تعالوا شوفوا بسرعه

ياه وه وينكم احد يجاوبني..........

ههه
ضحكتينى والله انتى واسمك هذا حرمه عن ميه رجال ومش قادره تضربي صرصور
ههه
اقول اذا عندك بف باف للحشرات الزاحفه بس بخه ويموت
واذا مات بشرينا

لا ماعندي ابي اي شي ثاني اقولك بيتي ما فيه حشرات علشان كذا مااستخدم بخاخات للحشرات....
وانا حرمه عن مية رجال الأ في هذي الاشياء تراني جدعه ويقولون عني انتي رجاله من سنعي وانا اختك .........

طيب جيبى شبشب الله يكرمك واضربيه طبعا اذا تقدري بس غمضى عيونك وانتى تضربي طبعا اقولك الكلام هذا عن خبره

ياحياتي والله محد عبرني الأ انت ،،، حاولت وجبت مكنسه علشانه طويله وانحاش بعد ما تعبت نفسي واحاول اني ادخل المطبخ .........
المهم شوفي انا عازمتك بكره عندي علقهوه وما ترديني ......
خلاص

خلاص ياقلبي
تم
وانا راح اقطعه تقطيع الله ياخذه

كنت بقول لك رشي بف باف
ولا اضربيه بأي شي خ
بس كوويس انه انحاش
تدرين انا مره شفت صرصور عند باب الحمام
وكنت ابي اطلع وخفت مااقدر انادي احد ولا شي وقعدت اصيح
لحد ماحس على دمه وانحاش خ

هلا حبيبتي
واله ودي اضحك بس ماقدر
لاني اكبر خوافه من الحشرات خصوصا الصراصير
ومااعتقد انه فيه احد يخاف اكثر مني
بس عندي لك حلول انا اسويها اختاري اللي يناسبك
اولا////لازم تدخلين وتشوفين وين راح
ثانيا///لازم تكونين لابسه شبشب
ثالثا////اذا لقيتيه حاولي انك تغطين عليه بسطل زباله صغير بس لازم يمون فيه كيس علشان ما يطلع الله ياخذهم
رابعا////اذا حطيتي عليه السطل حطي على السطل شي ثقيل علشان مايطلع
اللين يجي زوجك
خامساا////اذا مانفع معك كل هذا تشجعي وجيبي المكنسه الكهربائيه واشفطيه وسديها باي شي اللين يجي زوجك
سادسا////غلط واكبر غلط انك تطلعين وماتراقبيه وين يروح والا ماعاد راح تلاقينه قوي قلبك
وقلبي عندك
سابعا///اعطينا الاخبار
ثامنا////مااعتقد انه باقي لك نفس بالكافي

تصدقون يابنات مقفله المطبخ وفاتحه الأنوار علشان ما يتجول على كيفه الشي الثاني ،، فكره حلوه علشان بكره اذا جاء بعلي يتصرف معه راح احط السطل واخليه .........
وحلو ياسديم فيه ناس زي ،، انا نفسي اقرف تخيلوا جالسه على النت واطالع التلفزيون واتخيل وين رقا وش سو اوشلون انظف بكره لاني مره قرفانه ..........
بس فكرتك يا كاتمه الصوت احلى فكره يالله بروح ادوره ...... تابعونا