تزيين الكيك

بنشوف بالموضوع هذا
مقادير وطريقة لكريمة الخاصة لتزيين الكيك اللي اتحجيت عنها بالجزء الأول
وهي أحسن كريمة لتغطية الكيك
لأن هالكريمة سهلة باستعمالها لتزيين أي نوع من الكيك
لكن
لي بغينا نستخدمها لتغطية الكيكة
لازم اتكون متماسكة ورخوه بعض الشي .. يعني باردة اشوي
لأن لكريمة ان ما كانت متماسكه لي الوقت اللي نبي نستخدمها فيه
ماراح تعطينا الشكل اللي نبيه للتزيين لانها بتكون ذايبه
والحين بذكر مقادير هالكريمة
نص كوب شورتنبنج
نص كوب زبدة " طرية اشوي "
" ملعقه وحده من الفانيلا السائلة "
ولازم اتكون موملونة لأن اللون يغير لون الكريمة
اربعة اكواب سكر أبيض بودرة
ملعقتين حليب سائل
نخفق الزبدة والشورتينج عدل بالخفاقة الكهربائية
نضيف الفانيلا
وبالتدريج نضيف السكر مع الاستمرار بالخفق على سرعة متوسطة
وبعد مانحط كل السكر بتصير لكريمة صلبة وجافة
وبعدها نضيف الحليب معلقة ملعقه كل مرة ونستمر بالخفق
لين تصير لكريمة خفيفة وطرية اشوي
ولي خلصنا نحفظ هالكريمة بعد ما نغطينها عدل بالثلاجة لي وقت الإستعمال
.. عند إستعمالها نخفقها عدل مره ثانيه قبل ما نبتدي بالتزيين فيها
ممكن تكون متماسكة اشوي
لكنه بالنهاية أضبط لعمل أشكال التزيين عالكيكة
لي حبينا نستعملها لتغطية الكيك ابشكل كامل مثلا
نضيف ثلاث أو أربع ملاعق صغيرة
من ال corn syrup
أو حتى اشوية نقط من الماء ونخفقهم مع لكريمة علشان اتصير رخوة اشوي
على فكره
لي بغينا نمسك الكيس الشمعي اللي بنحط لكريمة داخله لازم نمسكه ابشكل مستقيم
يعني لي بغينا انسوي مثلا نجوم عالكيكة لازم نمسك الكيس بشكل مستقيم
مثل الصورة
لازم إتكون الزاوية 90 درجة
لكن لو ميلتي إيدج هالنجوم ما راح تطلع عدله
وبوضح ان علشان ما تلصق لكريمة بيدج لي ضغطتي عالكريمة غطي أصابعج بشوية نشاء
اوكي والحين انشوف اشكال لطرق التزيين عالكيك
كريمة الأرنب
أول شي نقوم فيه اهو عمل دائرة للرأس
و
ونضغط اشوي علي وسط الدائرة علشان انواسي السطح
و
نلصق الأذنين برأس الأرنب مع مدهم في نهاية الطرف لكل أذن
ونسوي نقط للعيون و الأنف والخدود
وطبعآ ما ننسى تمييز كل جزء انسويه ابلون مختلف عن غيره
علشان توضح معانا الصورة أكثر وهم يعطيها شكل احلى
شرايط الورد
انسوي ربطة عند اليمين بعدها عند اليسار واخرها شرايط في الوسط
شكل الجزر
نقوم بعمل كيس التزيين ونضخ لكريمة بقوة
مع عمل تعرجات خفيفة علشان تاخذ لكريمة شكل الجزر
وعند الطرف أرخي الضغط علي كيس لكريمة
وخلي طرفها مدبب مثل الصورة
وبكريمة بلون أخضر أسوي أوراق الجزر
شكل الدب
نسوي دائرة كبيرة لجسم الدب
وبصبعج وهو عليه اشوي من النشاء علشان ما تلزق لكريمه ابايدج
ضغطي اشوي اشوي على وسط الدائرة
لين يستوي السطح
أنسوي الرأس والأطراف
بنفس الطريقة السابقة
مع ملاحظة أن يكون رأس الدب أكبر من الأطراف
واخر شي أنسوي لعيون والاذنين
بالهنا والشفا