تجربتي لحنه الاعشاب الي تباع بالمنتديات تحذير

كيفكم بنات طبعا الموضوع مبين من عنوانه حبيت انبهكم يابنات من الحناء الي صارت منتشره بالمنتديات والاسواق الي تقوم بتمليس الشعر عباره عن حناء يقولوا واعشاب وتقريبا ريحتها قرفه
انا شريتها من النت وعملتها من سنه في البدايه جففت شعري كثير بس بعدين عجبتني
المهم ماطول عليكم من يومين قلت مرت عالحناء سنه كامله بملس شعري الي طلع بس حطيت الكريم النوع الخفيف مو القوي
حطيته نص ساعه ورحت اغسل تدرون وش صار
الاقي شعري بالحمام يطيح خصل خصل كأن حد ماسك مقص ويقص فيه نزلت من الحمام امشكطالاقي شعري يطيح ماقد صارت والمسه بصبعي يتقطع كأنه مطاط
اكتشفت ان الكريم اماكن وصل للشعره اللي فيها حناء فماتحملت الشعره وتقطعت يعني عمل عملية فصل شعري الجديد فصل عن الشعره اللي فيها حناء
رحت ثاني يوم الصالون ارويها قصت شعري لرقبتي خلت لي شعري الجديد بس الحمدلله ان شعري كثير وهذا ساعدني إنه ماتبين فراغات بالفروه وقصيته قصير مره ومشى الحال قالت لي صاحبة الصالون زين انك ماصرتي قرعه في بنت اعرفها عملت الحناء دي وبعد شهر راحت تصبغ
شعرها كله طاح مابقى الا على طول نص الصبع الصغير (الشعر الجديد اللي طلع) كله طاح وجلست سنه تعالج فيه
فنصيحه يابنات اللي عملت الحناء تبعد عن التمليس والصبغات مده سنتين عالاقل
واللي ماعملت اقلها لو ملستيه تمليس عادي ابرك لك لان حتى الشعر الطالع طلع متقصف وتعبان بسبب الحناء
اللهم بلغت اللهم فاشهد انا كتبت موضوعي لاني ماحبيتها تتكرر في خواتي لاني لما شفت كيف شعري يطيح مااوصف لكم الشعور شويه وبيغمى علي من الخوف وحب لاخيك ماتحب لنفسك والله يستر عالتاجرات اللي همهم يبيعوا بضاعتهم وماهمهم شي ثاني
انا كتبت تجربتي باكثر من منتدى عشان ابري ذمتي