تبين شعر لونه بني فاتح بدون صبغه تعالي شوفي تجربتي

تبين شعر لونه بني فاتح بدون صبغه تعالي شوفي تجربتي
السلام عليكم ورحمة الله وبركاته
اهلين بنات كيفكم
حبيت اقولكم اليوم عن تجربه عملتها بشعري وصار لونه يجنن بني فاتح على الكستنائي
انا مااحب الصبغات واذا صبغت على اطول اصبغ اسود ولا عنابي هذا على موضة قبل صارلي 5 سنوات ماصبغت شعري
وانا طبيعة شعري ناعم وفاتح شوي
المهم
الله يسلمكم شفت شعر بنت عمتي يجنن لونه بني طبيعي روعه سالتها وش عملت قالت بدون صبغه
انهبلت .. قلت لها قولي وانا اسويها قالت
للشعر القصير تحت الأذن بشوي = فنجان نسكافيه + فنجان كركم + فنجان زيت زيتون + علبتين الأكسجين بخلاصة الصبار من ويلا ( غرشه صغيره اللي تنحط مع الصبغات لونها اخضر سائل )
تنخلط وتحطينها على شعرك لمدة 4 ساعات
بالنسبه للشعر الطويل انا شعري نص ظهري حطيت =
بيالتين نسكافيه + بيالتين كركم + بيالتين زيت زيتون + 3 بيالات الأكسجين حق الصبغه
وتركتهم على شعري لمدة 4 ساعات تقريبا طلع خيال
ال يوم الجمعه حطيتها 8/4/2007 ومره مبسوطه من لونه كنت اتمنى درجة البني الطبيعي ولقيتها بهالخلطه بدون صبغه ومواد كيماويه يعني منتي خسرانه شي مواد طبيعيه
ملاحظه / البسي قميص قديم عندك لأنك بترمينه بالزباله الله يكرمكم والحمام بيندمر وراح ينقط على رقبتك وجسمك يعني خذي احتياطك
ابي اشوف ردودكم ودعائكم لي بليز ادعولي ان الله يفرج همي ويسر لي ويشرح صدري