تعالوا يالدبيات يوميات

سلام الى الدبيات اللي تورط فيهم العالم ما لقوا لهم مقاس يضفهم
لا تحسبوني جايه اتهزى فيكم تراني وحده منكم وقررت اترككم للابد
وانا هذي لاجازه راح تكون اجازه غير بحياتي كلها خلاص مليت كل ما رحت
سوق يروح وقتك تدورين ملابس تصلح لك وكل ما جات عزيمه شفتي العالم تنحف وانتي
تزيدين ما طفشتوا من نفسكم اشكالكم تجيب الهم وين ما رحتوا تلقون ناس رشيقه
وانتوا كنكم دبة غاز خلاص استحوا انحفوا طلقوا الجزء الثاني من جسمكم العالم تمشي
بجسم واحد وانتوا باثنين عيب عليكم>>عصبت
انا وحده خلاص قررت قرار اني اطلق جسمي وارتاح منه الين متى وحنا نمشي بثنين
وهذي حياتي اوصفها لكم
ابتسامة امل في الطفوله:
كنت اقرب ما يكون لعود الاسنان نحيفه بشكل لدرجة ان خالي كان
يشرح علي علوم من كثر ما انا نحيفه وكانوا يسوون مسابقة لاسرع واحد يجيب عدد فقرات
ظهري بسرعه وكنت ابي اسمن عشان ارتاح منهم ومن استهزائهم واستمرت المعاناة الى 3 ابتدائي
وبدت تطلع الخدود وبديت اتختخ وصرت احلى واستانست مره لاني سمنت لكن جيت رابع
سمنت بشكل فضيع وصرت اسمن من اول بكثير رحت لخامس انتفخت اكثر من رابع واستمريت اسمن الين
اولى متوسط..
ابتسامة في المراهقه:
بديت اطفش من شكلي وانا دبا وقررت اسوي رجيم ورجيم بعد رجيم ولا نفع استمر اسبوعين وبعدها اوقف
وانا الحين في طلوع مستمر والحين وزني 87 كيلو وانا بنت عمري 16 اجل كيف اذا صرت في الجامعه
اتوقع ابصقع بالباب ومن فتره رحت لعيادة الدكتور رياض الهجن من كثر ما سمعت عن الدكتوره رنده اتوقع
كذا اسمها استمريت معها فتره ونحفت 10 كيلو لكن وقفت وقررت ابدا من جديد بهالصيفيه لاني ما راح اسافر وقاعده هنا وصراحه تحسفت اني رحت لها يعني لو نقول والله تسوي كشف قبل ما تعطيك ريجيماتها لكن ولا شي سوته تدخلين تقولين لها كم صار وزنك وتقولين لها وش تبين تاكلين وخلاص اطلعي ويعطونك ريجيمك
يعني ما راح تستفيدون فانصحكم اذا تبون تسوون دايت سووه بارادتكم لان لو تشتركين مع كل دكاترة العالم
ومع افضل النوادي الرياضيه ما راح تنحفين الا بارادتك ..
وانا حطيت هالموضوع لاني ابغى نتشارك يالدبيات ونصير رشيقات وارشق من الرشيقات بعد ونبي نطلق الجزء
الثاني من اجزائنا خلاص يكفي سمنه ما نبي نسمن الى الابد نعم للرشاقه ولا للسمنه اللي بهذلتنا
يالله يا بنات هذي الصفحه راح تكون لليوميات يعني كل وحده تدخل وتقول لنا وزنها وكم تبي تنحف ووشو ريجيمها والرياضه اللي تسويها وكل يوم تكتب لنا وش سوت اليوم وكم نحفت نبي نتساعد على اننا ننحف
ونست العالم اللي يقولون لنا انتوا دبات غاز فاضيه انتوا كيس زباله ما لقت زباله تضفها خلاص بننحف يالله ياليت تتعاونون معاي ونتشارك شحومنا>>فاهمه المشاركه غلط..
وهذي صور لرفع المعنويات وياليت نصير مثلهم
يالله يا بنات ابغى اشوف تفاعل واشوفكم بكره ان شاءالله مع اول يوم للرجيم..