تعالوا هنا

1. زوجي وجهه حمر وراح يجري

السلام عليكم ورحمه الله وبركاته
كيفكم يابنات ....... <<<امزح ياحريم
خلونا نقعد نشوف لنا حل في !!!!!!!
طبعا قبل كل شي لزوم نقوم بواجب الضيافه وتخيلوا اننا جالسين نسولف وكل وحده جنبها فيجان الشاهي وتغط منه
وقدامها صحن فصفص الغروي <<ماتدري وش قصته
بعد ماقمت معكم بسيوم العرب
اكرام الضيف <<حاتم الطائي
نجي ونفتح موضوع يبط الشبد <<متعوب عليها تراا
المهم مالي بالمقدمات<<تسليك
موضوعي حيتكلم عن الصبايا
الي تحت الثمه عقارب او وحوش
عاد اليوم جمعه وطلعنا نتمشى وتدرون الرياض ماغير مولات حق التمشيه والفره مالكم بالطويله
كنا نمشي في امان الله وتدرون الحرمه من تشوف تخيفضات تجيك من اقصى اليسار عشان تدخل المحل ماهمها زوجها والعربيه الي قدامها تدعمه سحر خ<<دايم تتهاوش هي وزوجها على هالسبب
المهم ياحلوات
اليوم طبعا هالموقف من لاشي>>اخلصي ماصاررت <<اوك
مشينا انا وزوجي العزيز الي ماد التكشيره 6 سم
لانه مايحب المولات يفضل الكشتات
وزوجته المصونه ملت وبيجيها صرع لو راحت بر ثاني
يجون ثنتين بنات حلوات لثمات وعبايه مطرزه واخر كشخه ماخلت لون ماحطته
انا لمحت فقط انهم يتناغزون على الحبيب الي جنبي والحبيب الي جنبي يشم حفاضة بنته ويقول شكلها تشفير
وكنا نمشي ندور دورة ميااه ورحنا صوبهم جات وحده من البنات دفت الي جنبها على زوجي
ومسكته زوجي انفجع وش ذا صرخ ودفها فجعني انا تنحت وش هالجراه قالت له معليش وضحكه انثى انا خقيت على الضحكه

زوجي وجهه حمر وراح يجري

رحت دورة المياه لما طلعت لقيتهم واقفين قدام زوجي طبعا هو منتظرني بس انا واثقه فيه وطنشتهم جايقولي يا..... قلت له خير قال تدرين انهم يعطوني البي بي ويرقموني بالبلوتوث قلت له همج ماوراهم اهل يضفونهم قال الله يخسهم لو شافتني الهيئه لاتحملني بسببهم وانا محتريك تخلصين وادق عليك ماتردين >>الجوال داخ الشنطه ماينسمع
وخرجنا من المول
,.....,,,,,,,,,,,,,,,,,,,,,,,,,,,
مرينا هايبر بنبده نجيب لنا كم مقاضي
شاقول يابنات انتبهوا لرجايلكم والله
زوجي جنبي والبنات ينغزونه يحسبوني حيطه عبيطه لالفيت ظهري اطالع فيه بطرف عين القاهم ينغزونه
ومره رحنا رياض جاليري عيني عينك زوجي يكلمني وقفت بنت وراي وسوت نفسها تكلم على البلاك البيري ماسنجر داشه الاخت انا قلت شكلها شاريته جديد وجايه تكشخ عندنا
وغيره من المواقف الي تصير حتى البنات الي مسوين طرحه صاروا نفس الطقه اي وحده تشوف شا ب والمشكله زوجته جنبه تبقق العين مدري وش تحس هل تقول يمكن يعبرني او تشوفه لو يطالع فيها
ومافيه بنت هالحين ماصارت تعلق جوالها برقبتها
كانهم غنم يوم يعلقون جرس برقبتهم
استغفر الله بس الله يهديهم بس
موضوع حز بخاطري وحبيت اخبره عليكم انتبهوا لرجاجيلكم
من صارت معها مواقف زي كذا
وكيف نسوي عشان نتحاشاهاا
قسم كرهونا بالمولات والتمشيه حتى زوجي ماعد يبي يوديني مول بسبب هالاشكال
قال لي ماعد فيه مولات يامنتزهات ا و بر وش ذنبنا حنا ننحبس عشا ن بنات زي هذول
رامين الحيا ماوراهم اهل ولارجاجيل
وين اول لو غلطت الوحده ولاطلعت عيونها برا غطوتها هذا لو طلعت تحصل من يضبطها
الحين البنات ب 6 ابتدائي صاروا يحطون كجل وروج ويعرفون العشق وحنا الله يخلف علينا ماعرفنا هالامور الا بعد ماعرسنا وين يابنات وين صرنا وكيف اصبحنا الله يخلف علينا
اول الوحده ماتقدر تمشي جنب رجال ولاسمعت صوت غريب تنتفض تقول احد صعقها
والحين الي تدف والي تهيص والي ترقم والي تعااكس
امريكاواروبا ماتعرفت على هذي الامور
خساره يصير عندنا حنا العرب والمسلمين
صرنا مسخره والشباب ماينلامون لو هي بنت متستره وتمشي بحال سبيها والله ماحد تعرض لها ولاحد لمسها
سلام<<< عصبت