تعرفين كيك ساريتا ام طيب كيك الكاس ام طيب تعالي هنا

•¦რѕнọάr ε

14-05-2022 - 11:17 pm

السلام عليكم ورحمة الله وبركاته
كيفكم واخباركم ..
المميزيات لهم مميز مثلهم
واكيد لو ماتهموني ما تعبت حالي اهئ اهئ
ولا تعب ولاحاجه دي حاجه بسيطه خالص<<< تكلم حالها اعذروها
حبايب قلبي ...
اكيد تعرفون كيك ساريتا او بالاصح كيك العائله
والاكيد انكم تعرفون كيف الكأس اللي يجي بورق زبده صح
ام طعمهم جنان وحلوه مع الشاهي ساعة العصر كذا واللمه
انا واعوذبالله من كلمة انا .... كنت عند اهلي قبل امس ...
وتفاجأت بأختي مسويه كيك في البدايه ماكنت اعرف انه هي سوته ماشاء الله تبارك الرحمن
حسبالي جاهز ...
ماشاء الله طباخه اختي وانا مدري
المهم ما كذبت خبر قلت جري على الفراشه
سويته البارحه وبيني وبينكم عادة ما اكل حلا من ايديني وللامانه
نص الصينيه اكلتها انا وشغالتي ... قولوا ماشاء الله ها ما صدقت وانا أأكل
المهم هذي صوره للكيك...اذا عجبكم كملوا القراءه والمقادير والطريقه
واذا ماعجبكم شكلها الله لايهينكم قفلوا الصفحه ههه
لالالا تعالوا وين رايحيين امزح ....
صورته..
.
وهذي المقادير وتراها متوفره بكل بيت
كاس ونص سكر
كاس وربع دقيق
7 حبات بيض
ملعقه وسط بيكنج باودر
وملعقه كبيره فانيليا
نص كاسه زيت
بس شفتوا كيف المقادير
نجي للطريقه عشان تضبط معاكي
شغلي الفرن قبل كل شي..
وبعدين ....
جيبي الخلاط حق العصير وحطي البيض والفانيليا والكينج باودر
واضربيهم ضربا مبرحا حتى يستغيثوا ههه
اقصد اخلطيهم مع بعض زين وحطي عليهم السكر واخلطي
وبعدين ضيفي الزيت واخلطي وبعدين ضيفي الدقيق تدريجيا واخلطي
الين ما تسير معاك خليط متجانس...
اذا حبيتي تكون الكيكه مثل حقي لونين يعني
خرجي شوي من الخليط وضيفي عليه اللي تحبين كاكاو او نسكافه اللي يريحك
جيبي صينيه من اللي تجيك في النص مفتوحه تعرفونها اكيد
ادهنيها بزيت عادي وصبي خليط الكيك في الصينيه
ودخليها الفرن ...
نص ساعه تقريبا على نار هادئه
اهم شي ما تفتحي الفرن نهائيا عشان ما يدخل الهوى وتخرب
بعد نص ساعه افتحي الفرن وجربي كيكتك دخلي عود الخله او سكينه
وشوفي اذا طلعت مافيها شي يعني نضيفه
معناته كيكتك سارت جاهزه طلعيها
وانتظري تبرد حبتين واقلبيها وقطعيها عشان تاخذ شكل كيك العائله
في النهايه اتمنى يكون طبقي لليوم اعجبكم
وهذي صوره اقرب ..
..
ايش رايكم مو فنانه ههه
بالعافيه ان شاء الله
.

التعليقات (7)

آنسة صفاء

15-05-2022 - 02:55 am

يا سلام يا سلام
يمي يمي
أكيد بيعجبنا و هو في شئ تسويه الدبدوبة
و ما يطلع حلو
دبة أقول أنا ما أعرف أطبخ ههه
أريد آكل من ايديكي الحلوة
ممكن تسويلي ههه و لو ممكن بعد الوردة الحمراء
تكون مع الكيك

الفراشة المغرورة

15-05-2022 - 05:59 am

تسلم ايديك

ام احمد

15-05-2022 - 07:00 am

تسلمين مشوار امراه والله يعطيك العافيه وان شاء الله رايحه اعملها

تاجي حجابي

15-05-2022 - 08:01 am

م
تسلم يدك.

ملكة الليييل

15-05-2022 - 09:02 am

الا مو بس فنانة الله يحميكي
شكل الكيكة جنان
مشكورة ياعسل.