تشيز كيك الرخاميه لذيذه لاتفوتكم ماراح تندموون

السلام عليكم
اخباركم؟؟؟
وحشتوني والله
على كل حال انا صارلي فتره ادخل المنتدى أجرب من هالحلويات الزينه والشغل العدل
عاد قلت مايصير اخذ ومااعطي
وسويت جم شغله كل وحده تقول يميم اكثر من الثانيه
بس بنزلهم بين فترات اذا شفت ردودكم وتفاعلكم <<< يعني تسوي تشويق
المهم الله يسلمكم هالتشيز كيك لذيذه على ضمانتي
ا صلا كانها تشيز كيك كافيه واحلى بعد والله العظيم <<< زين ماصارت
جربوها وماراح تخسروون ودعوولي لان كل مااسويها يسألوني عنها واهيا ماافي اسهل منها
المهم المختصر المفيد يا طويلين العمر <<< قلتيه من زماان
((تشيز كيك الرخاميه))
المقادير:
كيك شوكولاته مقطع شرايح يا جاهز أو سويه بالبيت انا عن نفسي اسويه عشان كلها تصير شغل بيت احلى
0جم شوكولاته سادا جالكسي أو كادبوري هذيل الي استخدمهم
2 كوب كريمه سائله ((كريمة الخفق السائله))
2 بيض
1\2 كوب سكر
علبتين جبنة فيلا دلفيا 200 جم
شوفو بقولكم شغله للامانه << اهم شي الاماانه
هذي مقاديري والفرق بينها وبين مقادير الكتاب الشوكولاته 500 جم و 3 فيلادلفيا 200 جم انا اخففهم عشان ماتصير ثقيله وايد وتغث بس الي تحبها ثقيله تحط المقادير الاصليه
والطريقه:
أول شي تصف شرايح الكيك بصحن تشيز كيك متحرك القاعده
تقطعين الشوكولاته لقطع صغيره وتخلط مع الكريمه وتطهى على النار الى ان تذوب الشوكولاته بدون ان تغلي ثم تسكب نصف الكميه على الكيك
تخفقين البيض والسكر بالخلاط الكهربائي لمدة دقيقه ثم يضاف الجبن ويستمر الخفق حتى يتكون خليط متجانس ... يسكب الخليط على الكيك ثم يسكب عليه 1\4 كوب من خليط الشوكولاته السابق ذكره
وتحركينه بالشوكه عشان يصير شكل رخامي .
يدخل في فرن حار 180 درجه لمدة 20 دقيقه
تحطينها بالثلاجه الا ان تبرد وتقدم مع الشوكولاته الساخنه
واذا بردت الشوكولاته حطوها عالنار شوي وصبوها على الكيكه صب الين تسيح من الجوانب ياي تصير لذيذه
وشوفو الصور حسافه ماصورتها واايد
بس هذا الي طلع معاي
وهذي قطعه لعيونكم
وجربوه وماراح تخسرون اتمنى ان يكون عجبكم
واشوفكم على خير
مع السلامه