تذكرتك

صباح...يسعد له مساء
قصيده ارهقتها بكثر القراءات
فكل قراءه لها .. يعتريني احساس مغاير عن ماقبله
قصيده لاتنتظر ........ الا الإحتضان
للشاعر سعد الشعلان
تذكرتك عذاب القبر وصاحت صرخةٍ بحشاي
تذكرت الذنوب وقلت يانفس كفى توبي
أنا ياليتني أقدر أقص بأيمني يسراي
واجي ربي بوجه أبيض وأنا خالي من عيوبي
كثر مااشتقت ياربي لعفوك قمت أعد أخطاي
على كل ذنبٍ أستغفر وليتك تغفر ذنوبي
أحاسب نفسي كل ليلة على كل غلطةٍ بدنياي
وأجي هارب من الماضي ولكن إيشاخر هروبي
أصلي لين كل الناس تحسدني على ممشاي
وأبالغ بالمعاصي لين كلن يلعن دروبي
وأنا ماضامني أمسي أنا خايف من اللي جاي
ذنوبي كيف آداريها إلى جت لحظة غروبي
وأنا لمن ذكرت الذنب تراجف بالكلام شفاي
أخاف أموت بغل وتو الذنب بجنوبي
أخاف بآخر الدنيا نجي يم ربنا حفاي
أنا وأيامي السوداء وإحساني وعذروبي
جهنم ياعساني ماأجيك ويوصلك ماطاي
عسى ربي ينجيني وويلك مايجي صوبي
خشعت بسجدتي حتى بكت سجادتي لبكاي
شكيت وهزت الشكوى قلوب اللي تواصوا بي
ترى هذا وأنا أشكي لربي وخالقي ومولاي
من ذنوبٍ من الماضي توقف دوبها دوبي
متى أوصلك ياالجنة متى تستقبلي يمناي
أبي حورك أبي ناسك إلى جيتك يهلوا بي
وسلامة عيونكم