تكفون بنات ساعدووني جد شعري صار شعرتين

فيه زيت مره للشعر روعه يكثر ويطول وينعم وهذا الزيت والله العظيم اني مجربته ومخلي شعري شي كل يسالني وش مسويه فيه
بس للامانه الزيت اخذته من منتديات عروس من العضوه اسيرةقلبه
جبت لكم خلطه انما ايه من بدويه وشعر بناتها لا اله الا الله شوف عيوني يهبل تبارك الله اذكروا الله,, كثير وناعم خيال ويطول بسرعه ماتلحق تقصه الا طال من جد ماشاء الله عن عيني وعين غيري
وحنا نسولف قمنا قلنا لها وراه ماتقصين قصة بنتك مغطيه على عيونها قالت والله اني قصيتها لها بس تطول بسرعه تبارك الله تقول توني قاصتها وطالت بسرعه قلت دام كذا ارفعيه لها بشباصه عن عيونها
وحليلها الحرمه طيبه مره قالت لي سر شعر بناتها
بس ابي منكم تدعون لها ربي يهون ولادتها وتولد بالسلامه لأنها واصل وادعوا لي اللي جبت لكم الخبر ان ربي يوفقني ويسهل امري ويرزقني اللي اتمناه يارب
وانا ناويه ابدأ بالخلطه هالاسبوع ان شاء الله
الخلطه عباره عن زيت زيتون علبه كبيرة << علبة قزاز وهي تستخدم زيت زيتون الوزير
هذي صورته اليوم شريته عشان بجربها
وراس كامل ثوم تبشرونه ناعم مره وتحطونه على الزيت بالعبله ,, هذي صورة الثوم اقصد وحده كامله مب فص اوكي ؟؟
وبيالة قرنفل(مسمار) مطحون << اللي مايعرفون بياله ام ياربي وش اسمها ام بوصف لكم شكلها هي كاسة الشاي الصغيره اوكي ؟؟
هذي صور للمسمار
وهذي صورة البياله اللي اقصدها
وتضيفونها للزيت وتنقعون الخلطه لمدة يومين
بعدين تستخدمونها مرتين بالاسبوع لمدة ساعه او ساعتين وطبعا ترجون العلبه قبل الاستخدام عشان الثوم والقرنفل مايقعد بالقاع
ولاتنسون جذور الشعر ادهنوها زين واللي عندهم فراغات بالشعر بتلاحظون ظهور الشعر مكان الفراغ
وأنا تأكدت منها قلت لها زيت الزيتون مايطيح الشعر قالت ابد بالعكس هذي شعوري بناتي ماشاء الله ماضرهم
بناءً على طلب احدى الاخوات بحط لكم صورة الخلطه بعد ماسويتها
بتسألوني ليه حطيتها بعلبة الفيمتو ؟؟
لأن علبة زيت الوزير ماكفت يوم حطيت القرنفل الزيت بدا يطلع من فوق رحت نظفت علبة الفيمتو وبالاستشوار نشفتها افضل بعدين نقلت الزيت للعلبه وكملت الباقي
تحياتي لكم
======
بنات الموضوع متجدد وبقول لكم عن النتائج اول بأول بإذن الله
هذي تجربتي الاولى كتبتها بإحدى الصفحات

مشكوره ياميمي ياعس سسل

اختي الغاليه انا عندي لك وصفات مضمونه انا شعري جات له عين وتساقط كثير وصار في فراغات مافيه شعر والحمدلله ثم الله وها الوصفات كل الي يشوف شعري ينبهر بس يبغى لها صبر وارداه النتيجه تطلع بعد شهر
اول شي عليك بالحنا مره كل اسبوع طريقته:
تاخذين 3 ملاعق حلبه مش مطحونه بس تكون الأصليه وتغلينها في ماء الين تشوفين لون الماء يصير مثل لون الزيت ويصفى ويخلط مع ماء الحلبه الحنا وملعقه مشاط يباع عند العطارين وملعقه ريحان ويخلط مع بعض وبعد ساعتين حطيه لمده 3 او 4 ساعات واغلسيه بعدين زيتي شعرك بخلطه انا ماخذتها من دكتور واستفدت منها كثير
خلطه الزيوت :
زيت البابونج
زيت المارميه
خلاصه الصبار البلدي (اذا وجد)
زيت زهره الصبار
حبوب اللقاح لزهره الصبار
زيت الجرجير
زيت العنبر الأزرق
زيت اكليل الجبل
يخلط مع بعض ويوضع في زجاجه ويزيت مرتين في الأسبوع .
(انتظمي بالوصفه وان شاء الله بتشوفين الفايده بس يبغى صبر انا هذي الخلطه جربتها واستفدت منها )
وعندي خلطه زيوت ثانيه
زيت الزيتون _زيت السمسم للشعر الخفيف_زيت المحلب _زيت الياسمين_زيت جوز الهند_زيت حبه البركه_زيت تاتا الهندي_زيت دابر الهندي اللون الأخضر_زيت الثوم _زيت البصل_زيت اللوز الحلو_زيت الخروع_زيت الحلبه_زيت الصبار_زيت الجرجير
تخلط جميع الزيوت مع بعض ويوضع مره في الأسبوع مطول الشعر ومغذي بصراحه انا ماجربته بس اعرف ناس استفادوا من هذي الخلطه

جزيتم خيرا والله يساعدك حبيبتي اتحملي ريحة الحلبه والثوم

السدر حبيبتي معروف عنة انه يكثر الشعر وبعد زيت الخروع زيت لتنبيت الشعر وخلطة الاخت ميمي شكلها حلوة مرة وانا انصحك بها واذا ماتحبين الريحة حطي على شعرك زبادي بعدها يروح الريحة

انا قريبتي قالتلي انها مستخدمة خلطة لشعرها المتساقط ونبت شعر مكان المتساقط وراح التساقط توقف وهي:
زيت زيتون مع بصل انا مفكرة استخدمه ولانه قوي على الشعر هي قالتلي كل اسبوعين مرة او كل شهر مرة واحدة انا لسة ما جربتها مفكرة اجربها بليز اللي بتعرف هاي الخلطة ومجرباها تقولنا مشان نستفيد

مشكوره