تعليم الكبيرات دعوة في ضهر الغيب للي ترد ترا دعوآآتي مستجآبة بأذن الله

بسم الله الرحمن الرحيم
عندي صديقتي تركت دراستها وهي تاني متوسط ولمن كان عمرها 18 سنة راحت
مدرسة اهلية عشان تكمل للعلم بس تركتها ( 4 سنوآت ) الموهيم المدرسة الاهلية قالولها
ما نقدر ننقلك نقل عام لانو دا قانون جديد نزل من الوزارة و معروف الاهليه كانت تقبل
حتا يلي اكتر من 6 سنوات تاركين الدراسة بس مع القانون الجديد يلي نزل ادمرت نفسيتها
ماراا لدرجة صارت تجيها كتمة وتفكر كتير وجاها اكتئاب وتشرب حبوب اكتئاب والله لمن تشربها
كانهاا سكرانة تترنح وشكلها يقطع القلب كلو بسبب انو تبغا تكمل دراستها وكتير قالولها
مستقبلك ضاع ودحين هيا عمرها يادوب دخلت 22 سنة ومن كان عمرها 18 وهيا من مدرسة
لمدرسة وحتا الوزارة كل يوم تروح بس مافي فائده وسمعت عن تعليم الكبيرات و دورت في النت
بس مالقيت غير 3 طبعا عشان هيا من سكان جنوب جدة وماعندهم مواصلات فا ماتقدر تروح الين
الشمال وهيا فرحت لمن عرفت بس خايفة تروح وما تلاقي بنات في سنها خايفة يكونو اكبرمن 30 سنة
وهيا تبغا صديقات لانو ماعندها الا انا وحدة جارتهم .
سؤالي .
1- من تعرف تعليم الكبيرات متوسط تكون في جنوب جدة و ادا التسجيل للترم التاني مفتوح
ولا عليها ان تنتظر السنة الجية ؟
2- وقت التسجيل اش الاوراق يلي تاخدها وفين تروح اول شي ؟
3- كيف تعليمهم زي الصغيرا ت تماما ولا في تغيير ؟
4- عندهم مواصلات ولا لا بالذات المدرسة يلي في كيلو2 او اي منطقة في جنوب جدة ؟
والله يفرج كربتهم آمين ردولي با اسرع وقت عشان تلحق تعرف من بدري
لانو الترم التاني رح يبدا يوم 6 شهر 3
الله يسعدكم يلي تعرف اي شي عن تعليم الكبيرات اي شي لا تقصر معاها وشكرآ جزيل الشكر
ولكم دعوة في ضهر الغيب منها ومني وكلنا يتامى ( الاب متوفي )