تحلمين بالزواجيله تعالو ياحلوات عندي وخذوا عريسكم الي تتمنوه والتوفيق من الله

1. السلام عليكم ورحمة الله وبركاته


2. اسعد الله ايامكم بكل خير حبيباتي.. حطول عليكم بس لازم اوعيكم واصحيكم


3. اله يسعدهم كلهم اعطوني اكثر من فكرة وهرجة طمنتني على خطوتي هذي..


4. وطبعا ذا بيكون سرها الكبير ههه..


5. التوفيق ذا من ربي

السلام عليكم ورحمة الله وبركاته

اسعد الله ايامكم بكل خير حبيباتي.. حطول عليكم بس لازم اوعيكم واصحيكم

الموضوع يبغاله جلسة وصدر واسع وفهم.. يابنات احنا عندنا مبداء ان البنت تجلس في بيت اهلها لين يجيها نصيبها حتى لو تشيب تجلس لين تموت وعيبة وتقليل بحق البنت واهلها ان دورت خطابة او جاهم عريس من خطابة ... هالكلام والنظرية في اغلب البيوت؟؟؟ صح ولا لا؟لين صار لي موقف واكيد صاير لكم يابنات او شايفينه بأعز الناس على قلبكم الا هو:
انا متزوجة الحمدلله ولي قريبة قامت وقعدت بفرحتها فيا ودايم تتمنالي الخير وكل ما عشت للحظة حلوة اتذكرها واتمنى تعيشها هي من معزتها وغلاتها عندي ,البنت هذي حليوة ومزيونة وحبوبة واغلب البنات كذا, المهم هذي البنت ما تروح فرح ما تجلس بمجلس الا نشوف عيون الحريم عليها الي تاكلها بعيونها وتروح وتجي وتسأل في الام ثم تجي لحد الرقم ما يطلبوه او يجون بعضهم يوطوطو على رقم امها ليخطبوها وياخذون ارقامهم حلو؟سبحان اله يصير شي غريب اما ما يتصلو ولا على قد نطنطتهم او يتصلو يبون موعد يجو يخطبو ثم ما يجو او ما يتصلو حتى ثاني او بس يتصلو ويبون يتعارفون مع اهل البنت ثم يبطلو معد يتصلو بعد...اكيد هذا حال اغلبكم بعد يصير معاه كذا صح؟
الان صار عمر البنت 28 وصارت البنت بنفسية ما يعلم بها غير ربي طول الوقت تسألني انا وحشة اقوله واله انتي قمر تقولي ان عنست صح اقولها لا انتي نضجتي زي التفاحة الحلوة تفتحتي زي الوردة الجوري وانشالله يجيك من يستاهل حلاتك اش اسوي غير كذا لان اهلها اهل خير وسمعتهم ذهب ومحافظين ولا يعيبها او يعيب اهلها شي فوق كذا ما اتزوجت. ايش تتوقعوا عملت؟؟؟؟
انا احب هالبنت واغليها واتمنالها اسعد حال هي واهلها فجيت لأمها وقلت لها ليش ما تكلمي خطابة؟زعلت الام وقالت احنا ما ندل على بنتنا نصيبها يجيها لحدها مو هي تدوره..
سكتت وقلت والله البنت لو شيبت عند اهلها محد ينفعها ولا يحس فيها بسبب مبداء قديم وغبي
بنات فكرو معاي ,الحين لما تروح البنت الفرح مو يجونها ناس ما يعرفوهم ويطلبو الرقم فياخذو الرقم ويخطبو وقتها يبداء التحري والسؤال عن الطرفين,هذا شي لما البنت تروح لجيران ويجيها عريس من جيران نفس الحال بيروحوا الطرفين يسألو عن بعض وان ناسبو تناسبو صح واحيان تصير الخطبة بالصدفة في عشا في سهرة في مستشفى والله تصير بين المراجعين او المراجعين والمرضات في صالونات وكوافيرات .القصد انه اغلب الوقت يلتقوا عائلتين ما يعرفون بعض او معلوماتهم بسيطة عن بعض ثم يصيروا ارحام...
من هذا المنطلق توصلت لان لازم اخطو خطوة اسأل ربي يوفقني فيها حتى ما يضع عمر البنت واتحسف عليها وعلى انكسارها بالحياة,رحت اخذت رقم خطابات وكلمتهم وشرحت لهم الوضع...

اله يسعدهم كلهم اعطوني اكثر من فكرة وهرجة طمنتني على خطوتي هذي..

اولا قالو لي فيه بنات يتصلو عليهم ويطلبو عريس احلامهم وطبعا يتنكرون بشخصيتهم يعني انها جارة للعروس او صديقة وماشالله تتم لهم الزيجة الطيبة ولا احد يعرف انهم هما اختارو نصيبهم بعد ربي
طيب بالنسبة للاهل او العريس صعبة يعرف ان البنت تقول عن نفسها او تخطب لنفسهااو حتى اهله يعرفوا كذا فهنا يصير الاتفاق مع الخطابة انها لما تلاقي العريس المناسب حتقول له لقيت لك عروس بطلبك دلوني عليها اهل الخير بس وتعطيه رقم اهلها كذا خارجت نفسها من ما تتورط وتحفظ كرامتها وثقتها بعين زوجها واهله

وطبعا ذا بيكون سرها الكبير ههه..

ثانيا بالنسبة للعريس موشرط يكون فيه عيب او ناقص لان فيه ناس معارفهم قليل او الام مريضة او عجوز او ماعندهم اخوات او مقطوعين من شجرة يعني فيه ناس بجد مكملين وييرفعو الراس بس هالاشياء خلتهم يضطرو يلجاؤ للخطابة والله الخطابات قالو لي فيه منهم الطيارين والضباط والمهندسين والدكاترة وفيه الطالب والمتزوج ومقتدر والمطلق وال.........الخ بس مثل ما قلت ممكن ظروف حدتهم يخطبو لنفسهم وممكن اخواتهم او امهاتهم ما بيلفو ويدوروا على البنات والبوت خلاص يختصروا عند الخطابة يعطوها المواصفات ويتوكلوا على الله:
ثالثا فيه متزوجين ومطلقين وارامل وبنات وعزاب من الطرفين صح؟؟؟ايش احلى من ان كل واحد فيهم يحط المواصفات الي يتمناها او بعضها حتى ويسأل الله التوفيق مع النصيب الطيب..
بنات لا تقولوا خوف ما نتوفق خوف يطلع شين خوف يطلعوا اهله مو طيبين
ترى عيال وبنات العمومة وعيال وبنات الخوال ان تناسبو برضه ممكن يختلفوا او ينفصلو او ما يتفقوا ويتوفقوا

التوفيق ذا من ربي

خل عندكم ايمان بالتوفيق من اله وتشجعوا وقوموا يبنات تحركو لا تجلسو بمكانكم وتنتظرو الزمن يلتفت لكم اخطو خطوتكم والباقي على اله عشان ما تجي حسافة بنفسكم بيوم وتقولوا ياليتنا تحركنا ياليتنا رضينا ياليتنا مارضخنا للحظ والانتظار والله محد داري عنكم ولا حيعرف عنكم هذا سركم وهذي حياتكم
وهذي نصيحتي لاخواتي الحقو نفسكم وتذكرو سيدتنا خديجة رضي الله عنها ونبينا صلى الله عليه وسلم بزواجهم وانتو بتدوروا الحلال مو منكر عزكم الله طبعا الى جانب الدعاء والاستغفار يابنات اكثرو منهم في صلاتكم في اوقاتكم وبكذا سويتوا الي بيدكم والباقي على الله..
دعواتكم لقريبتي تتوفق ونفرح فيها وانشالله ربي يكتب الفرحة لكل وحدة تتمنى الزواج بالنصيب الي يسعدها..تكفون ادعولي انا كمان بالتوفيق ..
وقولو لي امانة ايش بتسون وايش يصير معاكم الله يوفقكم لما يحبه ويرضاه مقدما اقولها لكم..
تكفون تكفون ارفعوا الموضوع لو تحبو الخير لاخواتكم ليستفيدوا