تشيز كيك بالسنكرز طعم خيالي

السلام عليكم ورحمة الله وبركاتة
كيفكم حبايبي منورين والله
جايبة لكم اليوم تشيز كيك مميز كشخة اللي يشوفة يقول اكيد جايبتة جاهز لا وطعمة يم يم
حبيت اكتبه لكم علشان تستفيدون وتتميزون اذا جاكم ضيوف
يالليل مطولك ادري اني طولت عليكم وغثيتكم
المقادير"
الطبقة الاولى::::::::::
بسكوت( اوريو) اكيد تعرفونة اللي علبتة زرقاء والبسكوت اطبعا (20) قطعة
واحد قالب زبدة سايحة حجم صغير
الطبقه الثانية::::::
وحدة علبة قشطة قيمر
2كيس دريم ويب
نصف كوب حليب بارد
علبة جبنة فلادلفيا
ربع كوب سكر
الطبقه الثالثة:::::::::
ستة شكولاتة سنكرز
ثلث كوب زبدة
1كوب حليب سائل
الطريقة """"""""""
نطحن البسكوت ثم يخلط بالزبدة (هذي مقادير الطبقة الاولى) ونضعة في صينية خاصة بالتشيز كيك
اكيد تعرفونها اللي لها قاعدة متحركة
بعد ما نضعها في الصينية نخلط مقادير الطبقة الثانية بالخلاط اللي هي(القشطة+الدريم ويب+جبنة فلادلفيا+ربع كوب سكر+الحليب السائل)
ثم نضعها على البسكويت ونضعها بالفريزر حتى تجمد وتتماسك
ثم نجيب السنكرز ونضعه بحمام مائي ونضع معة ثلث قالب الزبدة وكوب الحليب السائل
طريقة الحمام المائي(نضع هالمقادير اللي ذكرتها بقدر ونضع القدر الي فية ها المقادير بقدر فية ماء ونضعها على نار هادئة الين يبداء الكاكاو يسيح مع التقليب المستمر) ثم نخرج التشيز من الفريز ونضع علية الشكولا وهي سايحة ونحطها مرة ثانية بالفريز لمدة ساعة
وصحتين
ادري انة متعب شوي بس النتيجة روعة وطعم لذيذ
انتظر ردودكم يا حلوين وارائكم بعد ما تسونة
وشكرا