بنجدد حماماتنا وابي مشورتكم ورايكم بليز

SauDiah

31-10-2022 - 03:35 pm

مساكم بالخير بنات
عندنا حمامين تكرمون قديمين ونبي نكسرهم ونجددهم من الى
ولفيت بالمحلات شفت سيرميك عجبني بس محتاره بتوزيع الحمام تكرمون
الحمامات مقاساتها
الطول = 3
العرض = 2
والفكره اني اسوي الحمام شور داخلي كله مبطن بالسيرميك المربعات الصغنونه بني ببيج
والمغسلة بخلي لها قاعدة تحتها من نفس السيرميك المربعات وباقي الحمام كله بخليه بيج ساده
وهذي صورة السيرميك الي بركبة
بخلية بنفس الفكره بس على عرض الحمام زي الي بالصورة هذي
نفس الي بالصورة
والحمام الثاني نفس المقاس وتقريبا نفس الفكره بس السيرميك مربعات كبار لونه احمر وابيض
مع شريط فيه مربعات صغنونه بحطه بأطراف الشور
نفس الي بالصورة
وهذا من قريب اعذروني الصور مو واضحه لان التصوير بالجوال مو ذاك الزود
الي محيرني الحين هل اني اركب مغاسل الي تجي زي الصحن فوق قاعده من نفس السيرميك زي الي بالصورة هذي ؟
وشئ ثاني مالقيت سيرميك ساده من نفس الموديلات يركب معاه
فمضطره اني اركب معاه الوان ساده من صناعات ثانيه
الي بالصور ايطالي
والالوان الساده الي لقيتها اماراتي وصيني
اتوقعون لو اركبها مع بعض بيبان الفرق بالشكل والجوده ؟
وهل حركة المغاسل حلوه ولا اني اركب مغاسل الي تجي زي القزاز بأحواض حلوه جاهزة ؟

التعليقات (4)

*شواطىء*

31-10-2022 - 06:00 pm

هلا اختي
ما شاء الله ذوق روعة وافكار حلوه
انا بجاوب عليك بحكم خبرتي واللي شفته في الاسواق
بالنسبة للمغاسل لازم تنتبهين لنقطتين:
1- نوعية استخدام الحمام
2-مقاس الحوض وسهولة تنظيفة
يعني اذا كان الحمام للضيوف يعني استخدام خفيف فأرى ان اختيارك موفق
اما اذا كان الحمام شخصي فما انصحك بوضع هذي المغاسل لانها غير عملية (مع ان منظرها مغري جدا وانيق) لكن ستجدين صعوبة في الاستخدام مثل غسل الارجل وتنظيف القاعدة الخارجية لها .
وكذلك لازم يكون الحوض واسع حتى تغسلين فيه براحتك ولا بتصير كل المويه برا
اما سؤالك عن اختلاف السيراميك مع المغاسل في اللون اذا كان بسيط فما رح يبان مع الانارة
بالتوفيق

فرشة والوان

31-10-2022 - 07:01 pm

هلا حبيبتي
والله الأشكال الي عرضتيها حلوة وأنا شفت مثل المربعات العنابي والأبيض بس البني والبيج أحلى لأني أبحث لبيت العمر أن شاء الله والمغاسل أحلى الي عرضتيعها على شكل الصحن والأشكال حلوة وشفت في محل عندنا في الرياض معدن مذهب على شكل مربع والمغسلة مايلةعلشان تنزل الموية منه روعه أذا تبين أسم المحل كلميني على الخاص
والله يمهل لك ويوفقك

SauDiah

31-10-2022 - 08:02 pm

الف شكر خواتي على اراءكم ومروركم
انتظر اراء باقي البنات
والي يعرف محلات لبيع الادوات الصحية فيهااشكال مغاسل حلوه بالدمام تدلني

SauDiah

31-10-2022 - 09:03 pm

uuuuuuuuuuuuuuuuup

اللون البرتقالي←
الرخام بورسلان سيراميك→