تعالوا اضحكوا على سالفتي بس لاتقلدوني

.
.
.
مساء الخير ياعرايس
بالاول بقولكم قصتي وبعدها والاهم بطلب منكم طلب
طبعاً كل عرايسنا الحلوات يحلمون بفستان زواج حلو ويطير العقل
وانا وحدتن مايعجبني اي شي
وبس افرفر بهالمواقع ولامو اي مواقع مواقع مصممين عالميين
المهم دخلت على موقع المصمم فادي نحله
واناظر بهالفساتين طار عقلي
قلت يابنت اتصلي عليه بس
وامسك الجوال وازغط بهالارقام طن طن طيط طن
حياة: فادي نحله ؟ >>> تقول واحد من الاهل
فادي : ايوا اهلين اختي
انا طارن عيوني اكلم فادي نحله بشحمه ولحمه وعظامه
حياة: معاك حياة من السعوديه ابي فستان زواج >>>>>>> طايره الاخت ماعندها وقت
فادي: طيب اختي حياة حددي لي الفستان اللي بدك ياه
حياة: برسلك مسج بارقام الفساتين وارسلي الاسعار >>> حطو عشر خطوط على الاسعار
فادي: اوكي
واروح للموقع واتخير لا وبعد اقول هذا مو حلو مابيه ولا هذا ماله ذيل وع مابيه
وارسله المسج ويتصل علي ابو الشباب
ويقول الفستان الاول 15000 دولار >>> يعني 65 ريال سعودي
انا اناظر لاختي بصمت وحولت عيوني وطلعت لساني من الصدمه
حياة: ايو والثاني قال 32 الف دولار
انا استانست قلت 70000الف ريال او اكثر يابلاش
واخذ يخربط علي مايدري اني ماني يمه منخرعه
قلت اوكي >>> مسويا فيها >>> اوكي اكلمك قريب >>> بالعيد اكلمك
وبس عاد نجي للمهم
انا بروح الاسبوع الجاي للرياض
وابي اعرف فيه تخفيضات ؟ ووين ؟
بليز بنات اللي تعرف تعلمني
واللي ماتعرف ترفع الموضوع >>> تبي تكسر خاطركم
سي يو ياحلوات