تبين زوجك ما يردلك طلب الحقيني

1. ألا وهو عدم إحاطة حواء بسبل الحيل والكيد النسائي !!!!!!!!!!!


2. إليكم هذه الأمثلة وعليكم الاستنتاج :


3. الموقف الأول :


4. الموقف الثاني :


5. لا تقدرين تملكين قلب زوجك وهذا الاهم ...

السلام عليكم ورحمة الله وبركاته
موضوع جدا رائع عجبني وحبيت اجيبه لكم لأنه يستحق القراءة
أخواتي الغاليات :
من خلال اطلاعي على مشكلات كثيرات من بنات حواء ( .... استنتجت أن ثمة عاملا مشتركا يكاد يكون السبب الأول لكل تلك المشكلات ..

ألا وهو عدم إحاطة حواء بسبل الحيل والكيد النسائي !!!!!!!!!!!

فنجد الزوجة تطلب من زوجها طلبا ما بشكل مباشر فإذا مارفض أقامت الدنيا ولم تقعدها بسبب رفضة !!! بينما هي بغنى عن ذلك لو استخدمت دهاءها ومكرها وحيلتها بشكل مشروع في الحصول على ما تريد .. وأضع هنا خطين تحت كلمة مشروع .. لأني لا أدعو إلا إلى المكر المشروع الذي يبني ولا يهدم , وأعني به ما يجنب الزوجين المشاكل والخلافات , ويجعل الزوجة تحصل من زوجها على ما تريد بكل يسر وسهولة وهو راض مبتسم !!
فكيف يكون ذلك ؟؟

إليكم هذه الأمثلة وعليكم الاستنتاج :

الموقف الأول :

كنت مرة من المرات ذاهبة إلى زيارة أهلي .. وكنت مشتهية حلا جاهز يباع قريبا من أهلي فطلبته من زوجي فرفض بحجة أنه مستعجل وأنه ابتعد عن المحل ولا يسعه العودة ثانية , ولما يئست منه بدأت أعزف على الوتر العاطفي في نفسه فقلت وأنا أهم بالنزول عند بيت أهلي : أصلا أنا عارفة ان قلبك الحنون ما راح يطاوعك تتركني بدون الحلا وأنا مشتهيته .. والطيب يغلب عليه الطيب حتى لو حاول يقسى !!!!!!!!
ونزلت .. وما راح عشر دقائق الا وهو داق علي بالجوال يقول : الحلا عند الباب !!!!!

الموقف الثاني :

شكت لي اختي مرة زوجها وانه ما يحب السوق .. سألتها : كيف تطلبي منه؟ قالت : أقول له أبي ثياب لبناتي وسراويل لعيالي و !!!
قلت لها : بس بس .. غيري طريقتك وأسلوبك .. اجلسي عنده وبيني أنك سرحانة تفكرين .. وبعدين ارفعي راسك له وقولي مع حبتين خجل وصوت منخفض : الصراحة اني مستحية منك مرة يالغالي .. وأحس اني مقصرة معك .. أحس أن المرة السنعة لازم تجدد لزوجها وكل يوم تظهرله بشكل .. لذلك ( وهنا مربط الفرس ) ناوية أسوي لك مفاجأة وليلة روما نسية خاصة ما تنساها طول عمرك !!! لكن ..( وطلعي آهه هنا طويلة وارفعي حواجبك مظهرة قلة الحيلة ) ما أدري متى أروح للسوق اجهز أغراض المفاجأة الي يحبها قلبك ؟؟؟
بتلاقيه تلقائي هو الي يعرض عليك تروحي للسوق !!!! لأنك سويت له جو
وهذا اللي نسميه بلغتنا ( المساحل والمسايس) يعني باللين والهدوء مع حبتين ذكاء تقدرين مو بس تاخذين اللي تبين

لا تقدرين تملكين قلب زوجك وهذا الاهم ...

الرجل لما تاخذينه بالطيب والتفهم وعدم الاصرار والالحاح تلقينه يلين ويحقق لك ماتشائين بس بالوقت اللي يشوفه هو مناسب...والحيلة مع الصوت الناعم مع شوية دلع خفيف يجيب نتيجة اغلب الاحيان(مو بكل وقت) مرات لما الرجال يقول لالا يعني لالا وهنا يجي دوركم ياحلوات وكل وحدة وفنها...
أختكم في الله إذا كانت مشتهية طلعة مع زوجها وهي طالعة أمس وقبل أمس والي قبله !!!! يعني مالها وجه تطلب كذا عيني عينك وجه ابن فهره !! تسبل عيونها شوي قدام زوجها .. وتلعب بنتها وهات ياكيد نسوان : ( بعدي يا بنيتي ضايق صدرها من البيت ) الكلام موجه للبنت مو للزوج بس هو المقصود وفق سياسة إياك أعني واسمعي ياجارة !! ناه ناه .. يا حياتي راحت للباب .. عمري أنت حبيبتي ودك تركبين بالسيارة ؟؟ آه يا بعدي ملت من البيت !!
طبعا أنا كذا ما صرحت بطلب الطلعة.. فقط استثرت عواطف الأبوة في نفس زوجي تجاه بنته .. والنتيجه انه يفهم الرسالة تماما مثل ما أبي .. ويشيل بنته ويقول : يا بعدي يا بنيتي ودك تطلعين .. ويلتفت علي ويقول : هاتي عباتك !!!
وانا من زود الكيد أقول ببراءة : وين ؟؟؟
خ !!!!
شفتوا انها سهلة وأفضل ألف مرة من الهواش والنقرة
منقول