بنات لا تفوتكم جايب هالقساوه منين ياطيب طيب مره روعه وقويه

بليز كملي الله يخليكي
القصه روعه وانتي اروع
يلا تراني انتظر على احر من الجمر

راح احط جزء علشانك ياعمري أنتي
**********************************
الجزء الثاني//
خلود بالمطبخ تاكل اندومي وهي جالسه على الطاوله(تفكر بعمق
خلود يارب مابيك تحقق لي الا الامنيه هاذي الوحيده ابيك يارب تعمي عيون عبدالله عن كل البنات
وماتخليه يفكر الى فيني انا يارب !!يارب حقق لي هالامنيه الوحيده يارب انت باسط الارض ومثبت السموات بلاعمد
وخالق الناس وكل يوم يزيد العدد يارب قل كن قل كن وريح قلبي انت يارب بليتني في حبي له يارب خله لي بالحلال يارب
اوف انا الي متى وانا على هالحال بجد مليت حالتي تكسر الخاطر بجد طفشانه وعاشقه بعد اوف
يارب اذا انت مو كاتبه لي كرهني فيه مو كل يوم يزيد حبي له
!!!!!!!!!! الحمدلله لقيت فكره ابقول لعلي اني ابي اغير جو في الشرقيه لاني مشتاقه للبحر وخالي ام واكيد بنسكن عندهم
يمكن يخف الشوق الي بقلبي ابقنعه واقنعه واقنعه ذا الدجاجه المليانه فلونزا بعد ههه
علي فتح الباب بهدؤ وشاف خلود قاعده تضحك في المطبخ انهبل:خلود
خلود تفز وتقوم:مين
علي:خلود انتي جنيتي
خلود لقتها فرصه علشان تسافر(بحزن:ايه انا طفشانه
علي:تضحكين مع مين
خلود دموعها نزلت حست انها مجنونه وتصرفاتها مو تصرفات عاقله:ساكته
علي يناظر بتعجب:خلود وش فيك
خلود:ايه فيني انا مليت
علي:طيب اطلبي وانا انفذ لك
خلود: انت نصاب ماتضحي علشاني
علي:نصاب طيب اطلبي وشوفي انا نصاب ولا لأ
خلود:ابي اسافر للشرقيه
علي مستغرب!!!!!!!:الشرقيه
خلود بيأس:ماقلت لك انك نصاب بس كلام ولا الفعل مو يم سالفه (يعني خرطي
علي:لا خلاص انشالله نسافر حتى انا مشتاق لولد خالي وكل مره داق على يعزمني
خلود طارت فرح:مين الي يعزمنا؟؟؟
علي:عبدالله ولد خالي خالد
خلود استانست حيل لان عبدالله على الاقل يفكر ان فيه احد بالرياض:طيب متى بنسافر
علي:اليوم الاثنين انشالله بكره
خلود فرحانه:واو مشكور (وتبوس راس اخوها
تطلع فوق مسرعه علشان ترتب اغراضها
علي:انتظري لحظه
خلود:وش فيه
علي:بتروحين للمدرسه بكره
خلود:اكيد انشالله واستاذن ليوم الاربعاء علشان اغيب
علي:خلاص رتبي اغراضك واغراضي زين
خلود تأشر على عيونها وهي مبتسمه:من عيوني الثنتين ((تروح فوق
علي:غريبه للدرجه مستانسه بس المسكينه كسرت خاطري وهي تسولف لحالها ايه انشالله اعوضها
ويلفت انتباهه رائحة الاكل المشهيه يوه العشاء ياخلود تعالي العشاء
خلود وهي تفتح دولاب الملابس:يوه لا يكون غير رايه يانعم
ماجد في بيته الغريب مع ان له فلل فخمه الا انه عايش في بيت غريب اغلب اغراضه حديديه سرير حديدي
مو خشب ومافيه تحف للزينه ابدآ الكنب غريب جدا لايصدقه من على وجه الارض لانها مصنوع من سعف النخل
المطبخ يوجد فيه اواني فخاري قديمه وموقد النار جدا غريب لانه يستخدم(الدافور) او (القاز) ويوجد
ابريق نحاسي تحول للون الاسود من كثر استعماله ووضعه على الحطب للمده طويله
ماجد جالس في الصاله الكبيره الموحشه الي ملئ في زواياه كتل من العناكب العجيبه وبيوتها المرعبه
اضاءته ثريا صغيره كانها شمع ثريا اوسراج غريب لونه اصفر وخفيفه الاضاءه
ماجد يتابع فيلم امريكي اجرامي بعد ماخلص من فلم روسيدينت افيل وخلص من فلم الجماجم المخيفه ومصاصين الدماء
يتابع بشغف وبيده سكينه كبيره وهو يبرد السكينه علشان تصير حاده وهو يبرد ويناظر متحمس تجرح السكين يده لانها جدا حاده
وياخذ الكاس الي على الطاوله ويضربه بالارض من العصبيه ويرمي السكين وياخذ الجوال
ماجد بعصبيه:الو احسن لاترد
علي:هلا كنت اتعشى ماعليش
ماجد:المهم بكره ابي المستندات الي تبع الشركه تنهيها زين
علي:بس اقولك انا بكره مسافر
ماجد:وين وليه
علي:طال عمرك ابسافر للشرقيه لان اهلي يبون يغيرون جو
ماجد:انا قلت بكره تكون الشركه مخلصه
علي:انشالله طيب
ماجد:اجل كمل عشاءك (ويغلق الخط
علي وهو يتعشى:اوف من هالبلشه
خلود:مين
علي:هذا ماجد صديقي مالت عليه يبيني ابيع الشركه
خلود:مين صاحبها هو ولا انت
علي:هو بس الغبي مسوي لي وكاله شفتي شلون
خلود:يوه طيب ليش مو هو الي يدير الشركه بنفسه
علي:المسكين مايعرف يقرا ولا يكتب
خلود تضرب راسها:مش معقول هذا بأي عصر كم عمره
علي:عمره الظاهر 24 سنه
خلود:لا ماصدق طيب كيف
علي:والله مادرري ليه كل ما سألته يقولي مالك دخل وهو عصبي فوق اللزوم تصدقين مره وحده في السوق تغازله
خلود تفاجئت:تغازل بنت تغازل
علي:ايه بس مو بالسعوديه مع ان الفاسدات بكل مكان بس كنا في الخارج
خلود:ايه كمل
علي:تحاول تاخذ رقمه عاجبها الولد وتجيي اي خدمات تبون وهو مو معطيها وجه المشكله اني متمشخص ذاك اليوم وماحد عبرني
خلود:ههه تستاهل
علي:شافها زودتها اخذ الصحن الي بيده وضربها براسها غير جو الاسعاف وشالوها
خلود تضرب خدها:اوف ماعنده تفاهم صديقك ذا الي من العصر الحجري يوه يوه يوه بس تستاهل ذي البنت قلة ادب
وبعدين دخل السجن صح
علي:لا سكتهم بكم الف والبنت ماكانت تبي فلوس لكن اهلها الي بغوا على بالهم ديه
خلود:الحمدلله اكرمك الله انا شبعت ابروح اجهز اغراضي بس عندي طلب واخر طلب بعد
علي رفع حاجب:وشو؟؟؟؟
خلود تلمس شعرها:ابي اروح للكوفيرا اضبط حالي علشانا اكيد بنروح لخالي خالد
علي ويمد اصبعه: بتروحين روحي لكن شعرك ماتصبغينه ولا تقصينه
خلود:يوه وش بقيت مابي اصبغ ابقص شعري
علي:عاد ذا والله لو تموتين انتي احلى مافيك شعرك ابك لو تدري عنك زينب العسكري كان حلقت شعرها صفر
خلود:ههه بس حلو التغير
علي:اجل مافيه سفر موتي
خلود صارخت:لا كلش ولا السفر
علي:خلاص اجل بلا كلام فاضي
خلود تحرك راسها بالايجاب:حاضر (تروح فوق
علي يكلم
عبدالله شاب حلو كل البنات يتمنونه من جماله واخلاقه الزينه والراقيه ذكي عمره 24 سنه
عبدالله يحضر للجامعه ويكتب الاشياء المهمه لان بكره عنده اصعب امتحان واخر امتحان بعد
ترن
عبدالله يناظر للرقم ومبتسم:ياهلا ومية مرحبا يالغلا كله
علي:يامرحبيتين فيك يالغالي اخبارك
عبدالله:الحمد لله ثم للمللك عبدالعزيز
علي:ههه
عبدالله:وانت شلونك
علي:والله لوني يسرك لون قمحي فاتح واسود العينين وطولي 166 سم ووزني 64 عندك لي عروسه هاهاهاها
عبدالله فكر انه عينه على اخته ساره:والله انت اطلب واختار ومايصير خاطرك الا طيب
علي حس انه غلطان بكلامه لانه مايفكر بأخته ابدا لان ماضيهم شين كله هواش وطراخ:لالالالا امزح معك بس عندي مفاجئه
عبدالله:وشي؟؟؟
علي:احجز لي غرفه بكره
عبدالله خاف:بس انت
علي:اعصابك شفيك كانه ملاحقك احد ايه بس انا لحالي ولا ماتبيني
عبدالله من غير نفس:لا وش دعوه اكيد ابيك
علي:اجل خلاص بكره انا جايكم وقل لخالي اني جايب له اختي لانه مشتاقه له وتبي تشوفه
عبدالله من غير مايحس بروحه:خلود بتجي
علي:ايه بتجي
عبدالله:بوشو بتجون
علي:بالقطار انشالله بحجز ونسافرا بكره العصر
عبدالله بفرحه:توصلون بالسلامه
عبدالله اغلق الخط وهو مستانس يالله خلوده بتجي يالله بجد مشتاق لها يازينه اموت فيها احلى مافيها طبعها واخلاقها الزينه
وخجلها الزايد انا لازم اخطبها لازم يماه يماه يماه
ام عبدالله وهي فوق الكنبه نايمه وراميه الجريده تحتها على الارض:وش فيك كل هالصراخ هزيت البيت من ذا الازعاج
عبدالله يبوس راس امه:انا اسف يمه بس ابقولك قرار قررته وقرار مهم في حياتي
ام عبدالله تقلده:قرار قررته يقر قرروا اقولك بلا قره فاضيه انت وش عندك مقعدني من النوم
عبدالله:يمه انا ابي اتزوج
ام عبدالله تغمض عيونها:ومين المقروده الي انت تبيها
عبدالله استحى مايبي يقول لها:ابي ابي مادري انتي الي تختارين شوفي البنات وقوليلي
ام عبدالله:بنت خالتك نوف
عبدالله:مين؟؟؟؟لاتقولين مها!!!!!!!!1
ام عبدالله تجلس مفزوعه:وش فيها شناقصها كامله والكامل الله
عبدالله:يمه تعرفيني انا احب وحده خجوله نعومه مو زي مها وحده مسترجله ودلوعه ووجها مغسول بمرقه
ام عبدالله تذكرت ان مها دلوعه كثير:خلاص ادور لك غير مها
عبدالله:تسلمين ياحلى ام في الدنيا (يمشي وهو يرقص مثل المجنون ويغني والله وتحقق منايا شوفو حبيبي معايا
ساره تناظر باستغراب:هاي انت شفيك انجنيت اصحى ترا عمرك وصل للخمس وعشرين وانت مثل البزران ترقص
عبدالله انتبه لها وانحرج:يوه الواحد مايستانس في هالبيت
ساره:الا استانس بس مو ترقص لو انك بنت قلنا ماشي بس انت رجال
عبدالله خجل من روحه:تصبحين على خير
ساره:وانت من اهله ياعبود
عبدالله رفع حاجب وساره انحاشت لان عبدالله مايحب احد يدلعه ولا يحب الدلع كله
مها تنزل من الدرج لابسه بنطلون جينز وشعرها بوني قصير بالمره حركاته صبيانيه ومشيتها مافيها رقه
ولا كانها مشية بنات؟؟؟؟لان اهلها من صغرها عودوها على ذا اللبس وهي عيونها كبار كحيله وبشرتها فاتحه كثير
مالها اخوان ولا خوات مدلعه كثير وهي تموت على عبدالله الي ماحبت لا بعده ولاقبله احد
تجلس على الكنبه وتهز رجلها
ام مها:مهاوي وش الي مصحيك ذا الوقت ليه مانمتي
مها وودها تصيح:يماه اوف هذا الى متى مايحس فيني
ام مها:مها عبدالله انسيه مايحبك ولا يواطنك لاتفكرين فيه ابدا
مها بملل:طيب وش اسوي علشان مايفكر الا فيني
ام مها:عاد استحي يامها انا اول مره اشوف بنت بتلصق روحها برجال
مها:بس انا احبه اقنعي امه تكفين ولا والله اني لأكلمه واتحدى احد يردني
ام مها تتنهد:خلاص احاول بس روحي نامي
في الصباح
بيب بيب
خلود:يوه الباص جاء بدري وانا مالبست عباتي يوه اوف
لبست عباتها راحت لغرفة علي
خلود شغلت الليت:علي قوم احجز تذاكر وعسى نلقى رحله بعد
علي يغطي عيونه من شدة الضوء:طفي الليت يوه من باصك ازعجني هو وزموره روحي له ترا والله لو يروح
خلود تكمل:انك ماتوصلني (تروح تركض وتطلع من بيتهم المتواضع
سائق الباص بصوت عالي:سنه
خلود:ساكته وهي خايفه منه
عبدالله راح للجامعه لانه في قسم الهندسه اختبر واستانس لانه حل زين وهو ماقدر يذاكر من كثر التفكير بالزوار
عبدالله في الكوفي شوب يفكر حلو اليوم بتجي حبيتي والله لاشوفها يعني اشوفها ايه هو حلال بكره بتصير زوجتي
ياهوه وناسه ويبتسم
عبدالعزيز:اشوفك مبتسم شكلك حليت زين
عبدالله:ايو والله الحمدلله لا والي انت خابر بيجون اليوم
عبدالعزيز:مين اهل الرياض ههه
عبدالله يضحك:ايو والله الحمدلله
عبدالعزيز:عاد لاوصيك تكشخ وتضبط
عبدالله:ههه حلوه وانا بنيه علشان اتكشخ
عبدالعزيز:لاوصيك بالقز من ورا الباب ولا افتح الباب كانك ماتدري انهم فيه
عبدالله يرفع حاجب:اشوفك فاهم بهالسوالف
عبدالعزيز:اكيد انا مب سهل
في وقت الخروج من المدرسه الساعه1 مساء
خلود:هلا شتبين
ريم:خلاص عبدالله وطلقته بالثلاث علشانك (لعيون تكرم مدينه)
خلود:ايه زين ترا اليوم بسافر
ريم:بجد والله؟؟
خلود:ايو والله بسافر للشرقيه للدمام
ريم تغمز لها:لحبيب القلب
خلود مدت بوزها وتبتسم:انا اصلا غلطانه اني قلت لك
ريم:ههه ومن الحب ماقتل
ماجد يكلم علي ومايرد يدق مايرد لان علي حاطه على الصامت
ماجد:هين ياعلي والله لاعلمك منهو انا اجل انا مايرد على اوريك بس
علي حجز الرحله بعد نص ساعه على القطار
ترن
علي: الو هلا خلود خليك عند الباب وجهزي الاغراض بعد لان ماباقي شئ على الرحله
خلود:خلاص انا جاهزه
خلود تجهزت من بدري وتمكيجت مكايج حلو نعوم ولابسه العباءه الي علي منعها لاتلبسها واللثام
ركبت السياره
خلود:السلام
علي:هلا اوف من هالعباة ماغيرتيها
خلود:يووه ماعندي غيرها
علي:خلاص خلاص شغل اغاني
ماجد منجن لان علي ماعبره ومقهور لانه ماعطاه اي اهتمام
عبدالله مانام في العصر لانه ينتظر حبيبة القلب
ساره:غريبه مانمت
عبدالله:تدرين ان علي وخلود بيجون بعد شوي
ساره:والله!!!!!!1وناسه ليه ماقلتي قبل علشان اتجهز
عبدالله:اللحين الي بيمشون من الرياض بقطار
ساره:حلو خلني اتكشخ والله من زمان عن خلوده
عبدالله يتنهد:وحتى انا من زمان عنها
ساره ناظرت (وهي عند الباب:مين تقصد
عبدالله انتبه:اقصد علي علي ياحليله والله اني مشتاق له
يدق الجرس
عبدالله يفتح
مها:السلام عليكم
عبدالله من غير نفس:هلا هلا
مها:اخبارك عبدالله من زمان ماشفتك
عبدالله يناظر للشارع:جايه مع مين
مها:بالتاكسي
عبدالله تفاجئ:لحالك!!!!!!
مها:ايه الحالي؟ليه؟؟
عبدالله بيروح
مها:ليه انت ماتبيني اروح بتاكسي عادي ماروح
عبدالله:ايه نصيحتي لك لاتروحين اذا بغيتي شئ تعالي مع ابوك
مها:ابوي دايم مشغول وانت خابر ماعندي اخوان يوصلوني
عبدالله:اذا بغيتي شئ انا بالخدمه
مها بشغف:ايه ابي شئ
عبدالله:وشو!!
مها انتبهت:لا خلاص
عبدالله:قولي وانا في الخدمه
مها:ابي ساره لاني مشتاقه لها
عبدالله:تفضلي هي بغرفتها
في القطار علي يدور الرقم الي له ورقم اخته وبما انه تاخر ماحجز صار لهم مكانين مفترقات عن بعض
خلود تشوف وين رقم 27 تشوف ذاك هو وألي بجنبه فاضي بعد حلو
علي ارتسمت على شفاهه ابتسامه:ايه ذاك هو تعالي
خلود:الحمدلله
يجلسون
يجون اثنين شباب وهم اخر ناس ومعهم خواتهم جلسوا بجنب بعض خواتهم والشاب رقمه 28
راكان:حلو شف ذاك مكانك وهاذا مكاني الي بجنب البنت الفاتنه واو على عيونها اخ بس اسمع اقولك ياسعد ياويلك توافق
له يجلس اخته مكانك
سعد:ولا يهمك رح خذ مكانك بس ههه
راكان:لو سمحت هذا مكاني
علي:بس ياخوي مايصلح تجلس بجنب اختي
راكان:شف الكرت رقمي والحق حق
خلود تناظرهم خايفه
علي عصب:اي حق وخرابيط خذ رقمي ورح
راكان يكلم روحه الدعوه تحدي:اقولك ابعد عن مكاني
علي:واختي
راكان:خذها معك مو مسؤليتي
المسؤل في القطار:لو سمحتم التزموا الهدوؤ وكل واحد على مكانه
علي:بس كيف اختي بجنب رجال
المسؤل:ماراح ياكلها
علي جن من اسلوبه:طيب عادي اخليها تجلس بجنب المقعد الي هناك
المسؤل:اذا وافق الي بجنبها مع انه ممنوع بس بسمح لك بما انك معقد
علي تركه ومارد عليه راح للسعد:لو سمحت اختي هناك
سعد يسوي نفسه نايم:اوف شتقول انت
علي شاف حركاته واسلوبه البايخ وجلس وكلم خلود
ترن
علي:اذا كلمك لاتعطينه وجه زين
خلود:طيب
يجلس راكان بجنب خلود ويوزع ابتسامات وعلي مع انه بعيد الا انه يشوف زين ومقهور
راكان يناظر ويقول بقلبه الحمدلله ان خواتي بجنب بعض ويقعد يضحك على حركات علي
خلود خايفه
راكان:لو سمحتي ممكن كلينيكس
علي يناظر ومنجن
خلود تطلع من شنطتها وتعطيه
علي جن كان بيقوم لكنه ضغط على روحه حتى مايتفشل
علي:الو ووجع خلودوه
راكان يضحك عرف انه علي
خلود:وش فيك
علي:وش كان يقولك
خلود:كان يبي كلينيكس
علي:خلاص روحي لدورات المياه ولا تطلعين
خلود:ويع كيف بدورات المياه
علي:الي قلتلك سويه وانتي ساكته
أن شاء الله يعجبكم وابي تفاعل أكثر بنات

روعه
انتضر الجزء الجاي على احر من الجمر

وانتي اروع وراح انزل الجزء علشانك
وين الباقي ابي تفاعل
الجزء الرابع//
يروح للمطبخ ويناظر لكل مكان في البيت والبيت اغلب الغرف مظلمه لانهم قبل ساعات جايين من السفر
يروح للمطبخ ييفتش الادراج وكل مكان مالقاها فتش على كل البيت لكن من دون فائده
اها جت لراسي فكره ذكيه اسوي نفسي طالع من البيت وهي بعدها بتطلع واذبحها سوى نفسه طالع من البيت
وصكر(اغلق)الباب الحديدي بقوه
خلود وهي تلمس قلبها وهي تشاهق (تشهم) من البكاء الحمدلله طلع خلني اشوف علي وش سوى وتطلع بحذر وتمشي
على اطراف اصابعها من الخوف وتروح للمجلس الواسع تفتح الباب بشوي شوي تشوف اخوها الي قبل شوي ينافض
ويهتز من شدة الطعنات وتركض لخوها علي الي في بركه من الدماء الي كلما تزيد ويزيد اهدارها
خلود تبكي وبصوت هادئ وخفيف:علي قوم قوم لاتموت انا مالي احد بالدنيا غيرك قوم تكفى قوم
ويفتح الباب بقوه تلتفت خلود على ورا وتشوف ذوالشعر الطويل الاسمر المجرم الي ذبح اخوها
تقوم خلود وهي متأكده انه راح يذبحها وتناظر علي وتقرب لعلي كأنها تبيه يحميها مثل دايم وتحط اخوها على رجلها:علي قوم بيذبحني
علي شوفه انا خايفه قوم معه سكين بيضربني شوفه علي رجال هذا انا خايفه قوم لاتموت لاتموت
ماجد يقرب لها وبنظرات استغراب:انتي مين
خلود وهي خايفه وتبكي وبنظرات توسل:خلود
ماجد يبتسم وكأنه يبي يقنعها:لا انتي لينا لينا صح!!!!
خلود تبكي بقوه
ماجد برجاء:لينا لاتبكين ماراح اسوي لك شئ والله مأذيك وانتي تدرين اني احبك ومستحيل اذيك
خلود:لا انا أبي علي
ماجد:لا انتي تبيني زي دايم صح
خلود تبكي
ماجد يمد لها يده:تعالي
خلود ودموعها تنزل:لا انا ابي اخوي مابيك ماعرفك
ماجد:الا انا ماجد ماعرفتيني حتى قبل ماتموتين قلتي تحبيني
خلود تبكي وتناظر له وعرفة انه مو صاحي
ماجد:تعالي لاخطفك زي المره الي قبل
خلود:مابي اروح ابي اخوي
ماجد:اخوك مات تعالي معي نعيش انا وانتي وبس
ماجد قرب لها وقرب مسك يدها:قومي
خلود:لا مابيك ابي علي
ماجد:تعالي لاوالله اذبحك
خلود تشوف اخوها:وعلي خذه معنا
ماجد:علي لأ مابيه
وهو ماسك خلود تطيح خلود يغمى عليها
ماجد ونظراته تحولت من مجرم الى حنون:لينا قومي قومي حبيتي
ماجد شالها وحطها في السياره قدام علشان ماحد يشك او يسأل بذات لانه شاب وشكله يدعي للشك وبذات ان لبسه في قطرات
كثيره من الدماء
سعود كان نايم مدد يديه وتنثأب يالله من ذالبشه لو مارد بيعصب خلني ارد احسن بس الساعه كم يشوف الساعه 5 ونص الفجر
ماجد:الو هلا سعود انخاك والا انخى الذيب
سعود عرف انه مسوي بلوى:انخى الذيب ههه
ماجد بصوت عالي:اقولك بلا ضحك انا بمصيبه وانت قاعد تضحك
سعود جاد:وش فيك؟؟؟
ماجد:فيه واحد تمادى على وذبحته
سعود:حلو ذي
ماجد:اقولك ذبحته وانتهى شف له صرفه الله يخليك
سعود:لاحول انت وش فيك كيف ذبحته
ماجد:بسكين طعنته
سعود:وبصماتك فيه
مااجد:لا كنت لابس قفازات
سعود:اوف طيب ماكان عنده احد شافك احد
ماجد:اخته واخذتها لانها هي لينا
سعود:مين لينا؟؟؟
ماجد:حبيتي لينا ماعرفتها
سعود:كيف حبيتك ولينا ميته قدام عيونك
ماجد:الا هي لينا وباخذها وبنتزوج ونروح نسكن بجزر المالديف زين
سعود:طيب طيب بس ماقلت لي وين الي ذبحته وين البلوى الي بليتني فيها
ماجد:في بيتهم بحي.....وشارع ......ورقم..
سعود:طيب عيد الي قلت بكتب
ماجد وهو عند تقاطع الاشاره:لاحول خذ..............
سعود:ايه خلاص خلاص اشوف لك حل
ماجد:ايوالله تكفى
سعود:زين زين يالله مع السلامه
خلود تتحرك تشوف وهو مغطى وجهها وتقوم بسررعه:انا وين وانت مين
ماجد يهديها:لاتخافين حبيتي انا ماجد
خلود برجاء وتوسل:طيب نزلني
ماجد:مايصير حبيتي انا نزلتك المره الي قبل وندمت طول عمري
خلود:وين بتاخذني
ماجد:لنفس المكان الي عشت فيه انا وانتي وصديقي حاتم
خلود:لا انا خايفه
ماجد:لينا انا اشتقت لك لاتتركيني حياتي من غيرك صعبه ممله وبطئ الوقت بدونك
خلود:انا مو لينا انا خلود
ماجد عصب:لا انتي لينا وغصبن عليك لينا وياويلك تقولين انك خلود اذبحك
خلود تبكي:طيب بجلس ورا
ماجد:طول عمرك تبين تجلسين بجنبي وش الي غيرك حتى كنتي تحبين ذي الاغنيه ويغني
خلك بجنبي لاتخليني
مشتاق قربك يانظر عيني
يفداك عمري باقي سنين
خلود تبكي بزياده
ماجد:لا لاتبكين صوتي ماعجبك والا شكلي ماعجبك ايه اكيد شكلي لاني من بعد فراقك ماهتميت بروحي ياقلبي
خلود:وين بتاخذني علي وش سويت له
ماجد:علي عنده الشرطه اللحين
خلود:هو مات ولا عاييش
ماجد:هو مات
خلود؟:طيب ليه موته؟؟؟
ماجد:قال لي حيوان وغبي وكلب وماتبيني اذبحه
خلود:حرام عليك انا مالي احد موتني معه خلني اروح له ابوي وامي ماتوا وعلي ذبحته ليه؟؟
ماجد:انا اسف حبيتي لو كنت ادري انه اخوك والله ماذبحه
خلود:طيب اذبحني
ماجد:اكيد انتي مجنونه انا ماصدقت اشوفك تبيني اذبحك
سعود يشوف علي وباينه الطعنات عليه ولازم تحقيق والعمليه مطوله فكر وش اسوي وش اسوي لازم اخفي هاذي الجريمه
بس كيف كيف لو ماتصرفت كان فضحني ماجد وخلاهم يحكمون على بالاعدام من كثر جرايمي معه وتعاوني له
احرقه ولا احط في سياره وارميه من مكان مرتفع لا ايه ايه
ايه مالي الا اقول انتحار هو ذبح روحه والسكين احطها بيده وازيد الطعنات علشان يطبع الدم فكره مش بطاله وحلوه بعد
اخذ له قطعة بلاستيك علشان يربط فيها يده وماتبين البصمات واخذ سكين وزاد الطعنات وخلاه انتحار وترك الجثه
حتى يتم البلاغ علشان مايشكون فيه اه اه اه تذكرت بس كيف اخته بيسألون عنها وش نقول ايه لازم اكلم ذا المجرم
سعود:هلا ماجد
ماجد:ياهلا وش سويت
سعود:اسمع طعنته زياده وخليته كانه هو المنتحر شرياك
ماجد:كيف طعنته؟؟
سعود:خليته ماسك السكين واثبت الطعنه علشان يعرفون انه انتحار
ماجد:حلو بسس عساك لابس قفازات
سعود:ايه لابس بس قلي اخته وش نسوي فيها اكيد بيسألون عنها
ماجد:ايه ابجيب ملاك ويزوجنياها ونقول تزوجنا
خلود تسمع وهي عارفه كل شئ بس الي ماتعرفه هو مصيرها
سعود:اجل زور بالتاريخ خلها قبل امس ملكت عليها
ماجد:لا بخليها امس علشانهم كانوا قبل امس مسافرين واهلهم بيكتشوف ويفضحونا
سعود:خلاص سو الي تبي بس بسرعه
ماجد:ولا يهمك
سعود: والله انه احسن مني كل شئ يعرفه بجد الافلام جابت نتيجه
في مزرعه بعيده عن الناس مزرعه روعه وطبيعه خلابه
تسمع اصوات العصافيير والحيوانات حولك من ماعز وخروف وبقر وخيول
المزرعه مخضره وامامها الكثير من رشاشات المياه التي تسقى لها وتروي عطشها
والعديد من النخل المثمر بتماره والعديد من الاشجار المليئه بانواع من الفواكه
من رمان وتين ويوسفندي مزرعه بجد قمه خياليه بذات على هالفجر
ماقول الا واو هاذي مزرعة ماجد وفيها منزل صغير فيه غرفتين وصاله
ومطبخ والبيت طرازه قديم وملئ بالغبار لعدم زيارة ماجد له لانه يشوف احوال الزراعه
ويرجع بيومها فيها عاملين هنود في المزرعه خلود تناظر كأنها في جنه لان عمرها ماشافت
مناظر زي كذا وطبيعه ساحره لكنها ميته خوف ورعب وشوق
لاخوها الي ماتدري شحاله
ماجد وهو يسوق:شوفي لينا حبيتي هاذا المكان الي كنا نجلس فيه وهذا المكان الي قلتي
انك مشتاقه لاهلك ووتمنين انك تشوفينهم وهذا المكان عند الشجره ذي اعترفتي لي بحبك
خلود تناظره وهي ساكته
ماجد وقف السياره:انزلي حياتي ولا عادي انا اشيلك
خلود نزلت بسرعه خافت انه يشيلها
ماجد راح لها ومسك يدها
خلود بعدت يدها بسرعه
ماجد مسك يدها بافتراس:وش فيك انتي قلت لك والله ماكلك
خلود:طيب نزل يدك
ماجد ياخذها:شوفي حبيتي ذي كانت غرفتك وذي كانت غرفتي انا وحاتم وهذا المطبخ ذكرتيه وهاذي الطاوله الخشبيه الي كنتي تحبينها
خلود تناظر وهي ساكته
مااجد:تصدقين حبيتي من اول ماتركتيني والله مادخلت ذا البيت يالله لي سنتين وكان عمري 24 تركتيني واللحين26 سنه رجعتي
وانشالله الله مايخذك مني مره ثانيه
عبدالله يدق على علي مايرد جن استغرب
عبدالله:يوه شكلها رفضتني الا انا متأكد والدليل انها ماكانت ترد على لا لانها خجوله ماترد لا هي اكيد تبيني
مستحيل تفكر بأحد غيري
ابو مها:قلب ابوها وش فيها حزينه وسرحانه
مها:لا مافيني شئ
ابو مها:طيب تأخرتي يابابا عن المدرسه
مها:اوف يابابا انا مليت من المدرسه
ابومها:طيب انا عندي مفاجئه لك
مها:قول تراي من زمان مافرحت
ابو مها:انا حجزت لي انا وانتي وامك سفره لفنزيولا تشوفين الشلالات والعالم وصديقاتك الي هناك
مها طارت فرح:والله تقوم وتبوس ابوها مشككور ياحلى بابا في الدنيا
ابو مها مدلع بنته لآآآآآآآخر حد ولا يعرف يقول لها لا للدرجة انها تعرفت على بنات وشباب في دول غير عربيه ومارفض ابوها
ولا زعل يمكن لان يحس ان بنته الى الان طفله مع ان الواحد مفروض يحرص على بناته بذا العمر علشان مايضيعون
مها تعرفت على بنات خليجيات وعربيات في اوروبا وفيه وحده منهم حركاتها بالمره مسترجله وهي قدوة مها لانها كانت صديقتها
المقربه لها وصارت مها تقلدها في حركاتها تدرون ليه توقعت انها بتجذب عبدالله لها!! الغبيه ماتدري انه بعد عنها بزياده من ذي الحركات
لان تشوف ذي الحركات في اوربا جذابه(((((((الله لايبلانا
مها تكلم روحها يالله ان لولا ابوي وأمي كان انا وش ولا شئ الحمدلله يارب انك رزقتني بأهل يحققون لي كل الي أبيه
ام اليوم ابي اروح لخالتي واشوف ذا الي مو راضي يحس فيني
ام مها:مها حبيتي ليه ماتروحين للمدرسه انتي بالثانويه العامه لازم تهتمين لروحك وتجيبين نسبه حلوه
مها من غير نفس:اوه يماما ماابي اروح للمدرسه اليوم انا متضايقه كثير
ام مها:مايصير اليوم السبت ليه ماتروحين لانها قربت الامتحانات
مها:يوم مايضر ابغيب وتراي بروح لخالتي الليله
ام مها جاده:مها اثقلي كل يوم والثاني رايحه لهم بجد انك بايعه روحك
مها تقوم واقفه:انا بايعه روحي
ام مها بحزم:ايه كل يوم والثاني ملصقه نفسك عندهم اثقلي علشان يفكر فيك
مها تعصب من كلام امها الجارح وتطلع فوق وهي تتكلم:الشرهه مو عليك الشرهه على الي يحكيلك عن الي بقلبي قالت ايش
قالت للصقه انا مو للصقه فاهمه شلون وبأخذ عبدالله غصبن عليكم كلكم وهي تناظر ابوها وامها
ابوها يناظر لها
تختفي مها لانها راحتت لغرفتها وهبط السكون والهددؤ على المكان
ابو مها منفجع:مسحوره اكيد ساحرينها
ام مها:لا والله مراهقه شافت ولد خالتها ولانه حلو حبته بجد مو صاحيه ذي البنت
مها ترمي روحها على السرير وتبكي بقوه ليه انا اتعذب ليه مو خلود ذي القرده تتعذب. ليه؟ يكرهني ويحب الطرمه
خلود وش ميزاتها عني انا احلى منها بس لان شعرها طويل بس علشان كذا حبها لا انا اليوم لازم انهي المسأله
واعترف له بحبي وبلا واسطات من امي وامي لازم( تقوم وتمسح دموعها تروح للتسريحه تمشط شعرها القصير وتحط
روج وكحل وتنزل تبي تراضي اهلها((((لانها ماتتحمل زعلهم
ابو مها وام مها في الصاله ام مها معها كاس حليب وابو مها جالس رجل على رجل وقاعد يقرا جريده وبما ان الجريده
مغطيه وجهه ماشاف مها
مها منزله راسه تبوس راس امها:ماما انا اسفه صدقيني لان مقهوره
تروح لابوها:انا اسفه يابابا ماكان قصدي بس لاني كنت مقهوره
ابومها:طيب تعالي اجلسي عندي
مها تجلس
ابو مها:وش معنى عبدالله تحبينه قلوا الرجال
مها:بس مابي الا هو
ابومها:بس هو مايبيك
مها تبكي:الا يبيني
ابو مها يضم بنته:خلاص حبيبي بتغيرين جو في فنزيلا كم يوم زين
مها:شكرا بابا
ام مها متقطع قلبها على بنتها العاشقه المتعذبه
عبدالله يدق على علي مايرد
عبدالله:اوف شكلهم رفضوني خلاص ماراح ادق عليهم
في المزرعه الساحره فله صغيره وخلود جالسه على حصاه كبير بيضا(اسمها بلكه
خلود جالسه وهي متغطيه بأحكام في عباتها
ماجد وهو جاي ومعه سلة فواكه:لينا اكشفي شفيك متغطيه
خلود:لا
ماجد يقرب لها ويقرب ويسحب الغطوه بقوه منها ويرميها بعيد عنها
خلود تناظر له بدهشه وخوف ورعب وتاخذ عباتها وتتغطى فيها
ماجد عصب وبصوت عالي:انتي ماتسمعين ماتتغطين
خلود خاافت ذابت من الخوف واستعدت للبكاء
ماجد اخذ العباه ورماها بعيد وصارت العباءه كتله من الغبار لانه رماها بعيد عن الزرع
ماجد وهو يشوفها تبكي:لاتبكين حبيتي (يقرب يبي يمسح دموعها
خلود تقوم مفزوعه وبصوت كله صياح:ابعد عني
ماجد بصوت هادئ وكأنه ندم ويأشر لها بالهدؤ:خلاص خلاص انا بروح علشان اسوي لك غداء بس كولي الفاكهه ذي تراك
ماكلتي شئ من امس
راج عامل في المزرعه
ماجد يكلم:هلا راج
راج:هلا بابا كيف حال انتا
ماجد:الحمدلله اسمع انا في البيت بالمزرعه جيب خروف زين عندي
راج:انا اذبح ولا انتا
ماجد:انا بس جيبه اللحين بسرعه
خلود تناظر له وهي خايفه وحاطه يدها بفمها
ماجد يناظر لها وهو طاير فرح
راج ياخذ له خروف بسرعه علشان مايزعل ماجد لان الكل يخافه ويهابه
راج في الهايلوكس القديمه وفي الصندوق خروف دبدوب شوي
خلود:جاء رجال ابي العباه
ماجد:خلاص تتغطين عنه بس انا لأ والا والله لاحرقها
خلود تهز راسها بالايجاب
ماجد ياخذ عباتها وخلود تلتقطها بسرعه وتتغطى فيها
راج وهو يشوف الحرمه الي كنها عجوز من طريقة تغطيها لانها لافه العباه كلها حولها:مبروك انتا تزوجت
ماجد وهو يناظر لها مبتسم:ايه تزوجت بس اسمع فيه رجال بعد شوي يجي له لحيه طويله ابيك على طول تجيبه هنا وين
راج:زين
ماجد:خلاص روح
راج:اوكي بابا (ويروح
ماجد يناظر خلود:لينا تراه راح اكشفي
خلود تكشف:انا اسمي خلوود
ماجد ضرب راسه:ايه خلاص لانسى اقوله (يقصد الملاك
خلود تناظر متعجبه
ماجد يمسك الخروف والخروف يرافس وخلود تناظره وهي منجنه تبي تنحاش بس ماتدري كيف
ماجد ربط الخروف واخ السكين الحاده الي بالمطبخ ومعها المحد الي يخلي السكين جدا حاده
ماجد قام من مكانه وراح للخروف والخروف يحاول ينقذ روحه ويطلع صوته ما ما
خلود قامت واقفه وهي حاطه يدها على فمها من الرعب وتناظر
ماجد ذبحه على رقبته والدم ينزل ويرافس الخروف وهو طايح
خلود صارخت بقوه:لا حرام يغمى عليها لان شكل الخروف كسر خاطرها الحساسه المسكينه
ماجد ناظر لها وراح لها بسرعه يرش عليها مويا ويضرب خدها برفق الى قامت
ماجد:وش فيك لينا ليه تصارخين انا مو خابرك حساسه للدرجه ذي انتي كنتي تذبحينه
معي وتساعديني عليه لا خليك قوويه زي دايم
خلود جلست وهي تبكي تبكي منهاره
ماجد:لاحبيتي لاتبكين شفيك
خلود:ابي علي اخوي حرام عليك
ماجد:ليه تبينه؟؟
خلود:انا خايفه خايفه كثير
ماجد:لاتخافين انا معك
خلود وهي تناظر له ببرائه وعيونها كلها دموع:لانك معي انا خايفه
ماجد ابتسم:لاتخافين ماراح ااذيك انا بذبح الي يقرب منك لاتخافين قلبي قومي معي((يقومها
تقوم ويوديها للغرفه نوم
ماجد:نامي هنا وارتاحي لان مانمتي من امس صدق الغرفه مغبره لكن مشئ حالك
خلود:طيب لاتجي وانا نايمه
ماجد:ليه؟؟
خلود:ماحب احد يجيني وانا نايمه
ماجد:خلاص ولا يهمك ولا راح ازعجك
راح ماجد واغلق الباب
خلود تناظر للغرفه كانت صغيره بس فيها دبدوب كبير وبما ان خلود تحب الدبدوب راحت له ومسكت الدبدوب الابيض الكبير
المغطى بكيس نايلون شفاف لمنع وصوله للغبار فتح الكيس وشافت الدبدوب ويلفت نظرها صوره مطبوعه بظهر الدبدوب الابيض
صورة واحد وسيم يشبه ماجد كثير ووحده نسخه من خلود تناظر خلود تفتح فمها هاذي انا زيي بالضبط داخت
خلود وحست انها بتطيح من هول الصدمه تماسكت وراحت للمرايا تشوف الصوره وتشوف شكلها نفس الخشم الفم الحواجب
لون الشعر وطول شعرها
خلود:لا هاذي انا كيف شلون

اسفه نزلت الرابع قبل هذا الثالث

الجزء الثالث//
راحت خلود في قسم دورات المياه وكانت واقفه وطفشت يوه انا بأي مكان لازم تصير لي مشكله
اوف (تبتسم)بس لعيونك ياعبود تكرم مدينه
ترن
خلود بملل:الو
ريم:ههه هذا وانتي رايحه للحبيب صوتك كذا كيف اذا بتجين
خلود:اوف ريم تراي مو رايقه لك
ريم:وش فيك خلوده
خلود:اسمي خلود
ريم:والله مبروك تو مادرينا (بجديه) اقولك بجد شفيك طفشانه اكيد عطاك علي كم تهزيئه ههه صح
خلود:ياليت
ريم:اجل ضربك قدام العالم
خلود تتنهد:ياليت
ريم:اجل وش بجد حيرتيني
خلود:حشرني بدورات المياه وقالي ياويلك تطلعين
ريم تنفجر بالضحك:ههه عاش الانتقام بس ليه
خلود:انا اقولك ليه
ماجد:هلا جيت
سعود ضابط كبير ويحب ماجد كثير ويعتبره مثل اخوه ويدافع عنه دايم اذا عمل جرائم عمره35 سنه:ياهلا ماعليش طولت عليك صح
ماجد:لا عادي اجلس ابجيب لك قهوه
سعود:غريب ماعندك خادمه ولا طباخ
ماجد:الحمدلله انا اسوي كل شئ بروحي ومو محتاج لأحد
سعود:دام كذا زين
ماجد:قهوه عربيه ولا تركيه
سعود:مابي عربيه ابي سعوديه وبمسمار بعد
ماجد:ولا يهمك احط لك الي تبيه بس مسمار غريب على بس نجربه ليه لا
سعود وهو يشوف اشرطة الفيديو:رعب صح ولا اجرام كالعاده
ماجد:كلهم الاثنين اجرام ورعب وناسه
سعود:غير طبعك شوي مايصلح الي تشوفه
ماجد بملل:عن اذنك ابسوي لك قهوه
سعود:مأقول الا الله يهديه
يركب المويا على النار وبعده يحط قهوه ويحط الهيل ومعه مجموعة مسامير حديد (بجد خبال
ماجد:وهاذي احلى قهوه لاحلى سعود (يصب في الفناجيل الكبار الي متكسره طوارفها يصب وينزل مسمار مسمارين ثلاث
سعود يناظر فاتح فمه:انت مجنون وش حاط فيه
ماجد:اشرب وانت ساكت
سعود ياخذ الفنجال ويمسك بيده قطعة الحديد ويناظر:انت حاط لي مسامير
ماجد:ايه انت قلت لي
سعود انفجر ضحك على غباءه:ههه وش صار لك انت دايم ذكي وهالمره سبهه اقولك مسمار نوع من انواع بهارات
القهوه وانت تجيب مسامير حديد
سعود:اوف وانا شدراني تبي اي شئ ذاك المطبخ
راكان يروح للعلي
راكان:تبيني اجلس مكانك
علي وهو يشرب زجائره وينفخ الدخان عليه:وش الي غير رأيك خاابرك معاند
راكان:اسمع تراي متعاطف مع اختك لان لها ساعتين في دورات المياه
علي يقاطعه:وبصفتك وش علشان تتعاطف
راكان:اوف الشرهه مو عليك الشرهه علي الي متنازل عن
علي يقاطعه:على الي متنازل عن العرش ياهوه اقولك انقلع لمكانك واجلس الحالك مثل الكلب
راكان ابتسم بمصخره:معليش عادي عادي (ويروح لنفس الطريق الي راحت له خلود
علي يشوف وهو خايف على اخته ترن
علي:هلا خلود فيه شئ
خلود:اوف اختنقت حرام عليك بجد بنجن
علي:معليش كلها نص ساعه
خلود:ابموت لي 3 ساعات بالحمام والله بنجن هاذي اول مره تصير
علي:عاد شسويلك
خلود:والله ماعلى منك ابطلع والله مليت
علي استسلم:خلاص يالله اطلعي
خلود طلعت وراحت مقعدها
راكان جاء ناظر شاف خلود استغرب وحاب يقهر علي:السلام عليكم
خلود ساكته
راكان:السلام سنه ورده واجب
خلود ساكته
علي يناظر ويقوم يروح له بسرعه وهو معصب:انت ماتستحي على وجهك
راكان خاف من علي:ماقلت شئ بس سلمت
علي:الله لايسلمك
المسؤل:لو سمحتوا هدؤ وانت تراك سببت لنا ازعاج
علي:انا هو السبب لايكلم اختي ولا والله لأذبحك
راكان سكت راح المسؤل وعلي
خلود جنت انرعبت من الخوف وتبكي بهدؤ وبصوت هادئ بس مسموع
راكان حزن عليها وقرر انه يسكت
وصلوا للشرقيه طوط ويطلق القطار الزامور المرعب عالي الصوت الي كانه صفارة إنذار
علي على طول يروح لاخته المسكينه الخوافه اخذها وراحوا
راكان:انا اسف
علي ناظره باستحقار وراح
سعد:او ماي قود انت تعتذر لامستحيل
راكان:مسكينه هالبنت لها نص ساعه تبكي والله قطعت قلبي وبيني وبينك الاعتذار مو له لاخته
سعد يغمز له:ليه ناوي عليها
راكان:والله ياعليها عيون بجد عيون مسكته بنت اللذين ههه
سعد:ايه قل كذا من البدايه انا مو خابرك صاحب مشاعر واحساس
خلود تناظر الا هو لايارب مابي اشوفه هو ياه كيف مستحيه مابي اشوفه
علي:شوفي عبدالله
خلود:مابي اروح معكم مستحيه ابموت
علي:لو ان فيك ذرة خجل كان مالبستي هاللثام
خلود:يوه بدينا بالمحاظرات فشيله والله ماروح(توقف
عبدالله قرب لهم علي راح سلم
عبدالله:ياهلا والله نورتوا الشرقيه
علي:منوره بأهلها
عبدالله:وين الاهل
علي:ورا تشوفها بعيده ماتبي تروح معك
عبدالله:افا ليه!!!!!!
علي:مستحيه تعرف بنات يخجلون بسرعه
عبدالله استانس ايه ذي البنت مو راعية التكاسي ذيك مالت عليها:اقولك خذ اختك وجيبها انا بالسياره
علي:خلاص
عبدالله يركب السياره
علي:تعالي يالخبله عبدالله هو الي بيرجعنا مو تاكسي
خلود:لا استحي
علي:ولله لاكسر راسك امشي بس
خلود تمشي واعضامها ماتشيلها من الخجل يارب عطني قوه من عندك يارب انا طول عمري انتظر اليوم الي اشوف فيه
عبدالله واللحين انا خايفه:علي قربت للسياره
علي:ههه اقولك اركبي وانتي ساكته
خلود بتفتح الباب
علي:ولا مايحتاج وانتي ساكته لانك بتكونين طرمه في السياره ههه
خلود تركب
عبدالله:اخبارك ياخلود شلونك
خلود:ساكته
عبدالله:سلامتك فيك شئ
علي:خلود ردي عليه ووجع بلا سخافه
خلود بصوتها الناعم الهادئ:انا طيبه
عبدالله:الحمدلله على السلامه(قصده لانها اللحين الي ردت
علي فهم قصده
خلود صارت غبيه بعد ماشافته:الله يسلمك
عبدالله وعلي ههه
خلود ساكته ومستغربه منهم
عبدالله مستانس لان خلود عنده وبنفس المكان الي هو فيه
علي:اخبار اختبارك اليوم
عبدالله:الحمدلله فكه خلصت اخر اختبار وزين
علي:الحمدلله
عبدالله:واخبار الشركه
علي:يوه نسيت لاكلم صاحب الشركه يوه بيذبحني
عبدالله:ليه
علي:لاني بالقطار شفت مكالماته ولاكنت فاضي لاني منجن الله يجننهم يارب
عبدالله:مين؟؟؟
ام مها:مها قومي كافي نوم
مها:نعم يماه فيه شئ
ام مها:ايه عند خالتك عزيمه
مها قامت بسرعه:لمين
ام مها:لان ولد عمة ساره وبنت عمتها جايين
مها:يوه اجل ماراح اروح
ام مها:يقولون ان هالبنت ذي حاط عبدالله عينه عليها وبيخطبها(الكلام هذا من راس ام مها علشان تروح مها
مها:فال الله ولا فالك والله لاشوها في موية نار لو يفكر فيها بس تفكير لذبحها
ام مها:قومي يالمجرمه بس وتكشخي ابيك تطلعين احلى منها
مها بيأس:لو بصير احلى منها ماراح يفكر فيني ذالمغرور عبدالله
ام مها:طيب دامه مغرور طنشيه
مها:ياليت بس مو بيدي والله لو بيدي لأحول حبي له كره وحقد بس والله مو بيدي
عبدالله:بأي صف ياخلود
خلود:ثاني ثانوي
عبدالله:ادبي ولا علمي
خلود:علمي
عبدالله:كم نسبتك النصف الاول
خلوود ساكته
عبدالله:معليش مو قصدي احرجك خلاص سحبت كلمتي
علي:عندك شاحن
عبدالله:ايه
علي:اجل ابشحنها لانه قضى شاحنها
عبدالله:مين؟؟
علي:خلود الي تقول كلمه وتستحي لاتكمل
عبدالله:عاد اسكت بس ترا مارضى على بنت عمتي
علي:نسبتها ياطويل العمر98% لا وزياده بعد لكن هي مشكلتها خجوله يعني اعذرها
عبدالله:ماشالله انا لي بنت عمه متفوقه
خلود ساكته
علي:خلود تكلمي عادي شفيك انتي بجد ممله البنات يكلمون ناس مايعرفونهم وانتي ماتردين على الي يكلمك
تصدق ياعبدالله مره في السوق عطت واحد الحساب من غير ماتساله عن قيمة الفستان
عبدالله:ههه احسن كذا البنات
علي:المشكله انه اخذ زياده ميه وخمسين ريال
عبدالله:ههه والله صفه حلوه ومميزه
خلود وجهها طماط من خليط الخجل والحياء والاحراج
عبدالله:وهذا بيتنا
علي:انزلي ياخلود ههه
خلود تنزل ورجولها ترتجف
عبدالله:روحي من ذا الباب لانه قسم الحريم
خلود منزله عيونها وتمشي وتمشي درجه 2 3 تطيح واو يالفشيله خلني اقوم مو احد يشوفني تناظر ورا تشوف عبدالله يناظرلها
عبدالله ماقدر يمسك الضحك ودخل قسم الرجال علشان مايحرجها بزياده
خلود تبكي من الفشيلله تمسح دموعها بسرعه ايه الحمدلله ان الكحل ضد الماء والدموع ولا كان رحت في ستين داهيه
ساره:ياهلا في خلود تفضلي حياك
خلود بصوت مرتبك:هلا شلونك حبيتي
ساره:الحمدلله انتي شلونك
خلود:الحمدلله انا زينه
ام عبدالله:ياهلا اسفرت وانورت
خلود تسلم:شلونك خالتي
ام عبدالله:الحمدلله بخير وانتي شلونك مابغينا نشوفك
خلود تكتفي بابتسامه
ساره:هاتي عباتك
خلود:لا عادي انا اطرقها بس ممكن اعدل مكياجي
ساره:ممكن ونص قومي
تروح للغرفة ساره الغرفة الواسعه الفاخره المزينه بأفخم الاثاث تروح للمرايا الي في كل ركن تشوف روحها تزيد الكحل
والشدو وتضع القلاس وتمشط خصلات شعرها الطويل والكثيف
ساره تصفر:ايه الحلاوه دي
خلود تبتسم وتنزل راسها:تسلمين يالغاليه
ساره:واو بجد انا عمري ماشفت وحده خجوله مثلك وش فيه وجهك يطلع ضوء مثل الاشاره ههه
خلود تضحك مجامله:ههه وانتي ماخليتي طوالة اللسان ياساره خلاص انتي كبرتي
ساره:ايوه ايوه ياجدتي ههه
خلود ترفع حواجبها وتبستم:اقولك اعقلي
ساره تناظر لخلود:وش ذا المكياج
خلود بكل ثقه:ثقيل صح
ساره:ههه بجد مجنونه اليوم فيه حفله كبيره وانتي ماحطيتي شئ هذا تسمينه مكياج
خلود:حرام عليك واثقل من كذا بعد
ساره وهي تاخذ كريم الاساس:اقولك اجلسي انتي ماحطيتي مكياج من الاصل اصحي وتعلمي المكياج الصح
خلود:ماحبي اكثر المكياج
ساره:بس هاذي الموضه
خلود:وانتي تتبعين الفوضى
ساره:ههه حلوه الفوضى اقولك بعد شوي بوريك بنت خالتي شوفي مكياجها يجنن راعية مكياج ولبس صح
خلود:ماشالله عليها وش اسمها
ساره وهي تشوف شعر خلود الجذاب:اسمها مها بس قصير شعرها بالمره ماشالله عليك شعرك يهبل ولا شعر
زينب العسكري
خلود:ههه علي امس قالي ان شعري زيها
ساره:لا وانتي احلى بعد واخبار علي معك
خلود تغمز لها:ليه حاطه عينك عليه
ساره:اما عاد خلصوا الرجاجيل ماحط عيني الا على المقرود اخوك
خلود:ههه انا بصراحه اموت واعرف ليه انتم آخذين مواقف من بعض
ساره تمد لسانها:مالك دخل
خلود:اجل امري لله
ساره:غمضي عيونك ابسوي لك ظل(شدو) اخلي عيونك جذابه
خلود:خففيه
ساره:لا واسكتي بعد
ام ساره تفتح الباب:وش يسوون الامورات
خلود:تعالي اجلسي خالتي معنا انا مشتاقه لك
ام ساره:تشتاق لك العافيه
خلود:خالي ماشفته وينه
ام ساره:شوي ويجي
يفتح الباب خالها:وين خلوده
خلود:هلا خالي (تسلم) اخبارك شلونك
مها تكشخت لاخر كشخه لبست بنطول جينز وعليه تطريز بالوردي والبدي (بلوزه قصدي ربع بلوزه)ومكياجها صارخ
شعرها نفس الستايل لانه مايسوى فيه تسريحه وبجد روعه
خلود كان لبسها كشخه ساره عطتها اياه لانه مو مقاسها
خلود:لا فشيله عاري
ساره:هاذي الموضه يانانسي عجرم
خلود:انا ماشبه نانسي
ساره:ايه انتي احلى بس هاذا الفستان نفس لبسها بأغنية(انت إيه) ذكرتيه
خلود:ماسمع اغاني كثير ولا احب نانسي
ساره:تعالي بسوي لك تسريحه مثل نانسي
خلود:مابي
ساره تروح لها:وغصبن تعالي
خلود بجد طالعه قمه روعه
ام عبدالله:بنات تعالوا انزلو بسرعه
ساره تنزل ومعها خلود بس خلود حريصه اخذه طرحتها معها علشان اذا طلع عبدالله مايشوفها
(بجد الحياء شعبه من الايمان بس مين يسمع)
سلمت خلود عليهم جلست بجنب ساره
ساره تعرفها عليهم بصوت واطي تشوفين ذيك هي خالتي ام مها ماعندها الا هالبنت تشوفين مها
خلود وهي تشرب قهوه:ايه اشوفها الي قصير شعرها
ساره:ايه ذيك تموت في عبدالله
خلود غصت كح كح كح
ام ساره:بسم الله عليك شفيك ياخلوده و(وتعطيها مويا
مها وهي حاطه رجل على رجل تبتسم تتكلم بقلبها (عساها للموت اللعينه اجل عبود حاط عينه عليها هي صحيح حلوه لكن انا احلى منها
الف مره
ساره:وش فيك
خلود:لا ولا شئ بس وش كنا نتكلم فيه(تبي تعرف اكثر
ساره:كنا نتكلم والله نسيت
خلود تحاول تذكرها:ايه عن مها
ساره:ايه ملصقه روحها بعبدالله
خلود تسوي نفسها لامباله وببرود:وعبدالله وش شعوره لها
ساره تبتسم:مايواطنها بعيشة الله
خلود ارتاحت:بس ليه
ساره:لانه يحس انها مسترجله بس والله انها طيبه وكاسره خاطري
خلود انقهرت
ام مها:اخبارك ياخلود
خلود:الحمدلله انا زينه
عبدالله بيجي يجيب صحن العشاء:ياولد احم احم
خلود قاممت بسرعه مرتبكه وهي معها طرحتها:وين اروح
ساره:تعالي لغرفتي بسرعه انتظر ياعبدالله
يروحون بسرعه
عبدالله وهو بيروح للمطبخ
ام مها:ياحليلها خجوله هذا ومعها غطوه ههه
مها مغطيه روحها في مخدة صغيره الي للكنب ولبسها طالع كله
عبدالله وهو في المطبخ:ياحليلك ياخلود ويلموني اذا حبيتك
مها تبعد المخده الصغيره ايه فرصه اطلع يمكن اصادفه واعجبه شوي:عن اذنكم ابروح للبنات فوق
ام عبدالله:بس عبدالله في المطبخ احتمال يطلع بوجهك
مها:لا انا بطلع بسرعه مايمديه
تروح وهي تمشي شوي شوي ويطلع لها عبدالله ويشوفها ينقهر:خلاص امشي
مها تسوي نفسها خجوله:يالله وين غطوتي يوه نسيتها
وتطلع لفوق عبدالله يكلم روحه بجد ماتستحي هي حلوه لكن الي خربها وسع وجهها(يعني عدم خجلها
مها تروح لهم:السلام
خلود وساره"وعليكم السلام
مها تبي تقهر خلود:يالله وش ذي الصدف نفس فستانك ياساره الي خرب وماطلع مقاسك لانك اضعف الا هو شوفي يوم ينكب عليه البيبسي
خلود:الاهو نفسه
مها:اها
خلود تناظر لها بحقد ايه هي حلوه لكن مو معناته ان عبدالله لازم يتزوجها
ساره تبي تبرر موقف خلود:انا اهديته لها
في الخميس
ام عبدالله:وش رايك يابوعبدالله في خلود
ابو عبدالله:قصدك لعبدالله بصراحه هي عاجبتني ومافيه احسن منها
ام عبدالله:اجل بنادي عبدالله واسأله تكلم عبدالله تعال لغرفتي اللحين
عبدالله فتح الغرفه:السلام
ام وابو عبدالله:وعليكم السلام
ام عبدالله:اقولك لقيت لك عروس وانت شاور اخوها
عبدالله بشغف:مين؟؟
ابوعبدالله:خلود
عبدالله ابتسم:خلاص عاجبني اختياركم وبطلبها من علي ويسلم على امه وابوه وهو طاير من الفرح
بعد يومين صباح الجمعه
في الصباح
علي:ياخي ماله داعي نروح للبحر بجد مليته مو قبل شوي انا وياك جايين منه
عبدالله:الا بس البنات يبون يروحون له
علي:دام كذا عادي
يطلعون الكل للبحر في السياره ومعهم مها لانها هي الي عازمه روحها
ساره:هلا علي شلونك اخبارك انا اخر من ضربتك ههاهاهاه
علي ينفجر ضحك:ههه الى الان ماخليتي شقاوتك اوريك بس ارسلك الضرب عن طريق خلود
ساره:اذا عن طريق خلود ابصفقها لك عن طريق الاحراجات بس
خلود ساكته
عبدالله:الا خلود عاد
خلود انهبلت واستغربت منه لكنها ابتسمت
ساره:ووش معنى خلود
عبدالله:لان مافيه احد يدافع عنها قلت انا الي ادافع
وصلوا للبحر وكانت بالانتظار مها
علي:شف بنت الحالها على هالصبح شرايك نخطفها ههه
عبدالله:احترم نفسك هاذي بنت خالتي
انقهرت خلود من دفاعه لها
علي:وكيف جت ماشوف سياره جايه مشي
ساره:لا جت في التاكسي كالعاده
علي يضحك
عبدالله:وش الي يضحك
علي:اتخيل خلود تجي مع تاكسي ههه والله لو بتموت ماتركبه
عبدالله ابتسم:ايه احسن كذا البنات الي يعجبوني
علي:احم احم احترم نفسك لاكسر راسك
عبدالله انحرج:اقول خلوننا ننزل
خلود مبسوطه من اخر كلام عبدالله
عبدالله:عالانش يالله بنركبه تراي حاجزه قبل شوي
مها بمياعه:عبدالله شلونك
عبدالله:الحمدلله اخبارك انتي
مها/: احوالي انشالله بتسرك
عبدالله:اركبو اللانش يالله ويركب
علي استحى من مظهر مها لانها بجد اغراء
ركبوا اللانش
خلود:مابي اركب
ساره:ليه
خلود:استحي واخاف
ساره:امشي وبلادلع
تركب اللانش بعد محاولات ساره
مشى وخلود مغمضه عيونها خايفه وكانت باينه عيونها كلها
عبدالله يناظر لها
تفتح عيونها خلود تناظر له وتغطي عيونها بالطرحه
مها بصوت ناعم:لو سمحت يامحمد شغل مزيكا وزوده
سايق اللانش شغل الاغاني
عبدالله انقهر
وعلي المسكين ذاب عليها ههه (وجه فقر مو شايف خير
خلود انقهرت من مها
خلود بصوت خفيف:ساره قولي له يطفي الاغاني اليوم الجمعه
ساره بصوت عالي:يامحمد خلود تقولك طف الاغاني اليوم الجمعه
علي وعبدالله ضحكوا
محمد يطفي انا مافي معلوم شغل طفي شغل طفي
مها انقهرت:اقولك امش سرعه يامحمد وفحط بعد وخل حادثة العباره تنعاد
الكل استغرب من كلامها الي ماله داعي
علي:ياخلود تراي حجزت لان بنرجع اليوم للرياض
عبدالله منقهر
نزلوا والكل راح يتمشى
عبدالله:ابطلبك شئ ياعلي
علي:انت تأمر
عبدالله:ابي اطلب يد اختك خلود
علي:ولا يهمك اعطيك يدها بس هي والله لو تموت ههه
عبدالله:علي بلا استهبال
علي:ومين اغلى منك انا موافق وانشالله اقنعها بعد
عبدالله:غصب مابيك تغصبها
علي:ولا يهمك تامر انت
الساعه9 ليلآ في بيتهم بالرياض
علي:اقولك خلود عندي موضوع لك ومابيك تستعجلين بقرارك
خلود:وشو الموضوع
علي:عبدالله خطبك مني وعبدالله واحد زين وطيب ومتعلم وهي مجرد خطبه وبينفذ لك كل طلباتك
خلود ارتبكت وارتجفت طلعت فوق
علي:شرايك هاه
خلود:مادري مادري ابصلي الاستخاره واقولك (وتروح فوق بسرعه
راحت غرفتها:معقول خطبني يبيني لا انا احلم اكيد احلم شكرا يارب فرحانه بشكل ولا فكرت تستخير
لانها ماصدقت انه خطبها وهي بالغرفه فرحانه وماتعرف كيف تعبر عن فرحها
يدق الجرس بقووه تنتو تنتو تنتنو(ههه معليش هذا زي جرس بيتنا الاول ههه
بقوه يدق الجرس ويضرب الباب بقوه
علي انهبل وحتى خلود لان الجرس عالي راح علي يفتح الباب
علي:مين ماجد وش فيك
ماجد باينه لحيته يعني مو محلقه مرره وشعره مفتوح مو لابس شماغ ولا كاب وشعره مجعد وشكله يخوف
علي خاف:تفضل ادخل
ماجد دخل في الغرفه الكبيره
علي:وش فيك معصب
ماجد:وش سويت بالي قلت لك
علي:وشو
ماجد:بيع الشركه
علي:ههه انا اول مره اسمع احد يبيع شركه
ماجد:تلعب على انت
علي:لا فيه شئ اسمه نقل ملكيه تصفيه شامله سريعه مو بيع كيف ذي تجي
ماجد رافع صوته:المهم وش سويت
علي عصب:انت شفيك جاهل ماتفهم اكيد جاهل غبي اقولك ماينباع لو بفهم حيوان كان فهم
ماجد انقهر وطلع السكين الحاده الي معه
علي رجع وكانه خاف بس متاكد ان ماجد جبان وخواف على حسب توقع علي
خلود تنزل من فوق وتسمع الهواش بصوت عالي وتخاف
ماجد بصوت عالي وهو لابس قفازات:مين؟؟؟الحيوان مين؟؟؟الجاهل؟؟؟ مين؟؟؟الغبي
علي مايبي يبين انه خايف:انت خواف وجاهل وغبي وكلب بعد بتخوفني بسكينتك ذي جيبها لاكسر راسك
ماجد يقرب له بيطعنه وعلي يقاوم:ابعد يامجنون ابعد
ماجد:ومجنون بعد (ويصير ماجد مثل الثور الهائج
علي خاف وراح باخر المجلس يقاوم ويبعده والكل يبعد الثاني
ماجد يقرب ويطعن طعنه ثنتين ثلاث على قلبه وصدره طعنات متفرقه
خلود تسمع صراخ علي الذي يتزايد بين المره والاخرى وتفتح الباب من غير شعور
علي يلفظ انفاسه الاخيره ويتكلم بصوت هادئ غير مسموع روحي روحي ياخلود
خلود تناظر وهي ميته خوف
يلتفت ماجد وهو يمسح بكتفه قطرات الدم المتسلله الي خده ويلتفت بقوه وشعره المجعد الطويل على عيونه
ومن مميزات اجرام ماجد انه مايحب يبقي جريمه لازم يخفي جريمته
خلود حاطه يدها البارده على خدها الحار وتناظر جثمان اخوها المليئه بالدماء وتناظر للرجل المرعب الي قدامها وتمشي
على ورا
وماجد يقوم ويمشئ لها
خلود تطيح وتمشئ زحف على ورا وهي تناظر الرجل الطويل الاسمر ذو العينين الحمراوتين وخده وجبينه المليئ بالدماء
خلود تقوم بسرعه وتركض تركض للغرفه الصغيره في البيت هي المستودع وخلود تخاف من ذي الغرفه لان
الفيران كثيره فيها
تروح وتختبي بين الادراج وهي واقفه
ماجد يبحث ويدورها
خلود وهي ترتجف خوف وتبكي بشهقات متفرقه هادئه يسقط من الدولاب ملعقه
ماجد تحرك وسمع المصدر المصدر بالمطبخ وخلود ميته خوف
خلود وهي ترتجف خوف وتبكي بشهقات متفرقه هادئه يسقط من الدولاب ملعقه
ماجد تحرك وسمع المصدر المصدر بالمطبخ وخلود ميته خوف
الجزء الرابع//
يروح للمطبخ ويناظر لكل مكان في البيت والبيت اغلب الغرف مظلمه لانهم قبل ساعات جايين من السفر
يروح للمطبخ ييفتش الادراج وكل مكان مالقاها فتش على كل البيت لكن من دون فائده
اها جت لراسي فكره ذكيه ا

بنات وينكم ليش مافيه تفاعل مع القصه
والله تجنن وكامله لاتفوتكم
وأحداثها غريبه

مشكوره عالبارت
بس حرام علي يموت بعدين تعيش مع مين؟؟!
لا تطولي علينا لأن القصه حماس انتضر على احر من الجمر

مشكوره دلع ولع
بس وين الباقي اللي أدخلوا أكثر من300وحده
ماتفاعل معاي ألا وحده