تجرتي الشخصيه مع التونيك الماليزي الغني عن التعريف

1. صباح -مساء الخير للحلوات الأمورات

صباح -مساء الخير للحلوات الأمورات

انا من اول يوم دخلت فيه هالمنتدى الجميل وبديت اقرى واشوف العجب العجاب من هالخلطات الي تكتبونها سواء بشره او شعر ومن التاجرات والي يبيعونه وانا ماخذه عهد على نفسي ان كل ما استخدم شي وينفعني او يضرني اني اكتب تجربتي هنا عالعام عشان الكل يستفيد ولحد يغشكم ويلعب عليكم <<وبصراحه ياما انلعب علي من هالتاجرات وانشالله بنزل موضوع عن كل وحده منهم
لاكن اليوم راح افتح نفوسكم واستفتح سلسله المواضيع الي بنزلها بشي يسركم انشالله
الكل يعرف التونيك الماليزي الي يبيعونه بعض التاجرات هنا
انا بصراحه ماقد لفت نظري ولاقد فكرت اشتريه
لاكن وحده من صديفاتي طلبت من وحده من التاجرات هنا بعض الاغراض وارسلتلي رابط فيه منتجاتها وقالتلي اذا تبين شي قوليلي عشان اطلبلك معي
قلبت في موقعها يمين وشمال مالقيت شي يجوزلي وقلت خلني اشتري هالتونيك كود هالشوشه تتعدل
وفعلا شريته
واستخدمته
والنتيجه
بنات كلمه روعه قليله بحقه
انا كنت مسويه عمليه ومن عقبها صار شعري يطيح بشكل هستيري
من الجذور تخيلو وانا شعري كان يتساقط قبل بس مو لهالدرجه
بس يابنات والله والى لا اله الى هو اني من اول استخدام له
ان شعري وقف التساقط
انا شكيت في نفسي قلت يمكن اتخيل
عطيته اختي قلت جربيه عشان نتاكد<<وهي شعرها يتساقط بقووه
وفعلا جربته وانبهرت من نتيجته
عاد انا لي الان اسبوعين من بديت استخدامه
والتساقط موقف ولله الحمد
بس لاتطمعون انا ينعم الشعر او يعطي لمعه
لاني بصراحه احسه نشف شعري شوي
بس ماعليه اهم شي الكثر
وطبعا لحد يسالني من وين شريته عشان ماتقولون هذي داخله تسوي دعايه للتاجره
انتم دوروا بقسم الفراشه مول وبتلقون اكثر من وحده تبيعه
وتراني مدري اذا فيه تقليد او اصلي
يعني انا اخلي ذمتي من اي تلاعب في هالمساله
وانتظروني انشالله بعد اسبوع عشان اكتبلكم تجربتي مع زيت النمل
وانا يابنوتات ياحلوات ما ابي منكم الى الدعاء ان الله ييسرلي زواجي ويبارك بمهري ويهنيني مع زوجي وحبيبي ويسخره لي ويشوفني دايم احلى البنات بعيونه
بنات بليزز ادعولي وانشالله الله يعطي الجميع على قد نيته