تبين زوجك يحبك زي بدايه زواجك

السلام عليكم ورحمه الله وبركاته
حبيت اتكلم دوغري..
حبيباتي اكيد كل وحده تمر بضغوط في بيتها ..ومشاكل مع الازواج..
انا اتكلم عن المشاكل البسيطه اللي تتحول لملل وطفش وتصير بينكم حياه بارده
وهذا اللي حاصلي....
انا احب زوجي وهو يحبني بس فيه فتوور في علاقتنا مع ان مالنا الاسنتين..
كانت بدايه حياتنا في مشاكل كثير << لاننا جاهلين بامورالزواج
بس ذلحين الحمدلله.. مشاكل بسيطه وتافهه وبسرعه نتراضنا
واللي استغربه انو تغيرت معاملته يعني مو زي بدايه زواجي << مع انه كنا في قمه المشاكل
بس عمره ماحسسني انه مو مهتم فيني
وانا نوعيتي من اللي احب الاهتمام يعني احب انه يبينلي حبه اهتمامه خوفه.. غيرته حتى ااذا رحت لاهله
يناديني عندهم ويبيني اقعد معه وهم يقولو خل الحرمه معنا ماشبعت منها << والله كنت اخاف انه يحسدوني واقول اذكرو الله
وذلحين تغيرما اقولكم مايبين بس ع خفيف مو زي بدايه زواجنا..
واحس بحياتنا طفش وفتور مع انه نغير جو نسافر بس ننبسط في السفر وبعدين اذا رجعنا
نرجع للطفش وحياتنا الروتينيه..
اسويله حفلات رومنسيه مااقولكم ماينبسط بس نفرح اسبوع بعده ترجع حليمه لعادتها القديمه
وزوجي نحيف مو مهم ياكل مع اني جيت من باب هذا الطبخ
سويته اكلات وكل يوم طبخه صح يمدح في اكلي ويفرح بس ماحسه شئ مهم له
وانا مابي كذا..
يعني فيه ناس اعرفهم ماعليهم يطلع زوجها ينام يروح حياتهم ممله تقول عادي
لا مو عادي بصراحه.. مو اني اخنقهومابيه يطلع ولا انو ما يهمني يروح يجي عادي<<لاطخه ولاتكسر مخه
انا ابيه حتى لو راح وطلع مكان يكلمني ويسولف في الجوال
ويشتاق انو يرجع للبيت في اقرب وقت..
ومو عارفه كيف؟؟
الموضوع هو:
ابي من كل وحده تكتب نصايح لنستفيد كلنا .. يعني كيف ارجع اهتمامه اللي قبل..
او كيف اخليه يشتاق لي اكثر.. اذا تزاعلنا وش اسوي .. وكيف اتاعمل معها في جميع الموواقف اللي تعجبني واللي ماتعجبني..
يعني كل وحده تكتب الشئ اللي سوته ونفع معها؟؟
اوكيف تتعامل مع زوجها؟؟ ونعاملها نفع معها؟؟
الله يخليكم لاتستخفو بالكلام يعني كل وحده بتكسب اجر بنصيحتها هنا لا ن الكل بيستفيد مو انا لوحدي
ملاحظه :
قريت في منتدى من المنتديات لاتبيني لزوجك حبك له بقوه يعني بيني بس مو مره فالولي الحكمه بس نسيت<< انا اول مره ادري
انا ماخليت شئ ومابيت الاسم وخلفيه جهازي وكل شئ خاص فيني كتبت اني احبه
مو عارفه غلط والا لا