تكاليف الزواج عليك ولا عليه ادخلي للضروره

مرحبا بنات .. أكيد فهمتوا وش أبي أسالكم وافهم منكم من عنوان الموضوع ..
بصراحه انا متفاجأه من شي .. انه تكاليف الزواج تشترك فيها العروس وأهل العروس ..
يعني حفلة الزواج وكمالياتها شامله القاعه وماإلى ذلك ..
كل وحده تحدد من اي منطقة وتقول لي عاداتهم بالطريقه ..
أنا شماليه وبصراحه اول مره أسمع انه العروس وأهلها يشاركوا بالتكاليف ..
يعني عيب عندنا .. (( تخيلوا كل شي من الألف للياء على العريس وأهله ))
العروس مالها الا تاخذ مهرها وتجهز نفسها وبسس .. مالها أي دخل بالتجهيزات الثانيه للحفله ..
والله للحين مو ناسيه مره عروس من عندنا هي اللي تكفلت بمصاريف الطقاقه لحفل الزواج
وربي ماتركوها بحالها الناس .. وعيب والمفروض ماسوت كذا ..
يعني البنت ماتتشرط ولا تتدخل بشي .. حفله صغيره كبيره هم أحرار وعلى حسب امكانياتهم ..
أما هي وأهلها مالهم دعوة بشي أبد ..
بنات طولت عليكم بس من جد استغربت من هالاشياء ويمكن عندكم عادي ..
لكن البنات بالشمال مالها أي دخل بالتكاليف ..
ياليت كل وحده تدخل تشارك .. وتقول لنا على عاداتهم بالزواج .. والتكاليف وكل شي ..
بانتظاركم .. ياعروسات وبالتوفيق للجميع ..