تكفون اللي عندها خبره بصبغ الشعر تدخل ضروري

1. السلام عليكم ورحمة الله وبركاته


2. هلا خواتي الغاليات

السلام عليكم ورحمة الله وبركاته

هلا خواتي الغاليات

الصراحه انا عندي مشكله وياريت تساعدوني بحاول قد ماقدر اختصر الموضوع قبل العيد تقريبا بيومين رحت الصالون علشان اصبغ شعري هاي لايت المهم سألتني لكوافيره اذا كنت استعمل حناء ولالا قلت لها كنت احني شعري بس من سنه او اكثر شوي تركت الحناء قالتلي ماراح اصبغ لج اي لون علشان الحناء انا استغربت ليش شنو الفرق ؟ المهم قالتلي بصبغ لج الشعر كامل بني وبسويلج خصل لونها عسلي قلت لها طيب قامت وصبغت شعري وبعدين سوتلي الخصل بس الصراحه ارفعت ضغطي طلعت ماتعرف شي لا ومسويه روحها خبيره وشاطره تدرون شنو سوت ؟ سوتلي ثلاث او اربع خصل بس عسلي والباقي اصفر وكم خصله بأخر الشعر بيضاء والله بغيت ابجي قلت لها شنو هذا انتي قلتيلي الخصل بتكون كلها عسليه احنا ماتفقنا على ها اللون انا مابي اصفر قالتلي انا بغيت اسويلج على الموضه اصبري لين اخلص وبتشوفين شعرج شلون يطلع روعه والله قعدت على اعصابي شوي وبطيح الدمعه من عيني خاصه ان في وحده كانت جنبي سوت فيها نفس الشي اصبغت لها شعرها صبغه غير عن اللي اهي طالبتها وهاذيك بعد كانت شوي وبتبجي وراحت لصاحبة الصالون تشتكيلها بس بعدين عدلوا شعرها ماعلينا نجي لمشكلتي بعد ما خلصت طلع شعري يعني مب ذاك الزود خصوصا من جدام الخصل ما كانت مرتبه
المهم قلت شلون الحين بعيد وشعري من جدام جذيه رحت وشريت صبغه بنيه وصبغت الخصل الاماميه اللي اهي مخربتها وصارت الحمدالله حلوه وخليت الخصل اللي ورا
الحين ابي اعرف يصير اصبغ شعري بالكامل ولا اصبر لين تروح الصبغه الاوليه لاني الصراحه مليت منها ومب عاجبتني وابي اشتري صبغ لونه بني نفس اللي صبغته جدام واصبغ كامل الشعر لاني مابي ها الخصل الصفراء
تكفون بنات لا طنشوني يصير اصبغ الحين ولا شعري بيخترب ولازم اصبر؟ ترا ماعندي خبره وايد بالاصباغ بليز ساعدوني