تخصصات

جد فكره حلووه
اتمنى التفاعل من الصبايا

وآآآآآآآآآو
من جد محتآآجين ؟
/
وين البنآت ؟

يسلمو يا حلوات

لل رفع
للح اج ه

===

يا سلام انا اول وحدة ..
انا طالبة في جامعة ام القرى (طب وجراحة) الحمدلله مبسوطةفي قسمي شوية تعب ومزاكرة بس
الحمدلله..
طبعا كلكم تعرفوا الدراسة سبعة سنين .. التلاتة السنين الاولى يسموها بالسنوات الاكاديمية ..السنة الاولى تكون سنة مكثفة في دراسة الانجليزي ويكون 12 ساعة .. وبعد كدا تانية وتالتة يكون فيها تشريح ومواد كلها متعلقة بالجسم والكيمياء الحيوية
السنوات رابع خامس سادس تسمى بالسنوات السريرية .. وبعدين السنة السابعة وهي سنة الامتياز ويكون اسمك طبيبة امتياز ويصرف راتب قدره ستة آلاف وشوية .. ويقولوا الملك رجعها عشرة بس مني متأكدة..وبعد هدي السنة نستلم الوثيقة..
بالنسبة لفرص التوظيف طبعا حتى لو المعدل نازل فرص التوظيف جدا متاحة وبرواتب مغرية .. وعموما الوظايف في الكليات الصحية جدا مغرية .. يعني دحين الاطباء بعد ما يخلصوا سنة الامتياز تكون رواتبهم قبل الزيادة 13000 وبعد زيادة الملك للأطباء صارت 17000 ..
والدراسة بشكل عام أقولها بكل صراحة متعبة وممتعة ,, يعني لا تفكر وحدة تدخل عشان أهلها أو عشان يقولوا عنك دكتورة أو للمكانة الاجتماعية ,أو أي شيء تاني لاني والله ما تقدر تتحمل ضغط الاختبارات الا ادا كان عندها طموح وحلم تسعي من أجله ..
وهدي نصيحة مني لا تقدموا على قسم من قبل ما تستخيروا ,, ما تعلموا الخير لكم فين .. وداموا على شيئين والله فيها كل التوفيق وانا مجربتها .. استغفار وقيام الليل ..خصوصا انكم ان شاء الله مقبلين على اختبار القدرات ..وهدا الاختبار لا يعتمد على مزاكرة أو ذكاء كله توفيق من الله ..
وهناك قاعدة حطوها دائما في بالكم كل ما زاد قربك من الله كل ما زاد توفيق الله لك ..
الله يسهل لكم ويفتح عليكم وتجيبوا اعلى الدرجات واعلى النسب وترفعوا راس اهاليكم ..وبإذن الله تعالى ما يخيب أمل وحدة في انها تدخل القسم اللي تتمناه ..
تمنياتي لكم بالتوفيق
لكم ودي وودادي
أختكم : حياتي كلها لله

الله يوفقكي ويسعدكي
يالغلا