بنت فأجئتنا بطريقة تفكيرها الله المستعان

مرحبا يا فراشات احلى منتدى بالكون كله حبيت أطرح موضوع مريت به في هذا المنتدى حتى يقرأوه أكثر عدد ممكن من البنات والحريم وخصوصا خصوصا الأمهات
الموضوع يا بنات اني كنت في منتدى تاني وكنا نتناقش عن الفيديو كليبات في الفضائيات وعن الفنانات أصحاب الفن المبتذل وكنا كلنا متفقين بهذا الشي فاجائتنا واحدة بأسلوب تفكيرها وصارت حوسة معاها واحنا مو مزعلنا شي غير انه تكون بنت من بنات بلدنا هذا تفكيرها
رجاء ركزو معايا في الكلام اللي انا ناقلته قبل لا تردوا على الموضوع حتى تفهموا اللي صار هذا نقاش بين عضوة من المنتدى وبنت تفكيرها غريب جدا
واحدة من العضوات اتكلمت عن هيفاء وهبي بالذات انها الاكثر فسادا
العضوة : هيفاء وهبي : هي بدها جريدة تحكي عنها . يعني تعري ولا صوت حلو . وكمان كلها عمليات تجميل .
باللإضافة إلى انها ساقطة . وبيكفي ان حرام تكون مسلمة .
البنت: عموما بس حبيت اقولك يااختي هيفا مو ساقطة مو انتي الي تحددين اذا اسلامها صح ولا لآ في الله هو الي يحكم
وبصراحة انا اتفشل من البنات ال زيك كل همكم تسبون في البنات و الفنانات مدري يعني هي غيرة ولا ايش نفس حركاتكم في الاسواق
يعني ماشفت ولد يحط مثل هاذي المواضيع الخالية من المعنى
وانا عني عندي كل انسان حر في الي يسويه مااحكم على اي شخص مااعرفه معرفه شخصية
العضوة: أعتقد أن صورها العارية .
وكليباتها كفيلة بإعطائي صورة واضحة عن هذه المخلوقة ال ( ساقطة )
أما نحن فعار علينا تقليدهم .
ثم ان هذا رأيي الشخصي
وبالنسبة لكلامك
( لا تعليق عليه )
البنت: عزيزتي الدين ماله علاقة بالأخلاق لكن جهل الاشخاص الي مثلك يخليكي تحكمين على الناس بجنسيتهم و دينهم وهذا مو معيار قياس الا للجهلة الي يبون يحطون لنفسهم اعذار ويبرورون كرههم لغيرهم بدون اي سبب
ولو هيفا اجنبية كان قلتي عنها انها حلوة ومذهلة وفيها وفيها وفيها الخ الخ لكن عشان المسكينة حسناء وعربية حطيتي نفسك مقارنة فيها يمكن وكرهتيها(غرتي منها)
وصورها زي صور اي بنت لكن هيفا انسانة مثيرة تلبس بنطلون وبلوزة عادية قلتوا عنها انها عاهرة ههه عموما نقدكم الحقود فيها مايثأر على معجبينها لأن نقدكم مو نقد طبيعي نقد غيرة
العضوة: لست تافهة .
لأدافع أو حتى أغار من إنسانة ساقطة .
يبدو أنك مثلها . حتى بتشوفي ملابسها عادية .
ا لبنت : اكيد نو كومينت لانك مانتي قادرة تردين
وعادي لبسها ولبسي لكن المسكينات البشعات زيك وزي غيرك يكرهون الحلوات زي انا وهيفا
وبصراحة فعلا فعلا انتي من اتفه الموجودات في المنتدى وكل كلامك غيرة في غيرة (تخلف عقلي الله لا يبلانا بالي بلاكي فيه)والله يعنيك على نفسك ويشفيك انتي انسانة مريضة من جد
العضوة: الله يعينك .. على تفكيرك .
وهنا احد من الأعضاء تدخل في الموضوع
العضو: عيب يا أختي
والله عيب عليك
انت بدأت بالنقاش والأخت جولي ما قالت شي غلط وانت ليه يعني حابه تناقشي وجهات نظر
عيب والله عيب تشبهي نفسك بهيفاء
هي وحدة قليلة ادب ودين وملابسها شبه عارية
استغفر الله العظيم
البنت: مو انت الي تعلمني العيب انت عاجبك الي تقوله لأن تفكيركم رجعي ومتخلف وتقلدون بعض وتنافقون بعض
وجولي هي الي غلطت يوم قالت ساقطة هاذي الفاظ واطية وتبين اي بيئة هي جاية منها
وهيفا قدوتي انسانة جميلة وناجحة وقوية وواثقة من نفسها وتساهم في مجتمعها مو مثل المتبطلين الي يسبونها.
العضوة: صراحة انا اول مرة اشوف بنت تقول : هيفاء وهبي قدوتي
اما شي غريب!!!!!!!!!!
هذا نهاية النقاش
من خلال متابعتي للموضوع وقرائتي لردود البنت إيش اكتشفت؟؟؟؟؟؟؟؟؟؟؟؟؟
انه هذه البنت اللي تتكلم هي طفلة عمرها ممكن تقولوا بين 11 -14 سنة وحاطة بالملف الشخصي انه عمرها 100 سنة
انا اشوف اللي خلى بنت مراهقة تقول انه هيفاء هي قدوتها هو انها مالقت أم تكون قدوة لها والا كيف فتاة مسلمة متحجبة تقول هذا الكلام وبكل اقتناع كمان
يا ريت كل ام تاخد بالها من بناتها خصوصا المراهقات لانهم دايما متخبطين وضايعين مو لاقيين رقيب يقودهم للصح
يا امهات بناتكم امانة في اعناقكم كوني انتي قدوتها خليكي مثلها الاعلى وكوني نعم القدوة