تجربتي لشعري

السلام عليكم
صباحكم ومسائكم سعيد
بخش بالموضوع دوغري
انا شعري خفيف من قدام وفيه فراغات يعني واضحه الفروه
المهم استخدمت زيت براشوت مانفع وزيت نارجين مدري نارجيل مانفع وقررت استخدم زيت الخروع الاصلي الباكستاني وحليو ماعليه خلا شعري يرجع لونه طبيعي اسود مو اشهب مثل قبل ومازلت استخدمه ناسب شعري
وقالت لي وحده انا قاصه شعري بوي (قصير مره)واستخدمت حاجه وطال باقل من شهر وصرت اربطه بشباكه >ماشاء الله تبارك الله لاصكها بعين
تشجعت اشريه بس متردده
وتسولف علي صديقتي قالت اختي تستخدمه لها سنتين شعرها جونان ماشاء الله تبارك الرحمن تقول لدرجه انها مره راسها يحكها يوجعها ولما فتحنا شعرها بنشوف اذا شعر صغير كثير مثل الزرع طالع
وانا اروح اشريه واستخدمه اللحين من شهر 8 لي شهرين وزياده يعني ولاحظت من خلصت الشهر الاول وشعري تساقطه موقف 70% يمكن
وطال ماشاء الله وقبل كم يوم اشوف الفراغات شفت شعر صغير طالع بس ضعيف حيل المهم فيه امل يطلع
وبستمر عليه
هو يجي تونك وشامبو بس انا استخدمت التونك فقط والبنات يستخدمون التونك والشامبو
هذا هو اسمه سورسير
تحطين شوي من التونك بالشعر وتفركينه يعني تسوين شوي مساج تستخدمينه صباح ومساء
طبعا انا استخدمت مساء ونفع معي اتوقع لو استخدمه مرتين بيكون احلا
هو مثل الماء تحطينه بالشعر مايوضح كانك ماحطيتي شي وريحته حلوه مو كريهه
يكفيك حوالي شهر سعره 125 وبكذا صيدليه 150
يختلف من صيدليه لثانيه
ملاحظه: يمكن اللي يناسبني مايناسب غيري هذا اولا
ثانيا:مادري اذا تركته بيسبب تساقط او لا .لأن اللي استخدموه ماتركوه
هذا والله اعلم