تفكون ادخلوا ولا بجن او انتحر وانتم السبب

1. سلام يافراشات المنتدى الرائع

سلام يافراشات المنتدى الرائع

اولا انا امزح معاكم يعني مابنتحر ............ادري حرام بس والله ممكن أجن , تعبت من شعري والله والله إنه كان حديث الحريم وكل جلسة يسألوني عنه طول وكثافة كثافة ونعومه حتى اخواتي يقولون زي الممثلات شعرك يهبل وزميلاتي يحلفوني مااقصه ولا العب فيه وسلايفي يقولون ايش تسوين فيه وكنت بصراحة احس إنه محليني ومخليني جذابة
حتى كنت احيانا لما يتساقط واقول شعري يتساقط يقولون لاتخافين انت شعرك كثير ماراح يأثر وكل ماشافتني شغالة يطالعون ويقولون شعر انتي كثير ..................ادري طولت بس ودي تستوعبون ليش بجن
كل هذا فجاة بين يوم وليلة راح ماادري ايش السبب رحت اصبغة ومارضي يصبغ لان شعري اسود وبعدين قالت معليش شعرك مو راضي يصبغ برجع اصبغة بني غامق علشان يرجع اسود ,تساقط شعري وصار محروق وربي واقف لااستشوار ولا شي ينفع معاه صار خفيف جدا جدا كل من شافني ماصدق .......كل انواع العناية والزيوت سويتها ولا نفع .واخر شي قصيته بوي قلت خلي يطلع شعر جديد زميلاتي مدرسات نصحوني بالقص قالوا يمكن عين ومابتروح إلا بالقص بس الان لي سنة موراضي لايطول ولا يكثر ولاينعم كأني في الخمسين ماعاد عندي شعر .تكفون ساعدوني ساعدوني خلاص حتى خرجات ماعاد اخرج اعتزلت الناس صارت نفسيتي تعبانة .انا الحمدللة جميلة بس تغيرت 360 درجة زاد وزني ل90 بعد ماكان مايطلع عن 70 .كل شي تغير , احس حتى زوجي متغير وكأنه يقول انت كبرتي مو زي اول علشان كذا تغيرتي .معقولة اكون فعلا كبرت وراح جمالي انا عمري الان 34 , امانة ردوا انصحوني ايش اسوي ولا خلاص راحت علي .لاتنسوني من دعائكم