بيتزا ولكن بالعجينة السائلة لذيذة جدا

منقول لعيونكم
,,والأحلى من كل شي انها بدون ما تعجنينها على طول صبيها في القالب وحطي الحشوة واخبزيها..يعني سريعه ولذيذة في نفس الوقت..وما تحتاج تخمير..
المقادير
كوب ونص دقيق ابيض
اقل من نصف كوب زيت
1 م ط خميره
كوب وربع ماء
1م ط بيكنج باودر
3 ملاعق حليب بودره
بيضه
ذره ملح و1م ص سكر
تخلطين كل المقاديرماعدا الدقيق بالخلاط الجك (الكاس)
بعد ذلك نصب الخليط على كمية الطحين ونخلط بالشبك..او بالخلاط حتى تتكون عجينة(بتكون العجينة قريبة من سماكة عجينة الكيك)

• ندهن صينية..على حسب الشكل اللي تحبونة للبيتزا..او حتى في قوالب الكب كيك بعد ينفع..ونصب مقدار العجينة..
• يدهن السطح على مهل(لأن العجينة سائلة) بالكاتشب والحشوة اللي تحبونها..
• نرش جبن موزاريللا..مبشور..
• تدخل الفرن ولكن على حرارة 180 ليس 200 مثل بقية العجاين لأنها سائلة وتحتاج وقت اطول للنضج من غير ان تحترق..(وهذي الملاحظة على حسب تجربتي)

وبالعافيه