تجربتي البرمجة العصبية للرشاقة اوربت تراك في 6 ايام فقط

أبكتب لكم تجربتي القصيرة ممكن تسألوني كم نفصتي و بس انا حبيت أفيدكم دامني في بداية طريقي لعالم الرشاقة ومتشجعه كثير والله كثير أول شي أبقولكم عندي بنطلون جنز مرة ضيق ومايدخل أساسا ولا يتسكر جربته اليوم الصباح قبل ما البس للجامعة وصدقوني انصدمت أنه تسكر ووشكله صاير عدل علي يعني مافيه زوايد وانا لابسته والله انبسطت كثير وجلست أترقص من الفرح كل الحكاية الاكل هذا أكلي ماتغير ابد بالعكس اقول لكم انه زايد لان وقت اختبارات وابي اشغل نفسي عن اي شي علشان ما أذاكر فكثير صايرة أكل :( تجربتي بختصار اني سمعت كثير عن جهاز اوربت تراك ودام مكافئتي توو مستلمتها قلت خليني اشتري الجهاز .. شريته من يو مارك ب450 طبعاً الي له كرسي يقولون الكرسي يزيد الأرداف؟ المهم اني اسوي عليه وانا واقفه .. وان تعبت اجلس على الكرسي ثوواني واقوم اكمل عكس ان قمتي مرة وحدة من الجهاز وقلتي برجع بتشوفين نفسك ماترجعين طبعاً سمعت ان الجهاز مايناسب الي اوزانهم ثقيلة لانه متعب بس انا عن تجربتي والله انه يجنن وماتقومين منه إلا وانتي تسبحين عرق وانا جسمي من النوع الي ابد اذا مشيت ساعه :( ما أعرق ولا كأني مسوية رياضه المهم ان هل جهاز روعه حسيته حدد جسمي ونحته بشكل مو طبيعي انا وزني 90 ويتفاوت يعني يزيد كيلو مرة كيلوين مرة ثلاث ويرجع ينقص كيلو وبالنسبة للبطن كثير حسيت تغير انا كانت كرشتي كبيرة يعني المنطقة الي تحت ماكنت أقدر اشوفها بس الحين تقريباً داخل وحتى بداية فخوذي من فوق صارت تبيين يعني لو حطيتي يدك على تحت خصرك شوي تحسين بفراغ كبير عكس قبل كانت الكرشة نازلة كثير مبسوطة حدي هذا وانا أكل تغيير جسمي كيف لو اني بديت أخفف اكل ؟؟ المهم من ناحية تجربتي مع الجهاز وبقولكم تجربتي من ناحية الأكل سمعت عن البرمجة العصبية انها تنزل الوزن وعندي شريط حق الدكتور حملته من النت وحطيته بجوالي وكل يوم لازم أسمعه رهيب وماحسيت بتأثيرة إلا اليوم .. وهو المفروض تلتزمين عليه أسبوعين او مادري بالظبط لانه ما أنذكر المهم اني اليوم ما كلت شي غير عند الغذا صدقوني ماقدرت أكمل انا بالعادة ما أشبع اقوم وانا جايعه بس الكمية صارت قليلة يعني ماقدرت اجامل وأكله كله رحت حطيت صحني وفيه أكثر من النص ماقدررت أكل حسيت بشبع مو طبيعي وجلست شبعانه ( تغذيت الساعه 1 ) وللساعه 6 ماجاني جوع وهذا شي مو طبيعي احس مالي رغبة بالأكل ابد ابد ابد يعني بفضل الله سبحانه وتعالى ثم البرمجة العصبية قدرت اني اخفف اكلي وانا الحمد لله ادعو بكل صلاة ربي يرزقني الزوج الصالح وأني انحف ويصير جسمي حلو بكل صحة وعافيه البرمجة العصبية بديت فيها من يوم السبت هذا الأسبوع والحين صار لي 3 أيام ووالله يشهد على كلامي وجهاز الأوربت تراك شريته من يوم الخميس بس مابديت فيه جدياً إلا يوم الجمعة بداية 10 دقايق يوم يومين بعدين ربع ساعه وأمس واليوم نص ساعه والله انصحكم تشترون الجهاز (( أوربت تراك )) .... وو تجربون البرمجه العصبيه ان كانت مالها فايده ولا بتضعفون منها بس تراها مريحه يعني وانتي تسمعين الدكتور يقول لك (( غمضي عيونك .. تنفسي بهدوء ويجلس يعد لك .. بعدين حبسي الهواء .. بعدين طلعيه بهدوء .. المهم في النهاية يقول لك كرري معاي الكللمات التالية ( انا راح اوصل للوزن المثالي الي حاطته ببالي انا راح اخفف أكلي انا راح اسوي رياضة وبوصل للوزن المثالي انا ) يعني والله انصحكم فيه وبحط لكم تجربتين من البنات الي استخدموو البرمجة العصبية لأنقاص الوزن في الرد القادم يتبع ودعواتكم عندي اختبار بكرة اخر شي وصعب بس من الحماس قلت ابكتب الموضوع قبل ما اذاكرر ادعولي بالزوج الصالح والتوفييق