تجربتي مع المشي فلم من قللب لجل عين الجسم السمبتيك بس

بسم الله الرحمن الرحيم..
السلام عليكم ورححمة الله وبركآآته..
شلوونكم بنآآت.
حبيت أفيدكم بتجربتي مع المشي وتقريبا لمدة قصيرة..
انا بديت من الإسبوع اللي طآف وكنت أبي أنزل 5 كيلو بس..
كنت أروح الحديقة القريبة من بيتنا وامشي نص ساعة .. لمدة 5 أيام ف الإسبوع..
ولين أرجع البيت أحاول اني ما أتعشى .. وأكتفي بالتمر واللبن..
أول اسبوع نزلت كيلو واحد بس .. تخيلووا .. على هالجوع اللي أحس فيه كل يوم وأحافص ف الليل ما أقدر
ارقد من الجووع .. والمشي ف هالجو الحآآر والرطوبة اللي تخنق..
نزلت كيلوو بس .. بس الحمدلله أحسن من ولا شي..
وع الإسبوع الثاني.. واجهتني شوية مشآآكل..
كنت أروح تقريبا من الساعة 6 ونص أو 7..
ومع هالجو الحديقة تقريبا تكون شبه فاضية..
وعمآل النظافة تارسين المكآن..
وكذا مرة تطلع لي قطوة .. وانا اخآآآآف منهم صرآحة..
بس كنت أصبر نفسي.. وأقول لجل عين الرشاقة والجسم المرتب بكمل .. وبرووح..
لين آخر مرة رحت.. كآنت الحديقة متروسة قطآوة .. ويركضون جدآمي..
أنا عآآد خفت خفت خفت .. قعدت أركض وأصارخ والله غصب (ن ) عني .. اخاف..
وتفشلت .. وعقب سويت نفسي عآدي وقعدت أكمل .. شوي إلا أجوف سيكيورتي ..
قال لي : تخوفج قطوة ..؟؟ أفآآآآآآآآآآآ..
انا طآآآح ويهي .. فشيلة .. ما أدري من اللي جافني ومن ما جافني..
بس وعقبها قلت بلا رجيم بلا زفت .. ورجعت البيت وكلت ستيك لحم وبطاطا .. ههه..
نحاسة وعنآد ف القطآآوة بس..
وقلت خلاص إن شاء الله أنزلهم ف رمضآآن..
الله يقدرني بس ويضعف اللي يبي يضعف بصحة وعافية..
وبس سلامتكم..
الوعد بآآكر..