تعبت من خياانته

1. بس قلت لا خلاص شكله أتعدل ودايما من زماان كنت أفتش من وراه في الجوال

السلام علييكم...
أأأأأخ يالقهر ماادري من فين ابدأ الموضوع ..لانه توي عرفت وسهراانه ماجاني نوم من التفكير
انا متزووجه ليه سنتين
قبل كده نزلت موضوع بزوجي بانه لا يصلي ..وكان يخون فحاولت معاها الين خليته يبطل
لكن للأسف اللي عنده طبع مستحيل يقدر يغيره بسهوله قصتي معاه طويله مع الخيانه ..
اه مقهورة من فترة كان يقولي نفسي اشتري بلاك بيري وانا كنت رافضه لاني عارفته

بس قلت لا خلاص شكله أتعدل ودايما من زماان كنت أفتش من وراه في الجوال

لا تقولو لا مايصير لا تلوموني لانه هو اللي ألزمني على كده من فترة الخطوبه وانا اكتشفته انه يكلم بنات قلت امكن يتعدل وحتى شهر العسل لاحظت انه يرسل لبنت وكلمته صارحته لاني مااقدر اكتم كتير وفي العيد وفي وفي امكن 7 مراات
المهم هي قصة طويله كل مره يبر شكل غير ويعتذر ويحلف انه مايرجع الين اخر مره بطل لفترة دامت 7 شهوور وبدأت الثقه تدخل وحسيت بأمان
لكن للأسف مادامت الفرحة كثير لانه بعد ماأشترى البيبي لاحظت عليه حركات مثلا يبعد عني وقت مايكون ماسك الجوال او يديره او يقلبه انا هنا قلبي دقني وبدأ الفار يلعب في عبي زي مايقولو بس ماكلمته وكنت اتقرب منه وهو يبعد ويوميا سهر وانا اجلس في البيت مع ولدي الصغير يخرج من العصر او المغرب مايرجع الا 12 او 1 الليل
مادري حتى تصرفااته صارت غريبه ..
المهم انا عارفه طولتها وهي قصيره بس من القهر اه قبل أمس اتصل عليه وقالي ابغاكي تعطيني رقم من جوالي الثاني لانه نسيه في البيت
وانا على نياتي اروح اعطيه الرقم ..طبعا راح نام اليوم في الليل وجاب ولدي الجوال يلعب فيه اخذته منه خفت لا يتصل على احد الا الاحظ الرقم اللي اعطيته هو اخر رقم شكيت في الموضوع ماادري ليه ؟
رحت طبعا على الرسائل وياليتني مارحت شفت منه رسايل لها الحقيره يقولها كلميني دحين ..لا تتصلي بعد 11 او 12 ورسايل غرام طبعا
من كثر التفكير والزعل مانمت وناويه بكره ازعل بجد واقوله كل اللي في قلبي واقوله تلاقي حل لهذاا الموضووع لاني من جد تعبت واكثر شي زعلني على انه انا اللي اعطيته الرقم
بس ايش رايكم هل ليه حق بأني ازعل ولا أمشي الموضوع واكل في قلبي
الله يخليكم ساعدوني لاني في حيره.. مره اعصب ومره اهدى
معليش الموضووع ملخبط ومو مرتب بس ماادري من حرقة قلبي بكتب اي كلام