما تأيدهم دائمآ في كل الحركات وطلعاتهم
ستايلهم واحد في كل شيء نفس الجوال نفس الملابس ( تيشرتات وبنطلونات وبرموده )
كانوا شبابيات مره بس طبعآ مايخلون من الأ نوثه كانوا نعومات وجميلات وكاملين ( والكامل وجه الله )
كانت شجون الا جمل بينهم والاكثر رزانه والاقرب الي اصايل
راشد , اخو اصايل واكبر منها بثلاث سنوات يعني عمره 21 سنه
يدرس في الجامعه ممتاز وضمن المتفوقين
دايم اسراره عند اصايل
كان مزوح وجريئ وصريح وشكله طبعا حلو
نواف , اخو ريماس واكبر واحد بالشله عمره 23 يدرس في الجامعه واخر سنه له
شخصيته حلوه مره ومزوح ومتواضع بس هذا هواوي ( يعني حبيب )
اما فهد , فكان صديق نواف وراشد ومقرب لهم كثير مثل اخوهم اغلب الاوقات معهم يدرس في لية الطب اخر له سنه ويطبق
========================================
( المهم ماأطول عليكم ) الحين هم في كشته للبر مع الآهل
اصايل : يله ام الشباب انتي وهي قوموا نطلع بره الجو جنان ورهيب يصلح حق مباراه
بقيت البنات : اوكي يله
( طلعوا بره وهم طالعين شافوا نواف وراشد )
بشاير : نواف راشد تعالوا العبو معنا كوره عشان نكون اكثر
شجون : بشاير استحي على وجهك
نواف وراشد : ابشري ماطلبتي الا شيء
بشاير : يؤ عادي خليهم يلعبون معنا عشان نكون اكثر
( اوصلو الشباب وقسمت الفريقين بشاير )
شجون : انا مو لاعبه
باقي الشله : ليه
شجون : بس ماودي العب تعبانه شوي ( البنت مستحيه )
اصايل : براحتك
ريماس: اجل خلاص نصير فريقين فريق اولاد وفريق بنات
نواف : هي والله ظلم حنا اثنين وانتم ثلاثه مو صح شجون ( نواف يحب شجون ومعجب بشخصيتها لا انهاا غير عن الباقي )
شجون : صح
بشاير : اقول لا يكثر انت ورويشد ( الاخت مطيحه الميانه ) انتم اولاد يعني الاواحد منكم عن ثنتين منا
راشد : خلاص اوكي بس بشرط
بشاير واصايل وريماس : بعد شروط قول يامال الخساره
راشد:اذا فزناا لنا عشاء منكم وطلعه على حسابكم
البنات : اوكي
( بدء العب والبنات متحمسين )
واثنا العب والا بذيك الكوره اللي على راس شجون
شجون : اي يا ..... ( توها بتهاوش
نواف : بسمله عليك والله مدري اسف
شجون: لا عادي <<يوم عرفت انه نواف
المهم فازو الشباب على البنات
راشد : يله نفذو الاتفاق اللي بينا
بشاير : لا تخافون بنفذه بس اذا رجعنا من الكشته عشان تكون الروحه في مجمع
الشباب : اوكي
( ارجعوا البنات للمخيم بعد الخساره الفادحه وعينو من الله خير وتعشوا)
بشاير : اقول بنات قوموا نفحط بالسياره
شجون : الله يرجك نفحط ههه هذا اللي باقي
اصايل: ليه فيها شيء يله بشوره رموسه قوموا نفحط بسيارت رشود والله فله ولاند واو بيقوم التطعيس
ريماس : يله << وهي متحمسه
( شجون ماراحت معهم جالسه مع الاهل)
راحوا واخذو مفتاح سيارت راشد وقام التفحيط والتطعيس ( طبعا اصايل هي اللي تسوق الاخت ماهره في السواقه من اخوها راشد)
( قضوا خمسه ايام في البر وبعدين ارجعواا)
( نواف يدق على اصايل)
نواف : هلاوالله
اقول وين الوعد اللي قلتوا عنا انتي والبنات اللي معك
اصايل : هلا بك << اوه ياربي انت ماتنسه مو مخ عليك ( تمزح)
ماصار فوز فزتوه علينا
نواف : هي انتي قولي ما شاء الله اخر سنه لي واتخرج مو تنظليني تخليني افحط فيها
المهم بكره العشاء والطلعه اللي وعدتوناا بها ولا يكثر باي
اصايل : اوكي << بتذمر
( جاء اليوم الثاني )
اصايل : راشد شوف بكره بنعشيكم بمناسبة فوزكم علينا << متذمره
راشد : أي صح الحمد لله وفرتو علي افلوس العشاء اليوم خ
اصايل:وجع بس ان شاء الله المره الثانيه عليكم
راشد:ههه لا ان شاء الله
( اصايل مرت البنات مع السواق وراحوا المجمع والتقوا مع الشباب )
بشاير – ريماس : ام الاصل
اصايل : خير خير نعم
بشاير –ريماس : منوهذا اللي مع نواف وراشد
اصايل :والله مو متأ كده بس شكله فهيد خويهم
بشاير وريماس : اها
شجون : وش جابه معهم المفروض مايجي معهم والله قلت ادب << معصبه
البنات : مو مهم خليك منه
ريماس : لحظه اجيب لكم خبره خ
بشاير – اصايل : اوكي ههه جيبي خبره
ريماس : اوكي خ نواف
نواف : هلا
ريماس : تعال ابيك في كلمة على انفراد
نواف : ههه ابشري يا أم انفراد
ريماس : منو هذا اللي معكم
نواف : ههه ماعرفتيه هذا فهد
ريماس : اها وانا وش دراني << راحت انقلت الخبر للبنات
( مشت الشله للمطعم بعد سوالف طويله – طبعآآ البنات في طاوله والشباب في طاوله )
شجون : وش جابه هذا معهم مو مخلينه ناخذ راحتنا معهم << معصبه حدها
اصايل : ماعليك منهم وش بلاك انتي
بشاير – ريماس :اصايل شجون بس بذمتكم مو حلو
شجون : حلو بس نوافي احلى
اصايل : ههه أي تدافع عن الحبيب
بشاير : لا فهد احلى مو صح ام الاصل
اصايل : أي احلى << يقهرون شجون
شجون : مو مهم رايكم فيه اهم شيء هو عاجبني وانا عاجبته
ريماس : يمه منكم بنات هذا وانا اخته جنبكم وتحشون به << شجون صادقه
( طاولة الشباب )
فهد : وش مناسبة العزومه هذي لكم من البنات
نواف – راشد : ههه والله تبارينه معهم كوره وفزنا عليهم وهذي الجائزه
فهد : هههاي والله بنات عمكم وخواتكم مهسترين مثلكم ولا شكلهم حبوبات وفله
( فهد كان شوي جريئه )
أي ماقلتو لي وش اسمائهم وخاصه اول واحد فيهم ( يقصد اصايل )
راشد : هي انت وش دخلك استح
فهد : يمه منك خلاص بس تعرف والله مو هينين عليهم عيون تهبل ( تطيح الطير من السماء )
وخاصة اللي عيونهاا عسليه
نواف : اقول استح على وجهك اثاري الواحد مو كفوا يجيبك معه << معصب
راشد استح على وجهك << وبعدين مالقيت الا حبيبت خوينا تعجبك ههه
نواف: رويشد ياملقوف
فهد : اسف يالحبيب ههه نوافوه طلعت هواوي اثريك مو هين ههه
نواف: اي عندك مانع
( خلصوا العشاء وراحوا يتمشون في المجمع )
ريماس : اصايل شوفي التيشيرت والبنطلون والله جنان روعه وش رايك فيه
واحد : أي والله اصايل بيطلع جنان عليك << مسوي يعرف الاسم
اصايل : يؤؤ متعجبه ومنزعجه <<ولا عطته وجه
هو : عطيني وجه ياحلو يالبه الثمه ورعيتها
اصايل : اقول استح على وجهك وبدون كلام مالا داعي
هو : خذي بس الرقم واليوم دقي اليوم الساعه 2 باالليل << ورماا الرقم ولا جاء الا على بشاير
بشاير :او وش ذا اكيد انت يا قليل الادب اقول انقلع لا اسوي في وجهك شوارع
هو : ههه ياحلوك على هذا الكلام الاخت فزعه
بشاير : اقول لا يكثر وطس
نواف : وش فيك بشاير
بشاير : واحد قليل الادب مايستحي على وجه الا يرقم
نواف وبقيت الشباب : هي انت ماتستحي على وجهك تأدب
هو : وانتم وش دخلكم انا ما كلمتكم كلمت الحلوات اللي معكم
فهد : ( مسوي نفسه فزعه عند البنات )
اقول يابو الشباب يعني ماتشوف معهم ارجال ولا مو عاجبينك اقول رح لا ادوس بطنك واطيرك المستشفى
هو : تخسي مابقي الا ورعان يكلموني << ويتجاهل فهد ويكلم البنات >> اقول بس اليوم يابنات في الليل
فهد : اقول انت تتكلم مع رجال وما الورع الا انت < عصب
( وقامت الهوشه )
اصايل : خلاص ياعيال الحلال
بشاير –ريماس :أي عاشوا ادبوه
شجون : تضحك على بشاير وريماس
شجون << خلاص نواف هدء حالك
اصايل : بنات شوفوا فهد وهو يفزع والله شكله يهبل
البنات : ههه والله انك تضحكين
اصايل: احسن من الي يشجعون ههه
(الناس يفاككون بينهم – جاء امن المجمع واطردوهم من المجمع )
الشباب الملابس راحو فيها من الهوشه )
والبنات ميتين ضحك على الشباب
نواف –راشد : أي أضحكو والله لانوريكم وهذا وحنا فازعين لكم
فهد : عادي بنات يحق لهم
البنات : انحرجواا ونزلوا روسهم
بشاير : بس الحمد لله صار في هوشه كانت راحت كل فلوسناا على طلباتكم ههه
نواف – راشد : نوريكم شوفوا من يدخلكم مجمع مره ثانيه
البنات : خلاص اسفين خ
( في اليوم الثاني كانت سهرة الشباب عند راشد )
راشد : اصايل , اصولي , ام الاصل
اصايل : اوه خير
راشد : يا أ ختى العزيزه ....
اصايل : تقاطعه << وش عندك جبها من الاخير بدون مقدمات
راشد : وش دعوه يااوخيتي بس كلها دلة شاي من ايدينك الكريمتين عشان الشباب بيجون عندي
اصايل : ههه مافي في اليبت الا ايديني اقول قم بس قم وراي مذاكره مني فاضيه لك انت وربعك
راشد : افا هذا وانا اخوك وانا اقول ماتجيبها الا ام الاصل طلعتي ولا شيء
اصايل : أي روح قل لا أمي ولا الشغاله تصلحه لك
راشد : امي طالعه والشغاله شاهيها مو حلو ما تعرف تصلحه زين مثلك
اصايل : اوكي بس بشرط
راشد : بعد شروط اشرطي
اصايل :مو قايلته الحين اذا بقيت منك شيء بقول لك في أي وقت أطلبه منك وإذاقلتلك تقول تم مو تنسى
راشد :أوكي تم من الحين واذا خلص الشاي جيبيه في المجلس
اصايل : بعد طرار ومتشرط بس أبشر من عيوني
(صلحت أصايل الشاي وأتجهت للمجلس وإلا بدخلت فهد )
أصايل :يؤ يؤ يؤ يؤ يؤ << من الخوف مو قادره تتحرك >> راشد << وهي تصرخ
راشد : امري يؤؤؤؤؤ وجع فهيد غمض عيونك لا تشوف اختي
وفهد قاعد يناظر اصايل << تخبرون ملقوف
(دخل فهد المجلس وراشد اخذ الشاي من اصايل )
راشد : فهيد ماتستحي على وجهك تناظر اختي
فهد : منو يحصله بنت بهذا الجمال ولا يناظر , بعدين هي اللي طلعت مو انا اللي داخل
نواف : يؤؤؤؤؤؤؤؤ استح فهيد اخت خويك
راشد :فهد , فهد << ههه الاخ سرحان فهيد << بصرخه
فهد : هلا
راشد : وين راحت
فهد : مع قلب اختك
نواف : يؤؤؤؤؤ تأدب فهد واحترم نفسك هذي بنت عمي
راشد : أي ولد عمي دافع عنها
فهد : بس والله حلوه
نواف –راشد : اقول فهيد استح و ......<< عصبوا عليه وصارو يهاوشونه
فهد : غير السالفه << اقول متى مبارات الهلال والشباب
نواف: يوم الخميس
فهد : انا بروح الملعب تبون احجز لكم معي
نواف وراشد : اكيد من غير تردد
اخلصت السهره
( يوم الاربعاء البنات تجمعوا عند ريماس )
نواف : ريماس , رموسه
ريماس : هلا
نواف : شوفي أنا طالع اذا جاء فهد خلي نايف ( اخوهم الصغير ) يا اخذ التذاكر المباراه من فهد
ريماس : يؤؤؤؤؤ مباراه منو ومنو
نواف : الشباب والهلال
ريماس : الله الشباب ياليت احظرهاا بس للأ سف مافي بنات
نواف : ههه خبله انتي
( الا بجيت اصايل وبشاير )
اصايل – بشاير : وش قلتوا كناا سمعنا مباراه نواف الله لايهينك احجز اربع تذاكر لنا
نواف : هههاي يامخابيل مافيه بنات
بشاير : يؤؤؤ عادي
نواف : شلون
اصايل : سهله بس انت احجز لنا
نواف : والله مو خبل انا احجز لكم اقول لايكثر انتي وهي يله
اصايل : والله لاوريك
نواف : اعلى مافيه خيلك اركبيه
اصايل : اوكي <<حطت كلمة نواف براسها <واعلنت التحدي
( تجمعوا البنات عند ريماس فوق بالغرفه )
اصايل : اقول يوم الخميس مباراه في الاستاده ونفسي اروح ها وش رايكم
شجون : متفاجئه << يؤؤؤ وش ذا الخبال مافيه بنات وبعدين كلهم شباب وكيف بترحون
بشاير : عادي نتنكر
اصايل : كفوا يافاهمتني
ريماس : أي والله بشاير بس من وين لنا التذاكر ونواف مو راضي يشتري لنا تذاكر و مستحيل يشتري اصلن
اصايل : مو مهم انا ادبر هاا بس اهم شيء انكم موافقين
البنات مااعدا شجون : موفقين ومن دون تردد
شجون : انا مو رايحه استحي كلهم شباب واخاف يكشفونا حاسه بكذا
اصايل :لا عادي بنتنكر زين مااحد عارفنه
( وبعد اصرار من البنات على شجون وافقه مع انها متردده لاانهاا مو مرتاحه من الطلعه )
اصايل : ماقلت لكم بنات أمس وش صار لي
البنات : شنو
اصايل : والله موقف لا احسد عليه
البنات : متحمسات << شنو يله بسر عه قوليه
اصايل : تتوقعون منو شفت أمس
البنات : وحنا وش درانه اقول بسرعه قولي ولا تكثرين هرج
اصايل : شفت فهد << وهي مستحيه
البنات : وهم بصراخ<< صدق متى ؟ وشلون؟ وشنو قال ؟ انتي شنو سويتي؟
اصايل : شوي شوي علي ههه
شفته أمس وانا رايحه اودي الشاي لانواف وراشد
شجون : اآآآه ياقلبي نواف
البنات : ههه شجون دخلت جو
اصايل : اكمل لكم وشافني وقعد يناظر فيني و أنا من الخوف مو قادره اتحرك
بشاير: مو قادره ولا متعمده ههه
البنات : او او او من قدك شافك فهد
اصايل : ههه
بس وربي مو مقصدي
( وانتهى سهرتهم )
اصايل : راشد , رشودي
راشد : امري
اصايل : الحين جاء وقت تنفيذ الطلب اللي قلت لك عنه
راشد : أي طلب << يستهبل
اصايل : يؤؤؤ يامال العافيه يوم اصلح لك الشا ي انت ونواف
راشد : ههه أي اطلبي بس لا تكثرين
اصايل : اقول من وين تشترون التذاكر حق المباره
راشد : من الاستاده
اصايل : المهم اشتر اربع تذاكر
راشد : و ليه؟
اصايل:بنروح انا و البنات للمباراه
راشد : تهبين تروحين لو على قطع رقبتي ماعادا الابنات يرحون مبارايات
اصايل : خلاص مو رايحين لا تشتري لنا يمه منك
راشد: والله لو اسمع انك رحتي ولا حاولتي تروحين ياويلك
اصايل : خلاص قلنا مو رايحين
( اصايل راحت عطت السواق فلوس وقالت له يشترى لها تذاكر للمباراه وعطته رشوه عشان مايقول لااحد ويخذون السياره منه ^_^)
( يوم الخميس تجمعوا البنات عند اصايل وكل واحده منهم مسوي له ستايل غير شكل )
( عشان يفكرونهم شباب )
اصايل: فاتكم ؟
البنات: شنو..!
اصايل:ظللت السياره خ
البنات:ههه اي كفو
اصايل: كفوكم الطيب
ريماس : المهم ابي قبعه بيضه عشان شعري
اصايل : أي وانا اختك اقصد وانا اخوك ههه
رويشد عنده في غرفته محل قبعات بعد مو قبعه روحي خذي من هناك
ريماس : اوكي وانا اخوك
هههاي
اركبو البنات السياره واتجهو للملعب وراشد مر عليه فهد
فهد : ههه شوف هالشباب يضحكون وربي منسمين
( عشانهم مطولين على المسجل )
راشد << متعجب شك في البنات عشان السياره نفس سيارتهم بس مظلله ولا هو باين من فيهاا وكانو جنب بعض
ورقم اللوحه مو واضح
المهم وصلو للملعب وصارو في الاخير و مايفصلهم عن راشد وشلته اله مجموعة شباب
بدت المباره وقام الصرخ ( تعرفون البنات اذا تحمسو في شيء بقومون الدنيا من الحماس)
ويلتفتون عليهم الشباب وهم مو حاسين
شجون : بنات شكلهم عرفونه
البنات : اسكتي بس وش عرفهم حنا متنكرين زين
الشباب يناضرون شجون وهي خايفه
الا وذاك الهدف اللي يجي
اصايل : هدف عاش نشأت
شجون : وجع ااصييل انثبري صوتك عالي الحين يعرفونه
اصايل : يؤؤؤ مدري اندمجت وبعدين مو بس انا اصارخ كل الموجودين مو مميزين بين اصاوتنا
( المهم انتهى الشوط الاول راشد راح يشترى شيء للشباب وشاف البنات بس مو متاكد لا انهم مقفيين وراح )
وبدايت الشوط الثاني والا الهدف الثاني جاء
اصايل وبشاير وريماس <<< هي هي هي هدف عاش مجرشي
راشد يسمع صوت مو غريب عليه ويشك في البنات
يدق على اصايل وهي مو راده
راشد : نواف ممكن تدق على ريماس
نواف : يؤؤؤ يافاضي انت الحين حناا مندمجين بالمباره وانت دق على ريماس وش تبي بها
راشد : اشك انهم هنا
نواف : لا ماتوقع انا محذرهم
راشد : احسن اني اسمع صوتهم اصايل الهبله قالت لي ودها تيجي بس ماعطيتها وجه
نواف : أي صدق حتى انا جات هي وبشاير قال لي ودهم يجون
فهد : وش عندك انت وياه اشركوني معكم كني سمع طاري بنات
راشد ونواف : لا ولا شيء
نواف يدق على ريماس ولا ترد
نواف : راشد ماترد
راشد : اوكي بدق على اصايل مره ثانيه
راشد : يدق على اصايل وترد وهي متحمسه ( يعني ردت وهي ماتدري ) ولا بذاك الهدف
اصايل : هي هي هي عاشو
راشد : ا و او ااصييل ووجع انتي بالملعب بسرعه يا قليلة الادب اطلعي ولا راح تشوفين شيء ماشفتي ياحيوانه
تطلعين انتي واللي معك
اصايل : راشد عاد مابقى شيء على المباراه بس تنتهي نطلع
راشد : اقول اطلعي وربي لا وريك بسرعه وبدون نقاش
اصايل : اوكي << وهي لا طلعت ولهم يحزنون
راشد : شفت يانواف ماقلت لك موجودين
نواف : معصب >> وش جابهم هنا وبعدين ومن وين لهم التذاكر والله لا وريهم
راشد: والله مدري بس يا ويلهم
فهد : قاط الاذن ويحاول يفهم السالفه
وش عندك انت و هو لا يكون شا يفين بنات متنكرين ترى كاثره هالحركه<< و هو يمزح ههه
راشد_ نواف:لا ياشيخ
راشد: لو شفنه ماراح انخبي عليك خ
( المهم انتهت المباراه 3-2 طبعآآ بفوز الشباب ^_^ )
طلعو البنات وهم فرحانين بالفوز ومتجهين للسياره
والا بجيت الشباب اللي كانو جالسين جنبهم
شجون : خايفه >> شوفو اللي كانو جالسين جنبنا شكلهم متجهين لنا
البنات : روحي بس وش عرفهم وبعدين انتي ليه خايفه
الشباب : اقول انتي وهي ياام الشباب وش عندكم هنا
البنات : خافو وتعجبو
بشاير: شنو ام الشباب
اقول تيسر لا الحين اكفخك<< طبعآ مغير الصوت
الشباب:ههه لا ياشيخه
بشاير: شنو شيخه اقول انت تتكلم مع رجال ولا مو عاجبك ،
الا واحد من الشباب يأخذ القبعه اللي على ريماس ويطلع الشعر
الشباب : ههه قالت رجال قالت ولا بتكفخنه بعد ههه
او ياحلوكم حلوه والله اليوم وناسه الشباب فازو وبنات بعد والله لنا حظ << صار مشاده على الشباب من اصايل وبشاير،
والا بجيت نواف وراشد وفهد
فهد : هوشه ههه<<يؤؤؤؤؤؤ راشد شف مو كنهاا اختك اصايل
راشد : يؤؤؤؤؤؤ أي الزفته ماراحت
نواف : يله خلنا نروح لهم حولهم شباب
نواف وراشد وفهد اتجهو للبنات
والبنات يوم شافو راشد ونواف اهربو للسياره
الشباب طبعآآآ ما عطو نواف وراشد وفهد وجه والحقو بالبنات
اصايل تسرع وتدعس على الدعسه من الخوف
ومن قوه السرعه تصادمت مع سياره وجه لوجه
الشباب اللي كانو يلحقونهم اهربو يوم شافو الحادث،
ووصل راشد والباقي على صوره الحادث والتقلب
ويدق فهد على الاسعاف
ويتجه نواف وراشد للسياره يطلعون البنات
راشد سوى نفسه معهم في الحادث
المهم وصلت الاسعاف ونقلول البنات للمستشفى
كانت حالت اصايل وشجون مره صعبه لا انهم كانو قدام اما ريماس وبشاير الحمد لله حالتهم بسيطه
وطلعو من المستشفي بعد خمسه ايام
اما صايل فكانت حالتها شوي صعبه وحاطينها في العنايه الوسطه
اما شجون فكانت اصعب حاله بينهم وحطوها في العنايه المركزه
وطبعآآ الزياره ممنوعه عنهم
وفي هذي الفتره كان فهد يطبق في نفس المستشفى اللي انقلو البنات له
وبعد اسبوعين تحسنت حاله اصايل بس شجون كانت حالته شوي خطره
فهد كان طول وقته عند اصايل ويحاتيها
اصايل : >> صحت << ابي ماء
فهد : ان شاء الله << وهو فرحان >> جاب الماء وشرب اصايل وراح ودق على راشد عشان يقوله ان اصايل صحت
وصل راشد ونواف : هلا السلام فهد اخبارك واخبار البنات
فهد : وعليكم السلام اخباري تمام اما اصايل فالحمد لله اما شجون الله يعلم بحالها
نواف : الحمد لله الله يعين << ودمعته بطرف عينه
دخل راشد على اصايل
راشد : السلام اصايل كيف حالك ؟
اصايل : ترد وهي تعبانه << الحمد لله بس اخبار خوياتي
راشد : الحمد لله تماام
اصايل : صدق راشد لا تخبي على شيء وربي احس ان فيهم شيء
راشد : ماعليك اهم شيء الحين انتي صحتك و هم لا تحاتينهم
وفجاء يغمى على اصايل
راشد : بصراخ <<< فهد فهد تعال الحق
فهد : أمر وش فيك
راشد : مدري بس اغمى عليها
فهد : خلاص راشد انا راح انادي الدكتور
الدكتور : لو سمحتو ممكن تطلعون برىء
راشد : وش فيها اختى فهد قل لي لا تخبي على شيء
فهد : وربي مدري علمي علمك
الدكتور : طلع وقال لهم << لو سمحتو ظروري ننقل لها دم ولا راح يصير لها شيء مو زين
راشد , دمه مايصل له يتبرع لا انه في فقر دم
اما نواف , طلعت فصيلته تختلف عن اصايل
فهد : خلاص دكتور شوف حلل لي
فهد , حلل والحمد لله كانت فصيلته مناسبه لا اصايل
انقلو الدم لا اصايل والحمد لله تحسنت حالتها
فهد كان طول فتره اقامه اصايل بالمستشفى مايفرقهاا << الاخ متولع
وبعد شهر من الحادث طلعت اصايل من المستشفى بس عندها كسر بالقفص الصدري
اما شجون فما زالت بالمستشفى لا انه حالتها صعبه
نواف في هذي الفتره حالته حاله صار تعبان ولا يروح الجامعه طول وقته بس يفكر
ريماس : ياخوي ان شاء الله بتكون بخير وتملي عينك بشوفتها
نواف : مو قادر << وبيكي
ريماس : افا ماهقيت دمعتك تنزل وهذا وانت رجال
نواف : اه وربي من غلتها وربي اني احبها ريماس انتي تعرفين اذا حبينا حبينا وربي لو يطلبون قلبي لها
اعطيهاا بس تكون بخير
ريماس : خلاص ريح بالك انت بس وان شاء الله بتكون بخير
نواف : مو قادر يا ريماس ليت اللي فيها فيني
ريماس : بسمله عليك خلاص حصل خير يانواف
نواف : وين الخير وهي للحين بالمستشفى
ويجي اتصال لنواف من فهد