بيزون هت من ايدين قموره لايفووتكم

هلا وغلا فيكم
جيتكم وجبت معايه بيزون هت لذيذ خطير اليم
اولا تجهزين العجينه الي تفضلينها
انا عجينتي المعتمده سبق ونزلتها لاكن راح انزلها مره ثانيه
هشه وقطنه وطريه مره
المقادير:
2 كاسة كبيرة دقيق ابيض < انا استخدم الكويتي ومرات فوم وكلها تجن
2 ملعقه كبيرة حليب باودر
1 ملعقة كبيرة خميرة
1 ملعقة صغيرة بيكنج بودر
1 ملعقة كبيرة سكر عادي
ربع ملعقه كبيرة ملح
تقلب هذي المقادير مع بعض ثم تضيفين نص كوب لبن وربع كوب مويه وربع كوب زيت
اعجنيها لمدة خمس دقايق واتركيها تخمر لمدة ساعه تقريبا
بعدين خذي منها قطعه وافرديها بيدك وحطي تحت جبن شرائح بعدين حشوة بيتزا الي تفضلينها
بعدين شرائح بصل وطماطم وفلفل اخضر ولو حبيتي كمان فلفل اخضر حار(حبحر)
بعدين حطي جبنة موزريلا ثم جبن شرائح
زي كذا
واقفليها يعني يصير عندك نص دائره وادهني الوجه بيض ورشي سمسم
ودخليها الفرن
والنتيجه:
عذاب
جربوها وبالعافيه مقدما